கூட்டமா பல எழுத்தாளர்களுக்கு ரூபா ஆயிரம் செக் விருது வழங்குற விழாவில் அந்த எழுத்தாளரயும் பார்த்த போது " ஒங்க பேர வச்சி பாத்தா ஜிப்பா வேட்டியோட இருப்பீங்கன்னு நெனச்சா டீசர்ட், ஜீன்ஸ் பேண்ட்டோட இருக்கீங்க" ன்னு சொன்னேன்.
இந்த ஆயிரம் வாங்க வந்திருந்த இன்னும் மற்ற பா.ராகவன், பத்ரி, நாகூர் ரூமி ஆகியோரோடு
வாசகனாக பேசிக்கொண்டு இருந்தப்ப இவர் சொன்னார் 'எனக்கு ட்ரெயினுக்கு நேரமாச்சி. ஹோட்டல் ரூமுக்கு போய் பேக் எடுத்துட்டு ரயில்ல ஏறனும்'
செக் வாங்கிட்டு வர்ற பொறுப்ப மற்ற எழுத்தாள நண்பர்களிடம் ஒப்படச்சார். ஸ்கூட்டர்ல அவர ஹோட்டல் கூட்டிப்போய் அங்கிருந்து ரயில்வே ஸ்டேஷனில் இறக்கி விட்டு வந்தேன்.
சில வருடங்களுக்கு பிறகு பாரதி மணி போனில் பேசும் போது ராஜநாயஹம் பற்றி, R.P. Rajanayahem blog பற்றி இந்த எழுத்தாளர் இலக்கிய கூட்டங்களில் குறிப்பிட்டு சிலாகித்துப் பேசுவதாக சொன்னார்.
ப்ளாக்கில் அவர் எழுதிய நாவலை குறிப்பிட்டு அதைப்பற்றி எழுதுங்கள் என அனானிமஸ் கமெண்ட். அந்த நாவல் பற்றி உங்கள் அபிப்பிராயம் என்ன என்று கேட்டு அனானிமஸ் கமெண்ட் வரும். இந்த கமெண்ட்களெல்லாம் அந்த நாவல் எழுதிய இந்த எழுத்தாளர் தான் போடுகிறார் என்பதில் அப்போது சந்தேகமே இல்லை. பதில் போட்டதில்லை. அந்த நாவல் பற்றியும் எழுதியதில்லை.
பல வருடங்களுக்கு பின் சென்னையில் கூத்துப்பட்டறையில் இருந்த போது ந.முத்துசாமி, மு. நடேஷுடன் போயிருந்த போது ஞானக்கூத்தன் இரங்கல் கூட்டத்தில் பார்த்த போது இந்த எழுத்தாளர் " அழகிய மிதிலை நகரினிலே பாட்டு கேட்டாலே ராஜநாயஹம் ஞாபகம் வந்து விடுகிறது" என்றார். பக்கத்திலிருந்த கவிஞர் வைத்தீஸ்வரன் சொன்னார் " ராஜநாயஹம் நன்றாக தெரியுமே" . ஞானக்கூத்தனுக்கு இரங்கல் தெரிவித்து முத்துசாமி பேசுவதற்கு முன் மேடையில் பேசினேன்.
அதன் பிறகு இந்த எழுத்தாளரை சந்திக்க வாய்த்ததேயில்லை.
https://www.facebook.com/share/1W3Dpv48MR/
