வேடிக்க - 4 'கொரியன் ரெஸ்ட்ரன்ட்'

வேடிக்க - 4

தினமும் வேறு வேறு திசைகளில் வாக்கிங்.

Angels whisper to a man when he goes for a walk.

Walk and stare. Stand and stare.

 கொரியன் ரெஸ்ட்ரன்ட் வேடிக்கை பார்க்கிற வாய்ப்பு. 

சின்ன அழகான வெள்ள கட்டிடம். 

லேப் டாப் முன் நின்று கொண்டிருந்த பையன் டார்ஜிலிங்கிலிருந்து வந்திருக்கிறான். 

"தாய்மொழி பெங்காலியா? இந்தி?"

இரண்டும் இல்லை. மறுத்து விட்டு சொல்கிறான்.

"Mother Tongue in Darjeeling Gorkhali"

கோர்க்காலி.

வேலை பார்க்கும் பையன்களும் சிறிய பெண்களும் நாகாலாந்து, மணிப்பூர், சிக்கிமிலிருந்து பெற்றோர்களைப் பிரிந்து வந்தவர்கள். நேப்பாலில் இருந்து வந்துள்ள பையன்கள் கூட.

அழகான கொரிய ஓவியங்கள் என்ன கதை சொல்கின்றன? 

A Sleeping Beauty. விழித்த நிலையிலும்.

யசுநாரி கவபட்டா எழுதிய ஜப்பானிய குறுநாவல்

' House of the sleeping beauties' ஞாபகத்தில்.

அதில் தூங்கும் அழகிளோடு கட்டிலில் விழித்தே படுத்திருக்கும் கிழவர்கள். 

ஜோனாதன் ஸ்விஃப்ட் கல்லிவர்ஸ் ட்ராவல்ஸைப் போல ஏதோ

 இது கொரிய கதையாயிருக்கலாம்.

கட்டிலில் இருக்கும் பெண்ணைச்சுற்றி லில்லிப்புட்ஸ் பெண்கள். 

பூனை கட்டிலுக்கடியில்.