நிரோத்து

1970களில் ஆரம்பத்தில் கம்யூனிஸ்ட் பொதுக்கூட்டங்களின் துவக்கத்தில் கச்சேரி உண்டு. 

ரூப் தேரா மஸ்தானா மெட்டில் பாடல்.

"லூப்பு தரான். சரி தானா? 

வாங்கலேன்னா விட்றானா? 

நாளைய சமுதாயம் வீணா போகுதே"

நிரோத் விளம்பரம். வானொலியிலும். சாலை ஓரங்களில் 

விளம்பர பலகைகளாகவும் காணக்கிடைக்கும்.

நிரோத் சிம்பல் காங்கிரஸிற்கு இப்ப இருக்கிற "கை சின்னம்" தான்.

ரசமான காட்சி ஞாபகத்தில்.

வயதான முதியவர் தன் மனைவியிடம் நிரோத் விளம்பர பலகையை காட்டி,

கிண்டலாக " ஏய் கிழவி, இது என்னது?"

பாமர மனைவி  பலகை 'கை'யை உற்று பார்த்து விட்டு 

" நிறுத்து".

Precisely. 

'கை' நிறுத்த சொல்லுது. அதான் நிரோத்.

'வத வத'ன்னு நெறய்ய பிள்ளக வேணாம். நிறுத்து.

நீலமணி ரொம்ப ஃபேமஸான   கவிதை 

" நிரோத் உபயோகியுங்கள் 

நிரோத் உபயோகியுங்கள் 

விளம்பரங்கள் வற்புறுத்துகின்றன.

வாயேன்"