அறிவாலயத்தில்

2011

அறிவாலயத்தில் நடந்த மணவிழாவில்

தலைவர் மூதறிஞர் கலைஞர், 

பேராசிரியர் 

இருவர் அருகில் நிற்கும் 

    R.P. ராஜநாயஹம்

சனிப்பொணம்

"சனிப் பொணம் தனிப்போகாது"

சொலவட 

சனிக்கிழம குடும்பத்தில சாவு வந்தா அடுத்து இன்னொரு சாவு சில நாளில் நடக்கும் என்று Conviction.

Convictions are more dangerous than lies.

- Nietzsche 

மருந்து சாப்பிடும் போது குரங்க நெனக்கக்கூடாதுங்கற மாதிரி 

போன சனிக்கிழம இந்த சொலவட தான் உடனே ஞாபகம் வந்தது. அடுத்து அந்த குடும்பத்துல ரெண்டு நாள்ள இசையமைப்பாளர் தேவாவோட தம்பி சபேஷ் மகன் அகால மரணம் நேர்ந்தது.

....

Photo 

R.P. Rajanayahem 2006

ஆனந்த விகடன் தீபாவளி மலரில் R.P. ராஜநாயஹம் எழுதிய 'V.K. ராமசாமி'

வி.கே. ராமசாமி 

அழியாத நினைவுகள் 

- R.P. ராஜநாயஹம்

விருதுநகர் கந்தசாமி ராமசாமி .   1947ல் நாம் இருவர் படத்தில்   முதியவராக நடித்த போது வி.கே.ஆர் ஜென்ஸி தான். வயது 21. 

தன் 15 வயதிலேயே நாடகத்தில் முதியவராக நடித்தவர்.

 

Supporting actors aren’t just those familiar faces who can steal a film.They show a way for movies to portray real life.

ரங்காராவ், ராதா, பாலையா போன்ற பெரும சாதனையாளர்களோடு வி.கே. ராமசாம ஒப்பிட முடியாத சாமானியர் தான். ஆனாலும் விசேஷமான நடிகர்.

நாம் இருவர் நாடகத்தில் செய்த சண்முகம் பிள்ளை பாத்திரத்தில் திரையிலும் வந்த வாலிபன் வி.கே. ராமசாமி. 

ராமச்சந்திரன் போல சினிமாவில் நிறைய ராமசாமி. புளி மூட்டை ராமசாமி, ஃப்ரண்ட் ராமசாமி அப்போது இருந்தார்கள்.

1950களில் ராமசாமி பாத்திரங்கள் எல்லாம் வேலாயுத பிள்ளை, நாராயண பிள்ளை பையா பிள்ளை இப்படித்தான். 

'பராசக்தி' நாராயணப்பிள்ளை பிரபலம் எல்லோரும் அறிந்த விஷயம். 

1954ல் வி.கே. ராமசாமி 'கனவு' என்ற படத்தில் கதாநாயகனாக நடித்தார். பத்மினியின் அக்கா லலிதா இந்த படத்தில் கதாநாயகி.

நடிக்க வந்த பத்து வருடத்தில் ஏ.பி

 நாகராஜனோடு இணைந்து 'மக்களைப் பெற்ற மகராசி', 'நல்ல இடத்து சம்பந்தம்' கே.சோமூ இயக்கத்தில் தயாரித்தவர் ராமசாமி.

நாகராஜனின் திரையுலக வாழ்வில் வி.கே.ஆருக்கு முக்கிய பங்கு உண்டு. ஏபிஎன் பெருவாழ்வுக்கு அஸ்திவாரம் இட்டவர்.

 ஏ.பி.நாகராஜன் முதன்முதலாக இயக்க 'வடிவுக்கு வளைகாப்பு' தயாரிப்பிலும் அவருடைய பார்ட்னர்.

இயக்குநர் ஆக முதல் போட்டு கை கொடுத்தவர் வி.கே. ராமசாமி தான்.

நாகராஜன் இயக்கிய குலமகள் ராதையை தயாரிப்பதற்கும் முதல் போட்டார்.

வி.கே.ராமசாமியின் தம்பி முத்துசாமி ராமலிங்கம் காரணமாக நாகராஜனுடன் மனத்தால் ஏற்பட்டு விட்டது. நட்பை பரிபாலணம் செய்வது சுலமான விஷயமில்லை.

இதனால் திருவிளையாடல் துவங்கி இவருடைய எந்தப் படத்திலும் வி.கே.ஆர் நடித்ததேயில்லை.

இத்தனைக்கும் சிவாஜி கணேசனுக்கு  ராமசாமி நெருங்கிய நண்பர்.

வில்லத்தனமான கதாபாத்திரங்கள் ஆரம்பத்தில் செய்தவர். வி.கே. ராமசாமி சிடுசிடுப்புடன் கடுகடுவென முகம் சுண்டி பேசுவதை சிறப்பாக நடிப்பில் வெளிப்படுத்தியவர். " அட மூதேவி" என்பார்.

கலகலப்பாக முக மலர்ந்தும் நடிப்பை பிரமாதமாக காட்டி நடிப்பவர்.

இவர் சரித்திரப்படம் சர்வாதிகாரியில் எம்ஜிஆருடன் முதன் முதலாக நடித்தார். வீர பாண்டிய கட்டபொம்மனில் எட்டப்பனாக நடித்தவர். மகாகவி காளிதாஸில் இருந்தார். பெரும்பாலும் சரித்திர புராண படங்கள் நடித்ததில்லை. இவருடைய பாணிக்கு அந்த மாதிரி படங்கள் அவ்வளவாக சரிப்பட்டு வராது.

நகைச்சுவை நடிப்பில் சீர்த்தன்மை கொண்டவர்

கொண்ஷ்டைகளே கிடையாது. Slapstick comedy இராது. வசனத்தில் பிரமாதமாக score செய்து விடுவார்.

'குடும்பத்தலைவன்'ல

 எம்.ஆர். ராதாவுடன். 

வி.கே.ஆர் "ஒங்க சின்ன மகன் come" 

ராதா "கம்ம சொல்லு, கம்மச்சொல்லு"

வி.கே.ஆர் "காலம் கெட்டுப்போச்சி"

ராதா "என்னடா, காலத்த தராசுல வச்சி நிறுத்துக்கிட்டே வர்ற"

பார் மகளே பார். அந்தஸ்து, பணத்திமிர் பிடித்த சிவாஜி கணேசனிடம் கோபமாக சண்டை போட்டு பேசும் காட்சி மறக்க முடியாது.

 

புதிய பறவை நாகேஷ் 'Boy' என்ற சிவாஜியின குரலுக்கு அதீத வேகம் காட்டும் போது ராமசாமி நக்கல்

"பையன் ரொம்ப சுறுசுறுப்பு".

'முரடன் முத்து'  - இவர் பெயரே செட்டியார்.

'ஊட்டி வரை உறவு சிவாஜி, முத்துராமன் பாலையாவுடன் லூட்டி படு சுவாரசியம்.

 வி.கே.ஆரின் காமெடி உச்சம். எத்தனை முறை பார்த்தாலும் அலுக்காத, சலிக்காத காட்சிகள்.

"டாக்டர் F.R.C.S.  foreign returned"

 வி.கே.ஆர்  வெள்ளந்தியாக " அதனால ஒன்னும்  தப்பு இல்ல "

வி.கே.ஆர் " ஒங்க பையன் என் கால்ல விழுந்து .."

பாலையா " என் பையன் கால்ல விழ மாட்டான். வேட்டி தடுக்கி விழுந்துருப்பான்"

தேவர் தயாரிப்பு படங்களில் விகேஆருக்கு வாய்ப்பு இருந்தது.

மாட்டுக்காரன வேலன்

எஸ். வரலட்சுமி "என்னங்க, மாட்டுக்கொட்டாய்ல இந்த அதிசயத்த வந்து பாருங்களேன்"

வி.கே.ராமசாமி "என்ன ஏசுநாதர் மறுபடி பிறந்துட்டாரா?"

'பட்டிக்காடா பட்டணமா' 

"மாப்பிள்ள அமெரிக்காவில் இருக்கார்.

வர்றதுக்கு மூணு மாசமாகும்"

ராமசாமி " ஏன்? நடந்தே வர்றாரா?"

நவாப் நாற்காலியில் எரிச்சலுடன்

 " அது என்னா பார்? மூன்ஸ்டால் பார்.. மூஞ்சப்பாரு"

ஜெய்சங்கர் ஏசி ரூமைப் பார்த்து குஷியாகி " ஏசி! ஐசி! ஓசி"

இவர் கடி "ஜோக் அடிக்கறியே. பழய ஜோக்கெல்லாம் படிப்பியா?" 

"தடிய தூக்குற வயசா இது?"

சுகுமாரி கேள்வி.

வி.கே. ராமசாமி பதில்

" முடியுது. தூக்குறோம்"

அப்பப்ப ரெட்டை அர்த்தத்தில் தான்

 வி.கே. ராமசாமி வசனம்.

டி.பி.முத்துலட்சுமி “ மாப்பிள்ளை பாடிக்கிட்டே அழுகுறாரு.”

வி.கே.ராமசாமி “பாடிக்கிட்டே அழுவுறவன இப்பத்தான் பாக்குறேன்.”

"பையன் தண்டவாளத்தில தலய வச்சி படுத்திருக்கான்"

"தலகாணி வச்சிக்க சொல்லு

விருதுநகரில் பெரும் தலைவர் காமராஜர் வீடு இருந்த பகுதியில் இவருடைய பெற்றோர் வீடு. காமராஜர் தமிழக முதல்வராக இருந்த போது இவர் நல்ல இளமையில் இவருக்கு திரையுலகில் நல்ல மதிப்பு.

'உயர்ந்த மனிதன்'  சிவாஜி கணேசனுக்கு மைல்கல்.

 வி.கே.ஆர்  ஜோடி மனோரமா. ராமசாமி இளைஞனாக கதாபாத்திரம். நடிக்கும் போது எதிர்பாராத விதமாக முத்தம் கொடுத்து விட்டாராம். மனோரமா "என்னண்ணே இப்படி" என்று சங்கடப்பட்டிருக்கிறார்.

'வீட்டுக்கு வீடு' நாகேஷுடன் அப்பா ராமசாமி அதகளப்படுத்துவார். "தந்தை வழியில் கொஞ்சம் பாதகம்"

1978ல் 'ருத்ர தாண்டவம்" கதாநாயகன். நடித்த நாடகத்தை இவரே திரைப்படமாக தயாரித்து நடித்தார்.

முன்னதாக 1966ல் கே.எஸ்.ஜி இயக்கிய 'செல்வம்', 

1968ல் ரவிச்சந்திரன் நடித்த 'டில்லி மாப்பிள்ளை'  

1971ல் பட்டு  'கண்மலர்' எல்லாம் ராமசாமி சொந்த தயாரிப்பில் வந்தவை.

1980ல் ரவிச்சந்திரன், சங்கீதா நடித்த 'பம்பாய் மெயின் 109' இவர் சொந்தப்படம்.

1983ல் வி.கே. ராமசாமி 'ஜோடிப்புறா' என்ற படத்தின் இயக்குநர். தயாரிப்பும் இவரே. தன் மகன்களை 

(V.K.R. ரகுநாத் - M.R.R. ரகு)

கதாநாயகனாகவும் வில்லனாகவும் நடிக்க வைத்தார்.

படத்தயாரிப்பாளராக ரொம்ப நஷ்டங்களை எதிர் கொண்டவர். இது பற்றி இவர் வேதனை "சிவாஜிக்கு சண்முகம் போல எனக்கு நல்ல தம்பி அமையவில்லை"

எம்.ஜி.ஆர் சொன்னாராம்" என்னை வைத்து படம் எடுத்து ஒங்க கடனையெல்லாம் அடச்சிட்டு நிம்மதியா இருங்க. நீங்க பத்திரிக்கையில விளம்பரம் மட்டும் குடுத்துட்டு சும்மா இருங்க. மத்த விஷயங்கள நான் பாத்துக்றேன்" . ராமச்சந்திரன் ராமசாமிக்கு கயிறு போட்டு விட்டார்.

ஆனா கட்சி ஆரம்பிச்சி பிஸியாகி பின்னால தமிழ் நாட்டின் முதல்வராக ஆகி விட்டார். ராமசாமிக்கு பல்பு தான்.

பிற்காலத்தில் ரஜினி அருணாசலம் படத்தில் வி.கே.ராமசாமியோடு இன்னும் சிலரையும் தயாரிப்பாளர்களாக்கி லாபத்தில் பங்கு கிடைக்கச் செய்தார் என்பதை நன்றி, நெகிழ்ச்சியோடு நினைவு கூர்ந்தார்.

'கல்யாணராமன்' சாமிபிள்ளள பாத்திரம் 

மணிரத்னம் 'அக்னி நட்சத்திரம்' காமெடி ஜனகராஜ் சகிதமா

ஃபாசில் பூவே பூச்சூடவா 

 'வருஷம் பதினாறு' கார்த்திக் 

 'அரங்கேற்ற வேளை' பிரபு ரேவதியுடன்.

மாதவன் நடித்த டும்டும், ராஜேந்தர் இயக்கத்தில் சிம்பு நடித்த காதல்

அழிவதில்லை வரை நடித்தவர்.

வி.கே. ராமசாமி மனைவி ரமணி. அவுட்டோர் ஷுட்டிங் இவரோடு தான் வருவார். படங்கள் ரமணி பெயரில் தயாரித்திருக்கிறார். நாற்பது வருடங்களுக்கு மேல் இவர் தான் துணைவி. 

ரமணியம்மாள் எம் ஆர் ராதாவுடன் வாழ்ந்தவர். அவர் மகன் ரகுவுக்கு ராமசாமி Step Father. ரகு அப்பா ராதா என்றாலும் பரிவோடு வளர்த்ததாக ரகு நெகிழ்ந்து சொல்கிறார். இவருக்கு ரவி என்று தம்பி. எம்.ஆர். ராதாவுக்கு பிறந்த இந்த இருவரையும் தன்னுடைய legal heir ஆக்கிய பெருந்தன்மையாளர் ராமசாமி.

வாழ்க்கையைப் பொருத்தவரை கதாநாயகன் அந்தஸ்தில் இருந்தவர் வி.கே. ராமசாமி.

படுக்கை சுத்தமில்லை. அவர் எத்தனை கல்யாணம் செய்தார்? பிள்ளைகள் ஆணும் பெண்ணுமாக ஏழு பேர் என்கிற விஷயம் உண்மை தானா?

இந்த ரகு பல படங்கள் கார்த்திக் கதாநாயகனாக     நடித்து இயக்கியவர். குஷ்பு, கனகா, சுவாதி, பல்லவி இவர் இயக்கத்தில் கதாநாயகிகளாக நடித்தவர்கள்.

ரகு கிறிஸ்தவ மதத்தில் சேர்ந்து டேவிட் நாதன் ஆகி விட்டார்.

ராம் மனோகர் என்ற ராமசாமி மகன் வி.சேகர் இயக்கிய 'நீங்களும் ஹீரோ தான்' படத்தில் காளியப்பன் என்ற முக்கிய பாத்திரத்தில் நடித்திருக்கிறார். 

ராம் மனோகர் (V.K.R. ரகுநாத்) அப்படியே அப்பா வி.கே.ஆர் சாயலில் இருப்பார். 

 

வி.கே. ராமசாமி நாடக உலக அனுபவங்களை கலைப்பயணம் என்ற பெயரில் நூலாக எழுதியிருக்கிறார். திரையுலக ஆனுபவங்கள் பற்றிய புத்தகம் எழுத ஆரம்பித்த போது மரணம் நிகழ்ந்து விட்டது. அதை எழுதி முடித்திருந்தால் பொக்கிஷமாய் இருந்திருக்கும்.

பி.டி. சம்பந்தம் என்ற மிக குள்ளமான நடிகர். அல்பமான கதாபாத்திரங்கள்  படங்களில் செய்தவர். இவர் பற்றி விகே.ஆ சொன்னார் "சம்பந்தம் தான் எல்லோருக்கும் வாத்தியார். நாடக உலகில் ஜாம்பவான். கண்டிப்பானவர். இவரிடம் அடி வாங்காத நாடக நடிகர்களே கிடையாது. என்.எஸ். கிருஷ்ணனே இவர் காலில் விழுவார்."

நடிகர் சங்க செயல்பாடுகளில ராமசாமி பெரும் பங்காற்றினார். நாடக, திரைப்பட நடிகர்களை ஒருங்கிணைத்தவர். நடிகர் சங்க கட்டிடம் கட்டுவதில் ஈடுபாட்டுடன் நடந்து கொண்டவர்.

இவருடைய அரசியல் வாழ்வு. காமராஜர் நேரடி தொடர்பில் இருந்தும் காங்கிரஸ் கட்சியில் சேரவில்லை. எம்ஜிஆர் கட்சி ஆரம்பித்த போது அ.தி.மு.க.வில் சேர விருப்பம் தெரிவித்தார். எம்ஜிஆர் " நீங்க அரசியலுக்கு வரவேண்டாம். திரையுலகிலேயே இருங்கள்."                               Subtext -  சரிப்பட்டு வர மாட்டீங்க.

 எம்ஜிஆர் மறைவுக்குப்பின் சிவாஜி கணேசன் 'தமிழக முன்னேற்ற முன்னணி' ஆரம்பித்தவுடன் அந்த கட்சியில் சேர்ந்து விட்டார். மேஜர் சுந்தர்ராஜன், சௌகார் ஜானகியும் சிவாஜி கட்சியில் இணைந்தார்கள்.

1989 தேர்தலில் எம்ஜிஆர் மனைவி ஜானகியுடன் கூட்டணி. சிவாஜி கூட திருவையாறு தொகுதியில் தோல்வியுற்றார். 

கலைஞர் வெற்றி பெற்று தி.மு.க ஆட்சி

 மேஜர் சுந்தர்ராஜனோடு சிவாஜிக்கு நிரந்தர பகை. நல்லவேளை ராமசாமியிடம் மனஸ்தாபம் ஏற்படவில்லை.

சிவாஜியோடும் எம்.ஜி.ஆரோடும் படங்களில் பல சமயங்களில் சேர்ந்து நடிப்பது என்பது கத்தி மேல் நடப்பது போல. அந்த அளவிற்கு அவர்களிடையே புகைச்சல், மனஸ்தாபம் இருந்த்து. வி.கே.ராமசாமி கவனமாக இருந்திருக்கிறார். 

டி.ஆர். மகாலிங்கம், டி.ஆர். ராமச்சந்திரன் துவங்கி ஜெய்சங்கர், முத்துராமன், ரவிச்சந்திரன், ஏ.வி.எம் ராஜன், சிவகுமார், தாண்டி கமல்ஹாசன், ரஜினிகாந்த் இருவரின் பெரு மதிப்பிற்கும் உரியவராகவும் வாழ்ந்த பாக்யசாலி ராமசாமி. மாதவன், சிம்பு வரை பார்த்தவர். 

சொந்த வாழ்க்கையில் எவ்வளவு பிரச்னை இருந்தாலும் அவற்றையெல்லாம் புறம் தள்ளி நடிப்பதில் அவரிடம் இருந்த Consistency  சிலாக்கியமானது. 1947 துவங்கி 2002 வரை திரைப்பயண சாத்தியம் அசாதாரணமானது.

Legend எனும் சொல் இப்போதெல்லாம் Cliche தான். வி.கே. ராமசாமி ரொம்ப மேலே மதிக்கப்பட வேண்டும்.

ஆனந்த விகடன் தீபாவளி மலர் 2026 ல் ராஜநாயஹம் எழுதிய " V.K. ராமசாமி"

ஆனந்த விகடன் 2026 தீபாவளி மலரில் 

R.P. ராஜநாயஹம் எழுதியுள்ள 

"V.K. ராமசாமி"

M.R. ராதா - V.K. ராமசாமி - ரமணி அம்மாள்

இந்த புகைப்படத்தில் M.R. ராதிகா குழந்தையாக. பிறந்த நாள் நிகழ்வு?

ராதிகா அம்மா கீதா மடியில் இருக்கிறார்.

நின்று கொண்டிருப்பவர் M.R. ராதாவுக்கு அப்போது மற்றொரு மனைவி ரமணி.

1960களின் முன் பகுதி புகைப்படம்.

இவருக்கு ராதாவின் மூலம் இரண்டு மகன்கள். ரகு. ரவி.

M.R.R. ரகுவை இப்ப வீடியோவில் பார்க்கும் போது அச்சு அசலாக ராதா போலவே இருக்கிறார். கார்த்திக் கதாநாயகனாக நடித்த சில படங்களின் இயக்குநர் ரகு. கிறிஸ்தவராக மாறி விட்டார்.பெயர் டேவிட் நாதன்.

எம்ஜிஆர் துப்பாக்கி சூடு சம்பவத்திற்கு முன்பே ரமணி அம்மாள் ராதாவை விட்டு பிரிந்து விட்டார்.

1970 வாக்கில் ரமணி அம்மாளை (இரண்டு குழந்தைகளுடன் இருந்த போது)  தன் பாரியாளாக V.K. ராமசாமி ஏற்றுக்கொண்டார். குழந்தைகளுக்கு step father என்றாலும் சொந்த பிள்ளைகளாக வளர்த்து சொத்திலும் பங்கு கொடுத்தார்.

ரமணி அம்மாள் நாற்பது வருடங்களாக V.K.R உடன் வாழ்ந்தார்.

Cinema Enum Bootham 234, 235 Episodes

234, 235 Episodes 

R.P. ராஜநாயஹம் 

சினிமா எனும் பூதம் 

1. தனுஷ் 

2. சிம்பு

......

R.P. ராஜநாயஹம்

'முரசு டிவி'யில்

ஞாயிற்றுக்கிழமைகளில்

காலை எட்டரை மணிக்கு

2021 டிசம்பர் 5ம் தேதி முதல் ஒவ்வொரு வாரமும் ஞாயிறன்று

'சினிமா எனும் பூதம்' 

தொடர்ந்து ஒளிபரப்பாகிக்கொண்டிருக்கிறது.

அந்த குர்பானி பாட்டு போட்டு விடுண்ணே

1981 

மதுரை கார்ப்பரேசன் கக்கூஸ்களில் சினிமா பாடல் டேப் ரிக்கார்டரில் ஒலிக்கும். 

டவுன் ஹால் ரோடும் மேலமாசி வீதியில் சந்திக்கும் இடத்தில் உள்ள பொது கழிப்பிடத்தில் சத்தமாக பாட்டு சத்தம் கேட்கும். 

தீப்பொறி ஆறுமுகம்  மெல்வதற்கு சரியான அவல்.

பொதுக்கூட்ட மேடையில் தீப்பொறி குத்த வக்கிற போஸ் குடுத்து உரத்த சத்தமாக குரல். 

ரெண்டுக்கு போய்க்கிட்டிருக்கிறவன் முக்கிக் கொண்டே கேட்கிறானாம் நேயர் விருப்பம்.

"அண்ணே, அண்ணே அந்த குர்பானி பாட்டு போட்டு விடுண்ணே.. குர்பானி ஜீனத் 'அம்மன்' பாட்டுண்ணே"

கூடியிருக்கிற மொத்த ஜனக்கூட்டமும் குலுங்க குலுங்க சிரிக்கிற காட்சி காலக்கண்ணாடியில் தெரிகிறது.

Descendant of Satan

Dec 9, 2012 post 

Descendant of Satan

- R.P. ராஜநாயஹம் 

The day a lawyer was born,Satan exulted.

"Allah has blessed me with progeny of my own."

- Akbar Ilahabadi

இந்த கவிதையை குஷ்வந்த் சிங் தன் சுய சரிதை  

Truth,Love & a Little Malice ல் குறிப்பிடுகிறார்.

சாத்தானின் வழித்தோன்றல் தான் வக்கீல்.

’A common prostitute renders more service to society than a lawyer.If anything,the comparison is unfair to whore.

குறைந்த பட்சம் அவள்  சமூகத்தேவைக்கு சேவை செய்கிறாள். அவள் தன் க்ளையண்ட்களுக்கு சுகம் தருபவள். 

வக்கீல் அப்படி  pleasure கூட தருவதில்லையே’ என்று சொல்லும் குஷ்வந்த் சிங் இங்கிலாந்தில் அந்தக்காலத்தில் மற்றவர்கள் மூன்று வருடம் படித்த சட்டப்படிப்பை ஐந்து வருடம் படித்து விட்டு லாகூரில் ப்ராக்டிஸ் செய்யும்போது குற்றவுணர்வுக்குள்ளானவர்

- 'My only regret was that I wasted five years studying Law and another seven trying to make a living out of it.'

John Grisham எழுதிய விறுவிறுப்பான கிரைம் நாவல்கள் லீகல் வகையைச்சார்ந்தவை.Legal Thrillers. (Bleachers நாவல் ஃபுட்பால், கோச்சிங் என்று மாறுபட்டது.)  

சில நாவல்கள் ஹாலிவுட் படங்களாகியிருக்கின்றன. அவருடைய பிரபலமான The Firm நாவல் டாம் க்ரூஸ் நடித்து1993ல் திரைப்படமானது. 

Grisham எழுதிய  The Rain Maker நாவல் மேட் டாமன் நடித்து 1997ல் வெளி வந்தது. அந்தப்படத்தில் கூட வக்கீலை ஏனோ செக்ஸ் தொழிலாளியுடன் தான் ஒப்பிட்டு வசனம் - 'What is the difference between a lawyer and a hooker ? A hooker 'll stop screwing you when you are dead.

I'm just another lawyer. Just another shark in the dirty water.'

The Firm நாவலில் Grisham - When you were in Law school you had some noble idea of what a lawyer should be. 

A champion of individual rights; a defender of the Constitution;a guardian of the oppressed;an advocate for your client's principles.

Then after you practice for six months you realize we are nothing but hired guns.

Mouthpieces for sale to the highest bidder, available to anybody, 

any crook, with enough money to pay our outrageous fees.

எரியிற வீட்டில் பிடுங்குனது தான் ஆதாயம்.

.....

மீள் பதிவு

Cause Celebre

May 24, 2017

Cause Celebre

’தமிழர்’ -  ரொம்ப ரோஷத்துடன் விவாதிக்கப்படும் சிக்கலான விஷயமாகியிருக்கிறது.

45 வருடங்களுக்கு முன் தி.மு.க எம்.பி செ.கந்தப்பன் என்பவர்

(பின்னால் கிரானைட் வீரமணியாக அறியப்பட்டவரின் உறவினர்.)

ஒரு வாக்கியம் சொல்லி அது ரொம்ப பிரபலம்.

இந்திராகாந்தியின் மத்திய அமைச்சரவையில் அப்போது மோகன் குமாரமங்கலம் ஒரு மந்திரி.

செ.கந்தப்பன் சொன்னார் : ”மோகன் குமாரமங்கலம் விஞ்ஞான ரீதியாக முழு தமிழர் ஆகமாட்டார்.”

துக்ளக் சோ இதை பிரமாதமான ஜோக் ஆக பாவித்து, தன் வாசகர்களிடம் செ.கந்தப்பனுக்கு ’ஒரு பைசா’ மணியார்டர் சன்மானமாக அனுப்பச்சொன்னார். அந்த மணியார்டர் அக்னாலெட்ஜ்மெண்டை துக்ளக்கிற்கு அனுப்பி வைத்தால் அந்த வாசகர்கள் பெயரை துக்ளக்கில் பிரசுரம் செய்தார்.

நிறைய, ஏராளமான வாசகர்கள் மணியார்டர் அனுப்பினார்கள் என்பது தெரிந்தது.

செ.கந்தப்பன் அந்த ஒரு பைசா மணியார்டர்களை மறுக்காமல் சலிக்காமல் கையெழுத்திட்டு வாங்கியிருந்திருக்கிறார்.

......

மீள் பதிவு 

2017

நிரோத்து

1970களில் ஆரம்பத்தில் கம்யூனிஸ்ட் பொதுக்கூட்டங்களின் துவக்கத்தில் கச்சேரி உண்டு. 

ரூப் தேரா மஸ்தானா மெட்டில் பாடல்.

"லூப்பு தரான். சரி தானா? 

வாங்கலேன்னா விட்றானா? 

நாளைய சமுதாயம் வீணா போகுதே"

நிரோத் விளம்பரம். வானொலியிலும். சாலை ஓரங்களில் 

விளம்பர பலகைகளாகவும் காணக்கிடைக்கும்.

நிரோத் சிம்பல் காங்கிரஸிற்கு இப்ப இருக்கிற "கை சின்னம்" தான்.

ரசமான காட்சி ஞாபகத்தில்.

வயதான முதியவர் தன் மனைவியிடம் நிரோத் விளம்பர பலகையை காட்டி,

கிண்டலாக " ஏய் கிழவி, இது என்னது?"

பாமர மனைவி  பலகை 'கை'யை உற்று பார்த்து விட்டு 

" நிறுத்து".

Precisely. 

'கை' நிறுத்த சொல்லுது. அதான் நிரோத்.

'வத வத'ன்னு நெறய்ய பிள்ளக வேணாம். நிறுத்து.

நீலமணி ரொம்ப ஃபேமஸான   கவிதை 

" நிரோத் உபயோகியுங்கள் 

நிரோத் உபயோகியுங்கள் 

விளம்பரங்கள் வற்புறுத்துகின்றன.

வாயேன்"

கலைவாணர் அசிஸ்டெண்ட் பீம்சிங்

'மணமகள்' என்.எஸ் கிருஷ்ணன் இயக்குநர்.

கலைஞர் மு.கருணாநிதி வசனம். 

உதவி இயக்குநராக ஏ.பீம்சிங். 

1951ல் வெளிவந்த இந்த படத்தில் ஏ.பீம்சிங் மனைவியின் சகோதரர்கள் கிருஷ்ணன், திருமலை, பட்டு ஆகியோருடன் பஞ்சுவும் பணி புரிந்தார்கள்.

அடுத்த வருடம் 'பராசக்தி' கிருஷ்ணன்- பஞ்சு இயக்கத்தில் வெளி வந்து சரித்திரம் படைத்தது.

ஏ. பீம்சிங் பிரபலம் பற்றி சொல்லி தெரிய வேண்டியதில்லை. 

திருமலை தான் மதறாஸ் டூ பாண்டிச்சேரி இயக்குநர்.

பட்டு கண்மலர் துவங்கி காயத்ரி இயக்குநர் பட்டாபிராமன்.

மணமகளில் என்.எஸ். கிருஷ்ணன் டெக்னிஷியன்ஸ் அனைவரையும் காட்டினார். 

பின்னாளில் 'அந்த நாள்' எஸ்.பாலச்சந்தர் படத்தில் பணிபுரிந்தவர்களை காட்டியிருக்கிறார்.

படம் 

 மணமகள் அசிஸ்டெண்ட் டைரக்டர் பீம்சிங்.

தி.ஜா. அன்னவிசாரம்

ரயில் பிரயாணம் வருகிற 

தி. ஜானகிராமன் கதைகள் என்றால் 

'சிலிர்ப்பு',

 'மனதிற்கு... '

' அக்பர் சாஸ்திரி' எல்லாம் 

கண் முன் வந்து நிற்கிறது. 

ரயில் பிரயாணத்தில் நடக்கிற மற்றொரு 

தி. ஜா. கதை 

'அன்ன விசாரம்' அட்டகாசம். 

'கச்சேரி'தொகுப்பில் உள்ள கதை. 

அறுபத்தொன்பது வருடங்களுக்கு முன்பு எழுதியிருக்கிறார். 

எழுபத்து நான்கு வயது கிழவர் சரியான glutton. 

மனிதன் தூங்குகிறதும், சாப்பிடுகிறதும் கோரமான காட்சிகள். சாப்பிடுகிற போது மன்மதனை, ரதியை கூட பார்க்க விரும்ப முடியாது. 

ஆனால் கிழவரின் தோரணை, அடுக்கடுக்காக பிரமிக்க அடித்த சம்பிரமம். 

' கறந்த படிக்கே காய்ச்சின பாலு. தண்ணி உடாம காச்சினா, மாட்டுக் காம்பு வெடிச்சிப் பூடும்னு பால்ல ஒரு பொட்டு தண்ணீரைத் தெளிச்சு இருப்பாங்க. '

' தயிருன்னா கத்தி போட்டு அறுக்கணும், தெரிஞ்சதுங்களா?'

'உப்புமா, தோசை, பொங்கல், வடை 

எண்ணெய் வாடையே வீசப்படாது. எல்லாம் நெய். 

கத்திரிக்காயும், வாழைக்காயும் சேர்த்து கொத்ஸு பண்ணுவாங்களே, அதுக்கு ஈடாச் சாப்பிட்டதே கிடையாது 

ராத்திரி சாப்பாடு ஒரு சாம்பார், கறி, கூட்டு, ரசம், பப்படம், வறுவல். படுக்கறப்ப பசும்பால் சுண்டச் சுண்டக் காய்ச்சி, ஜாதிக்காயும், குங்குமப்பூவுமா மணத்துக்கிட்டு மஞ்ச மஞ்சேருன்னிட்டு, அமிர்தமாப் பொங்கும். '

' மைசூர் பாகு, ஜிலேபி, கோதுமை அல்வா, தக்காளிப் பழ பஜ்ஜி, காபி எல்லாம் முரட்டுத்தனமாத்தான் இருக்கும். 

நெய்யைக் கக்கும் '

வெங்கடபதி வீட்டில் தான் சாப்பிட்ட கதையை விலாவாரியாக பேசும் அந்த கிழப் பயணி. 

ரயில் பயணத்திலும் கிடைப்பதையெல்லாம் சாப்பிட்டு வெளுத்து விரியக்கட்டி விட்டு

 அந்தப் பெரியவர் சொல்கிறார் :

"ஒரு அஞ்சாறு மாசமா வயிறு மந்தமா இருந்து வருது. ருசிக்க எதையும் சாப்பிட முடியல. அன்னத் திரேஷம் மாதிரியா இருக்கு "

.. 

DINNER! MUSIC!

விருந்து என்றால் இதற்கு மேல் கிடையாது. Dinner. 

இதற்கு மேல் வித விதமாக பரிமாற முடியாது.                        Dinner Items. 

இதற்கு மேல் எப்படி சாப்பிட முடியும். 

அப்படி ஒரு விருந்து. 

பர் லாகர் க்விஸ்ட் எழுதிய

"THE DWARF" நாவலில். 

இந்த ஸ்வீடிஷ் நாவலை 

தி.ஜானகிராமன் ஆங்கிலம் வழி தமிழில்

' குள்ளன் ' என்ற பெயரில் மொழிபெயர்த்திருந்தார்.

.. 

Music with dinner is an insult

 both to the cook and the violinist.

- G. K. Chesterton 

Dinner. Dinner Items. 

Music. 

விருந்து, இசை இரண்டையும் 

ஜேம்ஸ் ஜாய்ஸ் 

மிக அழகாக தன்னுடைய' The Dead' கதையில் நேர்த்தியாக ஓவியம் போல வரைந்திருப்பார்.

உணவு, இசை இரண்டும் சுவையில் தோய்ந்தது. 

தி.ஜானகிராமன்

 இசைக்காக "மோகமுள்" மட்டுமல்ல 

சமையலை கௌரவித்து "நளபாகம்" நாவலும் எழுதினார். 

....................

மீள்

2021 post

Hereditary Feud

Hereditary feud

மதுர கோமஸ் பாளையத்தில் ஆரம்ப பள்ளி ஆசிரியர் குழந்தைகளுக்கு பாடம் நடத்தும் போது 

ஒவ்வொரு வார்த்தையாக கரும்பலகையில் 

ஓ

ணா

ன்

எழுதி நிறுத்தி

உரத்த குரலில் "கரட்டாண்டி" என்று விளக்குவார்.

கோவை மசக்காளி பாளையத்தில் நடந்து போகும் போது குழந்தைகளால் கொலை செய்யப்பட்ட கரட்டாண்டியை பார்க்க நேரிட்டது.

Garden lizard.

"தாகத்தில் இருந்த ராமருக்கு ஒண்ணுக்கு இருந்து அந்த மூத்திரத்த குடிக்க குடுத்ததுடா ஓணான். அடிச்சி கொல்லுங்கடா."

செய்யாத பாவத்துக்காக காலங்காலமாக சிறுவர்களால் கொல்லப்படும் பாவப்பட்ட ஜீவன் ஓணான்.

"We bleed the same blood, yet we spill it like water to pay for debts we didn't owe."

129th episode Gemini Ganesan part 2

229th Episode 

R.P.ராஜநாயஹம் 

சினிமா எனும் பூதம் 

ஜெமினி கணேசன் பாகம் 2

13.09.2026

ஞாயிற்றுக்கிழமை 

முரசு டிவியில் 

காலை எட்டரை மணிக்கு

...

R.P. ராஜநாயஹம்

'முரசு டிவி'யில்

ஞாயிற்றுக்கிழமைகளில்

காலை எட்டரை மணிக்கு

2021 டிசம்பர் 5ம் தேதி முதல் ஒவ்வொரு வாரமும் ஞாயிறன்று

'சினிமா எனும் பூதம்' 

தொடர்ந்து ஒளிபரப்பாகிக்கொண்டிருக்கிறது.

ராசுக்குட்டி

ராசுக்குட்டி

R.P. Rajanayahem in Prasad Studio Shooting

R.P. Rajanayahem

Prasad Studio Shooting

Hindu S.Rangarajan movie

வெற்றிகொண்டான் ஆயாசம்

இவிங்கல்லாம் மந்திரிகளா? இவிங்கல்லாம் கட்சித்

தலைவர்களா? என்ற ஆயாசமும் சலிப்பும் 

 45, 50 வருஷ கால முன்பே இருந்தது.

வெற்றி கொண்டான் :  'பொன்னயன், பொண்டுகன் ,கொழந்தவேலு.

டேய் நீங்கல்லாம் மந்திரிங்கன்னா..

 நான் ஐக்கிய நாட்டு காரியதரிசிடா 

ஆளுக்கொரு சர்பத் ஸ்டால வச்சிக்கிட்டு கட்சின்னு சொல்ற நெடுமாறன், குமரி அனந்தன்லாம் கட்சித்தலைவர்னா 

நான் ஐக்கிய நாட்டு காரியதரிசிடா"

Episode 128 Cinema Enum Bootham

Episode 128 Cinema Enum Bootham 

"சிவாஜி கணேசன் - Part 2"

முரசு டிவியில் 

30.08.2026

ஞாயிற்றுக்கிழமை 

காலை எட்டரை மணிக்கு 

.....

R.P. ராஜநாயஹம்

'முரசு டிவி'யில்

ஞாயிற்றுக்கிழமைகளில்

காலை எட்டரை மணிக்கு

2021 டிசம்பர் 5ம் தேதி முதல் 

ஒவ்வொரு வாரமும் ஞாயிறன்று

'சினிமா எனும் பூதம்' 

தொடர்ந்து ஒளிபரப்பாகிக்கொண்டிருக்கிறது.

Lady Macbeth

Lady Macbeth can never be a Gentleman

பிரேமலதா"ஆளுங்கட்சி எதிர்க்கட்சி சட்டசபையில் சண்டை போட்டுக் கொள்கிறார்கள்" 

திமுகவையும் குறை சொல்லும் Lady Macbeth can never be a gentleman!

https://www.facebook.com/share/p/19CWWbwRH3/

சண்பகப்பூ

வீட்டு கேட் ஒட்டி செண்பக மரம்.

கைக்கெட்டாத உயரத்தில் ரெண்டு மூணு சண்பகப்பூ.

தி.ஜானகிராமன் எழுதிய "சண்பகப்பூ" கதை.

மோந்து பாத்தா மூக்குல ரத்தம் வந்திடுமோ?

ரொம்ப அழகான பெண்ணைப் பாத்தா சண்பகப்பூ ஞாபகம் வரும்.

https://www.facebook.com/share/p/1M9oDFK2JU/

https://www.facebook.com/share/p/1Bcqqk3tjL/

தொலைந்து போவதே குறியாக குழந்தை

காலையில் பூம்பூம்பூம் மாட்டுக்காரனை 

 பாலன் D நகரில் பார்த்ததும் 

பழனியில் இருக்கும்போது கீர்த்தி இரண்டு வயதில் பூம்பூம் மாட்டுக்காரன் பின்னாலே கூடவே ரொம்ப தூரம் போய் விட்ட நிகழ்வு ஞாபகம் வந்தது.

இரண்டு வயதிலே பல முறை காணாமல் போய் தேடி  

நினைத்தே பார்க்க முடியாத தூரத்தில் கீர்த்தியை கண்டு பிடித்த சம்பவங்கள்.

தொலைந்து போவதிலேயே

குழந்தை குறியாக ..

திருஞானம் சின்னகண்ணன்

சந்திக்க வந்த விசேஷமான 

அருமை நண்பர் 

பெங்களூரு திருஞானசம்பந்தன்.

திருஞானம் சின்னகண்ணன்

Thirugnanam Chinnakannan

முதல் சந்திப்பு. இப்போது தான் நேரில் பார்க்கிறேன்.

வேடிக்க - 71

வேடிக்க - 71

1. ஆங்ரி க்ரிஸ்டியன்

2.மன்மத நன்றி 

3. சேவை வரி

Two types in a single shirt

இரண்டு புகைப்படத்தில் இருப்பது ஒரே சர்ட் தான்.

Reversible Double sided Two in one shirt.

உள் பக்கமும் உபயோகப்படுத்தக் கூடிய ரெடிமேட் ஷர்ட். Two different models in a single shirt.

1987

Eye Donation

Eye Donation 

14.08.2026 

Friday Evening 

Both R.P. Rajanayahem and R. Malarvizhi Donated Eyes to Aravind Eye Hospital

https://www.facebook.com/100006104256328/posts/4572123783001052/?app=fbl

Cliche

Cliche 

ஒக்காருங்க ஒக்காருங்க ஒக்காருங்க

M.R. Radha Car Gossips

M.R. Radha Car Gossips 

நக்கீரனில் ராதாரவி கர்ஜனை தொடரில் சொன்ன விஷயம்.

ராதா ரவி எழுதிய அந்த தொடரில் உள்ள சில சுவாரசிய தகவல்கள் பற்றி எழுதிய கட்டுரை சினிமா எனும் பூதம் பாகம் 2ல் இடம் பெற்றிருக்கிறது 

காதலிக்க நேரமில்லை படத்தில் ஆரம்ப காட்சி. ’என்ன பார்வை, உந்தன் பார்வை’ பாட்டில் வரும் அந்த Open top Convertible car! 

சிவப்பு நிற இம்பாலா செவர்லெட் டூரர் கார் எம்.ஆர் ராதாவுடையதாம். 

அவரிடம் கேட்டுப் பெற்று இயக்குனர் ஸ்ரீதர் 

பயன் படுத்தியிருக்கிறார்.

இந்த காரில் எம்.ஆர்.ராதா வைக்கோல் போர் ஒரு முறை ஏற்றியிருக்கிறார். ஆனால் அதை வைத்து உலவும் பிரபல வதந்தி கட்டுக்கதை.  

வைக்கோல் போர் வேண்டும் என்று  

மனைவி கேட்டுக்கொண்டதால் 

அவசரத்திற்கு காரில் ஏற்றியிருக்கிறார்.

 வேறு Motive எதுவும் கிடையாது என்ற 

 உண்மை ராதாரவி மூலம் தெரிய வந்திருக்கிறது.

https://www.facebook.com/share/p/1AeY4avE65/

தி.ஜானகிராமனின் சிகர சாதனை மோகமுள்

"எனக்கெட்டும் அளவில் அகில இந்திய புகழ் பெற்ற தாரா சங்கர், 

கிஷன் சந்தர் உட்பட ஞான பீட பரிசு பரிசு பெற்றோர் எவரும் சாதிக்காததை தி.ஜானகிராமன் 'மோகமுள்'ளில் சாதித்துள்ளார். 

தி.ஜானகிராமனின் சிகர சாதனை கணிக்கப்படாதது தமிழ் மொழியின்  துரதிர்ஷ்டம்"

- வெங்கட் சாமிநாதன்

R.P. ராஜநாயஹம் 1989ல் வெளியிட்ட 

தி.ஜானகிராமன் நினைவு மதிப்பீட்டு மடலிலிருந்து

......

அப்போது  தி.ஜானகிராமனுக்காக நினைவு மதிப்பீட்டு மடல் வெளியிட்டிருந்தேன்.

புதுவை பல்கலைக்கழக துணைவேந்தர் 

கி வேங்கட சுப்ரமணியன் 

 எதிர் வீட்டில் அப்போது இருந்தார். அவர் ஆச்சரியப்பட்டு 

ஆள் அனுப்பி  அவர் வீட்டுக்கு அழைத்து 

என்னை வைத்து உடனே தி.ஜா வுக்காக கருத்தரங்கம் நடத்த தமிழ் துறை தலைவராயிருந்த 

க.ப. அறவாணனுக்கு

உத்தரவிட்டார்.

Vismaya Mohanlal's Thudakkam

Vismaya Mohanlal' Thudakkam 

"Make your father proud"

மோகன்லால் வசனம் மகளிடம்.

Serial killer  இனி பார்க்கவே கூடாது என்று ஆறு வருடங்களாக வைராக்கியமாக உஷாராக இருந்தும் கதை தெரியாமல் துடக்கத்தில் சிக்கிக்கொள்ளும்படியாகி விட்டது.

வேடிக்க - 69

வேடிக்க - 69

'ஆட்டுக்கார அலமேலு' ஆடு

 ஊர்வலமாக கொண்டு போகப்பட்ட போது செம ஜனத்திரள் 

பேராசிரியர் அப்துல் காதர் எழுதிய கவிதை

" ஆடு என்னவோ கம்பீரமாக தான் நின்றது 

மக்கள் தான் மந்தையாகிப்போனார்கள்"

..........

 பேராசிரியர் அப்துல் காதர் பற்றி இந்த கவிதை பற்றியெல்லாம் ராஜநாயஹம் பழைய பதிவொன்றில் குறிப்பிட்டதுண்டு

2019ல் ராஜநாயஹம் எழுதிய பதிவு 

http://rprajanayahem.blogspot.com/2019/09/blog-post_16.html?m=1

மந்தை

- R.P. ராஜநாயஹம் 

உயிரோட ஒர்த்தன் குழியில எறங்கப்போறான்ன உடன

 எவ்வளவு 'ஆன்மீக கலை தென்றல்கள்' 

கூடி நிக்கறானுங்க. 

எங்கங்க இருந்தெல்லாம் கெளம்பி வர்றாங்க. என்னா ஒரு வக்ரம். 

கும்பல் கும்பலா 'சாமியார் தாழன்' கால்ல விழுந்து உண்டியல்ல பணத்த போடுறானுங்க. 

சூடத்த கொளுத்தி, துண்ட போட்டு தாண்டுறானுங்க. 

குழிக்குள்ள எறங்கப்போறத பாக்கணுமேன்னு, மண்ணு ஒரு பிடி போட்டு குழிய மூடனுமுன்னு விடிய விடிய தவிச்சி தக்காளி விக்றானுங்க.

எழுபத்தஞ்சு வருஷத்துக்கு முன்ன சர்ச்சில் கூட்டத்தில பேச வந்தப்ப அவரோட கைபாணம் ஒர்த்தன் கண்ண விரிச்சி "உங்க செல்வாக்க பாருங்க. எம்மாஞ்சனம், எம்பூட்டு கூட்டம்" னப்ப, 

சுருட்ட வாயில இருந்து எடுத்து சர்ச்சில் ரீயாக்சன் "அட போடா, அப்படியெல்லாம் வாய பொளந்து ஏமாறக்கூடாது. என்னய இப்ப இந்த எடத்துல உயிரோட தூக்குல போடப்போறதா சொல்லியிருந்தா இத விட பல மடங்கு அதிகமா,

 எள்ளு போட்டா எள்ளு எடுக்க முடியாதுன்ற அளவுக்கு கெட சனம் கூடியிருப்பாங்கெ. போப்பா போ"

  ஆட்டுக்கார அலமேலு படத்தில் நடித்த ஆட்டை ஊர் ஊரா கொண்டு போனப்ப அத பாக்க கெட சனம். எல்லா ஊர்லயும் கூட்டமான கூட்டம்.

பேராசிரியர் அப்துல் காதர்  அப்ப  ரெண்டு வார்த்த சொன்னார். செம.

"ஆடு என்னவோ கம்பீரமாகத்தான் நின்றது.

மக்கள் தான் மந்தையாகிப்போனார்கள்"

.....

வேடிக்க - 70

வேடிக்க - 70

1.Bigg Boss 10 விளம்பரத்தில அடையாளமே தெரியாத குடுகுடுப்பைக்காரன் 

விஜய் சேதுபதி 

2. சகிக்க முடியாத விளம்பரம் ATMல நகை.

சிவகார்த்திகேயன் தமிழக மக்களை பனகல் பார்க் அருகே வரச்சொல்லி அழைப்பு. விளம்பரத்திலேயே பரவசமாக 

'நக' வாங்கனும்னு 'தவித்து தக்காளி விக்கும்' ஜூனியர் ஆர்ட்டிஸ்ட்ஸ்.

3. சரத்குமார் 'நாட்டாமை குடும்பம்' Tattoo

பச்ச குத்திக்கிட்டவங்க எப்பனாலும் நாட்டாமைய சந்திக்க வரலாமாம்.. Offer!

சந்திர பாபு சினிமா மார்க்கெட்

Chandra babu with MSV and L.R. Eswari 

'பொறந்தாலும்' பாட்டு கூட இந்த காம்பினேஷன் தான்.

ஒருவேளை இந்த ஸ்டில் கூட அந்த ரிக்கார்டிங் போது தானோ என்னவோ?

திருநெல்வேலியில விசுவநாதன் கச்சேரியில பாபு  solo song 

'பம்பரக்கண்ணாலே' பாடும்போது

கூட்டம் ஆட்டம் உற்சாக ஆரவாரத்துடன்.

ஆவேச ஜனத்திரளில் இருந்து ஏகப்பட்ட குரல்கள். 

"Once More"

பாபு பாடி முடித்ததும் "டேய் விசு, என்னடா எனக்கு சினிமால மார்க்கெட்டே இல்லேன்றாங்க. இங்க பார்ரா."

கௌரவம்

என்னடா இவ்வளவு கௌரவம்?

பொன்னாடை, பூச்செண்டு 

கேமரால கவர் பண்றாங்க...

வெளி வராத Short film shoot

 actor Rajanayahem R.P. Rajanayahem 

2018

Location: SRM University Ramavaram

"And one man in his time plays many parts"

- Shakespeare in 'As you like it'

 

"A poor player struts and frets his hour upon the stage, and then is heard no more"

- Shakespeare in 'Macbeth'

வேடிக்க - 68

வேடிக்க - 68

தெனமும் ராத்திரி வாட்ஸ் அப்ல

ப்ரியா பவானிசங்கரின் அப்பா 

Good Night னு message அனுப்பிக்கிட்டே இருக்கார்

வேடிக்க - 67

வேடிக்க - 67

1. ராமதாஸ் : அரசியல் துறவறம். என்னிடம் அரசியல் பேசக்கூடாது.

பாமகவை அன்புமணியும் சௌமியாவும் பார்த்துக்கொள்வார்கள்.

அன்புமணி: அய்யா வழிகாட்டுதலில் கட்சி நடக்கும். பாமக தமிழகத்தை ஆள்வதை அய்யா பார்க்கத்தான் போகிறார்கள்.

2. கன்ன அறை கண்ணிய கயல்விழி அழகிரி

நினைவோ சிறகு விரிக்கும் பறவை

நினைவோ சிறகு விரிக்கும் பறவை

- R.P. ராஜநாயஹம் 

ரொம்ப சின்னப் பையனாய் இருக்கும் போது சங்கரன் கோவிலில் 

 திருமணத்திற்கு போய் இருந்தேன். திருமணங்கள் எவ்வளவோ உண்டு தான். 

இந்த திருமணம் மறக்கவே முடியாது. அதைப் பற்றிய வித விதமான நினைவுகள். 

கல்யாணம் முடிந்த பின் மாலை பாட்டு பாடினேன்.

"பொல்லாத புன்சிரிப்பு, போதும் போதும் உன் சிரிப்பு, யார் வீட்டுத் தோட்டத்திலே பூத்ததிந்த ரோசாப்பூ? "

 'தொர பாடுறான்' , 'தொர பாடுறான்' என்று பெரியவர்கள், குழந்தைகள் எல்லோருமே உற்சாகமாக ரசித்தார்கள். 

 பெரிய மாமனார் எஸ்.எம். டி அங்குராஜ் - அப்போது அவர் புது மாப்பிள்ளை, காரில், (அது அவருடைய அப்பா கார். அவர் தான் சங்கரன் கோவில் திருமணத்தை 

தலைமை தாங்கி நடத்தி வைத்தார்.

என் மனைவியின் தாத்தா தங்கமுடியா பிள்ளை)

அப்பா, பெரியப்பா

 (பெரியப்பா மகள் - ராஜம்  அக்கா தான் கல்யாணப் பெண். நான் தான் மாப்பிள்ளை ஊர்வலத்தில் அத்தான் ராமகிருஷ்ணன்  கையைப் பிடித்து அழைத்து வந்தேன்.)  குற்றாலம் போனோம். 

அங்கே  அப்பாவுடன் நான்காம் வகுப்பு முதல் இன்டர்மீடியட் வரை செயின்ட் சேவியர்ஸில் ஒன்றாக படித்த ஜி. ஆர். எட்மண்ட் அவர்களை

தந்தை தற்செயலாக மெயின் ஃபால்ஸில் சந்தித்தார். 

இருவரும் பள்ளி, கல்லூரி கால நினைவுகளில் பரவசமானார்கள். 

அப்போது எட்மண்ட் தி. மு. க. வில் உதவி சபாநாயகர். 

பின்னால் இவர் அ.தி. மு. க வில் எம்ஜியார் அமைச்சரவையில் உணவு அமைச்சராகவும் இருந்தார். 

சுயமரியாதை மிகுந்த எட்மண்ட் அமைச்சராக இருக்கும் போது மகள் கல்யாணத்துக்கு தோட்டத்திற்கு முதல்வருக்கு பத்திரிகை வைக்கப் போன போது 

அவரை எம். ஜி.ஆர் நேரில் சந்திக்காமல் இன்டர்காமில் பேசி, கல்யாண பத்திரிகையை ஹாலிலேயே வைத்து விட்டு போக சொல்லியிருக்கிறார். எட்மண்ட் தன் அமைச்சர் பதவியை ராஜினாமா செய்து விட்டார்.

https://www.facebook.com/100006104256328/posts/3088026201410825/?app=fbl

R.P. Rajanayahem body Donation after death to Medical College

13.07.2026 

Donation of R.P. Rajanayahem body after death 

to Coimbatore Medical College

பூமணி

1982 ல் படித்த நாவல் 'பிறகு' 

மீண்டும் மீண்டும் பலமுறை.

1983ல் படித்த 'வெக்கை' 

2008 அக்டோபர் ராஜநாயஹம் பதிவில்

பூமணியின் "பிறகு" நாவலில் ஒரு காட்சி

சக்கணன் அத்துவான காட்டில்

 நல்ல வெய்யிலில்

 தாங்க முடியாத தாகத்துடன் நீரை தேடுகிறான்.

 நல்ல வறட்டு தாகம். 

அங்கே ஒரு குட்டை தென்படுகிறது.

குட்டையை நெருங்கி குத்த வைத்து குந்தி குனிந்து அப்படியே வாயை நீரில் அமிழ்த்தி நீரை உறிகிறான். 

தேவாம்ருதம். 

நல்ல கடுமையான தாகத்துடன் இருப்பவன் எப்படி நீரை உள் வாங்குவான். சொக்கிப்போய் நீரை மடக்கு மடக்கு என அருந்துகிறான். கண்ணை மூடிக்கொண்டு சுவைத்து நீரை குடிக்கிறான்.

தாகம் முழுதும் தீர்ந்தவுடன் நிதானமாக கண்ணை திறக்கிறான்.

 அப்படியே பார்க்கிறான்.

கண்ணுக்கு க்ளோஸ்-அப் காட்சி.

நீரில் அவன் வாயை யொட்டி மனித மலம் கோபுரம் போல மிதக்கிறது.

 ஆடி ஆடி மிதக்கிறது.

ஃபீல்ட விட்டே விரட்டப்போறேன்

2012 post 

ஃபீல்ட விட்டு விரட்டப்போறேன்

சினிமா சான்ஸ் தேடி அலைந்து 

சில படங்களில் தலை காட்டிய ராஜபார்ட் நடிகர்களின் குறியீடு தான் இந்த கதையில் வருகிற மஹாராஜா என்ற  கதாபாத்திரம்.

மஹாராஜா என்று  தனக்கு பெயர் வைத்துக்கொண்டான் அந்த சாய்பாபா தலையன்.உயரம் ரொம்ப கம்மி. ஆனால் நினப்பு சாதாரணமல்ல.

முதல் டப்பா படத்தில் வில்லன்.

சிவகுமார் படத்தில் ஒரு நடிகைக்கு அண்ணன்.

இன்னொரு விஜயகுமார் படத்தில்  ரோல்.

அடுத்து ஒரு ஜெய்கணேஷ்  படத்தில் அவருக்கு தம்பி.

அப்புறம் ரெண்டு படங்கள் ஒரு வாரம் ஓடின. அவற்றில் ரெண்டு,மூணு கதாநாயகர்களில் ஒருவனாக இந்த மஹாராஜா!

அந்த நேரத்தில் ஒரு படத்தில் சிவாஜிக்கு தம்பியாக நடிக்க வாய்ப்பு மஹாராஜாவுக்கு கிடைத்தது. அந்த படம் ஷீட்டிங் நடக்கும்போதே சிவாஜியோடு சவாலாக இப்படி ரோல் இது வரை யாரும் செய்ததேயில்லை என்றான். தங்கபதக்கம் ஸ்ரீகாந்த் ரோல் எல்லாம் நான் இந்த படத்தில் செய்கிற ரோலுக்கு ஜுஜுபி என்றான்.

ஜெமினி,எஸ்.எஸ்.ஆர்,முத்துராமன்,நாகேஷ்,மேஜர், சிவகுமார்,விஜயகுமார்,ஜெய்கணேஷ் யாரும் சிவாஜியுடன் இப்ப நான் செய்யும் ரோல் போல செய்ததேயில்லை என்றான்.

அதில் Irony என்னவென்றால் சிவாஜி என்ற இமயமே அப்போது பெரும் சங்கடத்தில் இருந்த காலம்.

நான் சொன்னேன். “ ‘நான் சொல்லும் ரகசியம் ‘(1959) படத்தில் சிவாஜிக்கு ஈக்வலா அவருக்கு தம்பியா ஒரு நடிகர் நடிச்சார். எஸ்.ஆர்.தசரதன்.

  அதில் சிவாஜி பாட்டு-’நான் சொல்லும் ரகசியம்,பண்பான அதிசயம்

நன்றாக எண்ணிப்பாருங்க அதை அவசியம் அவசியம்’

 அந்த எஸ்.ஆர்.தசரதன் பின்னாளில் இயக்குனர் ஏபிநாகராஜனுக்கு அஸிஸ்டண்ட் டைரக்டரானார்.அவருடையபுராணப்படங்களில் சின்ன சின்ன ரோல் செய்தார்.”

ம்..ம்...வாழ்க்கை காட்டும் ரகசியம்.

மஹாராஜா இந்த யதார்த்தத்தை ரசிக்கவில்லை.

மௌண்ட் ரோட்டில் அந்த சிவாஜி படத்திற்கு பேனர் வைத்தார்கள்.

வாங்க, நாம மூணு பேரும் பார்க்க போவோம் என்றான். நான்,மஹாராஜா மற்றும் அவன் ஜால்ரா ஒருவன். இந்த ஜால்ரா பின்னால் ஸ்ரீதர்,பாலசந்தர்,பாரதிராஜா ரேஞ்சில் டைரக்டராக கனவு கண்டவன்.கண்ணதாசன் இடமும் தனக்குத்தான் என அடித்து சொன்னவன்.  இந்த ஜால்ரா தன் rival என்று குறிப்பிட்டது யாரை தெரியுமா? அந்த நேரம்  பிரபலமாகிவிட்ட கே.பாக்யராஜ்!

மூவரும் கிளம்பி்னோம்.ஆட்டோவில். கதீட்ரல் ரோட்டில் இறங்கினோம்.

பேனரை பார்க்க சந்தோஷம். சிவாஜி தலை பெரிதாய்.பக்கத்தில் சுஜாதா தலை. ஒரு பக்கம் முழு ஸ்ரீவித்யா.இன்னொரு பக்கம் நம்ம மஹாராஜா.

அடடே,பரவாயில்லையே, நமக்கு தெரிஞ்ச ஆள் சிவாஜிக்கே தம்பியா நடிக்கிறானே என்று நிஜமாவே சந்தோஷமா இருக்காதா பின்னே?

சரி நடந்தே தி.நகருக்கு திரும்புவோம். நடக்க ஆரம்பித்தோம்.

‘எனக்கு ஒரு மன்மதலீலை, எனக்கு ஒரு பதினாறு வயதினிலே, எனக்கு ஒரு சிகப்பு ரோஜாக்கள், எனக்கு ஒரு கல்யாணராமன் கிடைச்சிருந்தா நான் இன்னைக்கு இருக்கற இடம்? என்ன  எனக்கு கிடைக்கல. அவனுக்கு கிடச்சிச்சி.’ என்று ஆரம்பித்தான்.

எனக்கு ’துணுக்’ என்றது.

இனிமேல் நான் இங்க  எழுதப்போற அவன் சொன்ன விஷயம் தயவு செய்து பலகீனமான நெஞ்சு உள்ளவங்க  படிக்கவே படிக்காதீங்க. இப்பவே ஜோரா ஒரு தடவ கை தட்டிட்டு விலகிக்கங்கங்கங்க...

அப்ப SUN தியேட்டர் கிட்ட நடந்துகிட்டிருந்தோம். சரியா SUN தியேட்டர் முன்னாடி நின்னான். என்னை பெருமையா பாத்தான். “தோஸ்த்!” என்றான்.

நான் அவன பாத்தேன். அவன் சொன்னான். ....

”தோஸ்த், என் கனவெல்லாம் இப்ப தான் நனவாகுது.” என்றவன் அடுத்து பிரம்மாஸ்திரத்தை எடுத்து விட்டுட்டான்.

“கமலஹாசனை ஃபீல்ட விட்டே விரட்டப்போறேன்.”

தட்றா!தட்றா!தட்றா!தட்றா!தட்றா!

ஜால்ரா பலமா கை தட்டினான்..

வாழ்க்கையில எவ்வளவோ இடிய தாங்கத்தானெ வேண்டியிருக்கு.

முந்தைய வருடம்  கமலுக்கு’கல்யாணராமன்’ வெற்றிப்படம் என்றாலும்

’ தாயில்லாமல் நானில்லை‘,’மங்கள வாத்தியம்’ ’நீலமலர்கள்’ ஆகிய படங்கள் ’ஊத்தி’க்கொண்டன.

கமலஹாசன ஃபீல்ட விட்டு விரட்டுறதுக்கு மஹாராஜா கிட்ட சில தேங்காமூடி படங்களும்(அதில் ஒன்னுல விஜயன் கதாநாயகன், இவன்ரெண்டாவது கதாநாயகன்! விஜயனோட அல்லக்கை!வேலையாள் (அதாவது மேனேஜர்) இப்ப ரீலீஸாகப் போற இந்த சிவாஜி படமும் தான்.

தேங்காமூடி படம் என்றால் பூஜையோடு மட்டும், அல்லதுஒரு ஆயிரம் அடி மட்டும் ஷூட் பண்ணி,  அல்லது ஒரு ஷெட்யூலோடு நிறுத்தப்பட்டு விடும் படங்கள். ஆனால் சம்பந்தப்பட்டவர்கள்(தயாரிப்பாளர்,இயக்குனர்,கதாநாயக நடிகர்) ஒத்துக்கொள்ளவே மாட்டார்கள்.படம் நிச்சயம் ரிலீஸ் ஆகும் என்று மற்றவர்களையும் தங்களையும் கூட ஏமாற்றிக்கொண்டே இருப்பார்கள். ஃபைனான்ஸ் ரெடி பண்ணிக்கிட்டிருக்கோம், அடுத்த மாசம் அவுட் டோர் ஷுட்டிங் போப்போறோம்,மூணே மாசத்தில ரிலீஸ் பண்ணிடுவோம்னு அஞ்சாறு வருசம் சலிக்காம சொல்லித்தான் ஓய்வார்கள்.

சிவாஜி படம் ரிலீஸ் ஆனது....போனது. ’சின்னவயசு டி.ஆர்.மஹாலிங்கம் மாதிரி இருக்கான்யா சிவாஜிக்கு தம்பியா நடிக்கிற பய. படம்  போர்’ என்றார்கள்.இவன் ரோல் ரொம்ப சாதாரணமானது.நாடகபாணி நடிப்பு.

 அடுத்த வருடம்  விஜய காந்தும் சந்திரசேகரும் மார்க்கெட்டுக்கு வந்தாங்க. சட்டம் ஒரு இருட்டறை, பாலைவனச்சோலை ரிலீஸ்.

அப்ப நடிகர்சங்கத்தில ஒரு நிகழ்ச்சி.  நம்ம மஹாராஜா ஒரு தயாரிப்பாளர் கிட்ட சொல்றான் : ”இவனுங்க ரெண்டு பேரும் சுதாகர்,விஜயனோட இடத்தை ஃபில் அப் பண்றானுங்க. நான் வரும்போது நம்ம நடிகர் திலகம் எடத்துக்குத்தான் வருவேன்”

அப்புறம் என்ன?

பூஜையோட அம்பேல் ஆன படங்கள் நீங்கலாக அப்பப்ப விஜயகாந்த்,சந்திரசேகர்,மோகன்,சுரேஷ் படங்கள்ள சின்ன,சின்ன ரோல்  என்று துவங்கி பாண்டியனுக்கு தோழனா,முரளியோட நாலு நண்பர்கள்ள ஒருத்தனா,(அதுவும் டப்பா முரளி படத்தில்) கார்த்திக்குக்கு பெரியப்பாவாக,கொஞ்ச வருசம் முன்ன சரத்குமாரோட  டப்பா படத்தில அப்பாவா,சத்யராஜுக்கு மாமாவா,பிரபுவுக்கு சித்தப்பா என்றெல்லாம் சில படங்கள் தான் நடிச்சான் பாவம்.

https://www.facebook.com/share/p/1Cq1SgefEM/

https://www.facebook.com/share/p/Bs8ZvFkwvJqymxGj/

https://www.facebook.com/100006104256328/posts/3908986559314781/?app=fbl

.....

மீள் பதிவு 

Photo 

R.P. ராஜநாயஹம்

வேடிக்க-66. R.P.ராஜநாயஹம் கண்கள் உடல் தானம்

வேடிக்க - 66

தானம் 

R.P. ராஜநாயஹம் கண்களையும் உடலையும்  தானம் செய்வதாக முடிவு. 

கோவை மெடிக்கல் காலேஜுக்கு மாலை போன் செய்த போது ' இது கம்யூனிகேசன் டிபார்ட்மெண்ட். நீங்க நாளை காலை இந்த நம்பருக்கு பேசுங்க. இப்ப அவுங்க போயிருப்பாங்க."

மறு நாள் காலை அந்த நம்பருக்கு போன் போட்டு விபரம் சொன்ன போது" மேனேஜர் இல்ல. வந்ததும் சொல்றேன். நான் புதுசு. என் பேரு யுவராஜ். " 

மேனேஜர் வந்ததும் மறந்துடாம இந்த நம்பருக்கு பேச சொல்லுங்க'

போனே வரவில்லை. 

மீண்டும் நீண்ட நேரத்திற்கு பின் பேசிய போது மேனேஜர் தேவி இருந்தார். " பையன் புதுசு. விஷயம் சொன்னான்" 

"இருக்கட்டும். கண் தானம், உடல் தானம் செய்ய வேண்டும்."

Broadway Mall க்கு பக்கத்தில இருக்கிற

 KMC யில இருக்கிற ராமமூர்த்தியிடம் பேச வேண்டுமாம். 

ரெண்டு நாளா முடியல.

இன்று காலை போன் போட்ட போது 

"இப்ப எங்க கிட்ட பாடி நெறய்ய இருக்கு. நீங்க ஹோப்ஸ் காலேஜ் அவினாசி ரோட்ல 

Govt Medical college ல Anatomy Department க்கு ஆதார் கார்டு எடுத்துட்டு போங்க. "

"போன் நம்பர் குடுங்க"

"திங்க கிழம தர்றேன். நான் இப்ப லீவுல மதுரயில இருக்கேன்."

This cycle of life really stinks.

Govt Medical College க்கு போன் போட்டு, 

 சித்ரா என்பவர் குருநாதனுடைய நம்பர் கொடுத்தார்.

இதுக்கு எதுக்கு திங்கட்கிழம மதுரையிலிருந்து வந்து தர்றேன்னு சொல்றீங்க சார்.

குருநாதனுக்கு மூன்று முறை போன் போட்ட பிறகு அவரே இரவு எட்டு மணிக்கு பேசினார். 

ஆதார் கார்டு எடுத்துக் கொண்டு வாரிசுதாரருடன் இங்க வரவேண்டும். 

கண்கள் தானம் இங்கே பண்ண முடியாது. பெரிய ஆஸ்பத்திரிக்கு நீங்க போகணும். இல்ல அரவிந்த் ஆஸ்பத்திரி போய் பாருங்க. விட்னஸ் ரெண்டு பேரோட வரணும்.

"அப்ப அலைய விடுறீங்க"

"தொண்ணூறு வயசுல வர்றாங்க. உங்களால முடியாதா?நீங்க ஏங்க இப்படி அலைய விடுறோம்ங்கிறீங்க. 

உடல் தானம்னா முழுசா ஒடம்ப குடுத்துடணும்."

" கண் தானம் பண்ணக்கூடாதா"

"உடல் தானம்னாலே முழு உடலையும் தான் குடுக்கணும்" 

" என்ன சொல்றீங்க?"

"கண் தானம் நீங்க பாத்துக்குங்க. உடம்பு தானம் பண்ண வாரிசுதாரரோட மெடிக்கல் காலேஜ் வாங்க"

"வர்றோம். விட்னஸ் நீங்க பாத்துக்குங்க"

" நாங்க யாராவது விட்னஸ் கையெழுத்து போட்டுக்கறோம். திங்க கிழம பதினொரு மணியில இருந்து ரெண்டு மணி வரை இருப்பேன்"

"முகத்தில அடிக்கிற மாதிரி 'தொண்ணூறு வயசு ஆளெல்லாம் வர்றாங்க. நீங்க வரமுடியாதா' ன்னு பேசலாமா" என்று கேட்ட போது 

குரு நாதன் "நான் சொல்ல வந்தது என்னன்னா'" ன்னு நெறய்ய பேச ஆரம்பித்தார். போனை கட் பண்ணுவதைத் தவிர வேறு வழி தெரியவில்லை.

The way to Noble Cause is invariably paved  with difficulties

அவலும் உமியும்

"ரெண்ட்ட இஎம்ஐயா கட்டுங்க.

 12 மாச இஎம்ஐ 

ஃப்ரீ"

இதெல்லாம்??

ஒரு வருஷ இஎம்ஐ! 

என்ன நடக்குது.

"அவல் கொண்டு வா. உமி கொண்டு வர்ரேன்.

ஊதி ஊதி சாப்டலாம்"

Hold what you buy.Owning a home is a keystone of wealth.

Homeownership is the foundation of a Man's Dream

"I would give a thousand furlongs of sea for an acre of barren ground.” – Shakespeare

K. பாக்யராஜ் சினிமா எனும் பூதம் தொலைக்காட்சி தொடரில்

R.P. ராஜநாயஹம் 

சினிமா எனும் பூதம் தொலைக்காட்சி தொடரில் 

"K.பாக்யராஜ்"

05.07. 2026 ஞாயிற்றுக்கிழமை காலை 

எட்டரை மணிக்கு 

முரசு டிவியில்

ச.தமிழ் செல்வனுடன்

02.07. 2026

4.45 pm 

Vande Bharat Train 

ச. தமிழ் செல்வனுடன் 

தற்செயல் சந்திப்பு

சினிமா எனும் பூதம் தொடர்

222, 223 Episodes 

Shooting on 2nd July, 2026 in Kalaignar TV

1. K. பாக்யராஜ் 

2.  பாரதிராஜா 

R.P. ராஜநாயஹம்

சினிமா எனும் பூதம்

ஞாயிற்றுக்கிழமைகளில் 

முரசு டிவியில்

காலை எட்டரை மணிக்கு ஒளிபரப்பு 

.....

2021 டிசம்பர் 5ம் தேதி முதல் ஒவ்வொரு வாரமும் ஞாயிறன்று 'சினிமா எனும் பூதம் '

தொடர்ந்து ஒளிபரப்பப்பட்டுக்

கொண்டிருக்கிறது.