மனைவி அமைவதெல்லாம்

ஷேக்ஸ்பியர் மனைவி ஆன்னி ஹாத்தவே அவரை விட எட்டு வயது மூத்தவர் .
டாக்டர் சாமுவேல் ஜான்சன் திருமணம் செய்த பெண் எலிசபெத் டெட்டி போர்ட்டர். இவர் ஜான்சனை விட 21 வயது மூத்தவர் .
டெண்டுல்கர் தன்னை விட ஆறு வயதுமூத்த பெண்ணை தான் திருமணம் செய்துகொண்டார் .இம்ரான்கான் இப்போது விவாகரத்து செய்த பெண் ( அல்லது அந்த பெண் விவாக ரத்து செய்தாரா ?) அவரைவிட 25வயதிற்கு இளையவர் .
அந்த காலத்தில் ஹிந்தி நடிகர் திலிப் குமார் 44 வயதில் 22 வயது சாய்ரா பானு என்ற நடிகையை திருமணம் செய்தார் . தன் வயதை இரண்டால் வகுத்து பெண்ணை மணந்து கொண்டார் . இன்னும் அவரோடு தான் வாழ்கிறார் .

என்னுடைய சிநேகிதி சங்கரி லக்ஷ்மி பிரமாதமாக பரத நாட்டியம் ஆடுபவர் .அருமையாக பாடுவார் . தன்னை விட ஆறு வயது இளையவரை திருமணம் செய்தார் . இப்போது லண்டனில் இருக்கிறார் .என் இரண்டாவதுமகன் அஷ்வத் தான் கல்யாணத்தில் மாப்பிள்ளை தோழன்!

சரி சரி இப்ப என்ன ?

எங்க தாத்தாவை விட ஆச்சி ( அப்பத்தா) 35 வயது இளையவராம் . முதல் மனைவி இறந்து போனதால் இரண்டாவது திருமணம் . 45 வருட தாம்பத்யம் . ஐந்து பிள்ளைகள் பெற்றார்கள். தாத்தா இறக்கும்போது அவருக்கு 101 வயது ! ஆச்சி அடுத்த நான்காவது வருடம் இறந்து போய் விட்டார் .
இதை எண்ணி வியந்தேன் . சிந்தனை பலவாறு ஓடிவிட்டது !