அர்த்தராத்திரி அரசியல் குதூகலம்

 நடிகர் சந்திரசேகர் "அரசியலில் உங்க லட்சியம் என்ன?" 

சரத்குமார்: "இந்திய பிரதமர் ஆகி விடவேண்டும். இது சரத்குமார் லட்சியம்"

நடிகர் சந்திரசேகர்: என்னங்க சரத்! இதெல்லாம் ரொம்ப ஓவர். நடக்கவே முடியாத ஆசைய போய் லட்சியம்னு சொல்றீங்க. 

 பிரதமராகி விடுகிற பெருங்கனவு பற்றி இப்படி எப்பயோ சரத்குமார் சொன்ன போது 'தத்து பித்து உளறல்' என்று  கேட்கிற யாருக்குமே தோன்றுவது தான் இயல்பு. 

பா.ஜ. க. வில கட்சிய நுழைத்தது சரத்குமாரின் ராஜதந்திரம். 

தன் பெருங்கனவை சாத்தியமாக்கும் முயற்சியை தேசீய நோக்கில் மேலெடுத்திருக்கிறார் என்பதை அரசியல் பார்வையாளர்கள் உணர்ந்து புரிந்து கொள்ள வேண்டும்.

மருமகனிடம் மாமியார் எதிர்பார்ப்பு - 'முதல்வர் சரத்குமார்' -  நிச்சயமாக அதிருப்தியை ஏற்படுத்தியிருக்கும்.

' அத்த, என் ரேஞ்சே வேற' 

'கட்சியில் தொண்டர்கள் ரொம்ப வற்புறுத்துவதால் ராதிகாவிற்கு பதவி கொடுத்தேன்' 

கட்சிய பாஜகவில் கரைக்க ராதிகாவைத் தானே எழுப்பி கேட்க முடியும்? பொறவு..?

ஓபிஎஸ், டிடிவி பின்னிரவில் தானே பாஜகவுடன் கூட்டணி பேச வேண்டியிருக்கிறது.