ஷார்ல் பாதலேர்

நிறைய விபச்சாரிகளிடம் ஷார்ல்பாதலேர் உறவுகொண்டான் . சாரா என்ற செக்ஸ் தொழிலாளி தான் அவனுக்கு வாழ்க்கை துணை . கொனோரியா , சிபிலிஸ் வியாதிகள் அவனுக்கு கிடைத்தன . சிபிலிஸ் வியாதி முற்றி அம்மா மடியில் உயிர் விட்டான் .

ஷார்ல் பாதலேர் நாற்பத்தி ஆறு வயது வரைவாழ்ந்தவன் . ஆடைகளை நேர்த்தியாக உடுத்துவதில் பாதலேர் ரசிகன் . நிறைய செலவாளி . அதனால் கடனாளி .
ரைம்போ சொல்வான் ' பாதலேர் பத்தொன்பதாம் நூற்றாண்டின் மகத்தான கவிஞன் !'
அவனுடைய 'துன்ப மலர்கள் ' கவிதைத்தொகுதி யில் ஆறு பகுதியை சென்சார் செய்தார்கள் .
அவற்றை தேடி பிடித்து நான் படித்தேன் .
பிரஞ்சு கவிதையுலகின் மிகப்பெரிய சாதனையாளன் .
நாகார்ஜுனன் கொடுத்து வைத்தவர் . நேரடியாக ரைம்போ , பாதலேர் இருவர் மட்டுமல்ல எல்லோரையும் நேரடியாக பிரஞ்சு மொழியிலேயே படித்து விட்டவர் .
ரைம்போ , பாதலேர் இருவரையும் நான் ஆங்கிலத்திலேயே படித்தேன் . இருவர் பற்றி மட்டும் ஒரு நோட் புக் தனியாக குறிப்பெடுத்தேன் அந்த காலத்தில் .

இப்போது என் நினைவிலிருந்தே அவன் கவிதை வரிகள் சில யோசித்து தருகிறேன் .
Get Drunk
One should always get drunk.
You must get drunk without cease.

இந்த கவிதை படித்த போதே பாதலேர் எழுதியவை Dark poetry வகை தான் என தெரிந்தது .
Jeane Duval என்ற பெண்ணோடு தான் ரொம்ப நாள் வாழ்ந்திருக்கிறான் . அவளுக்கு தான் கீழ் கண்ட கவிதைகளை எழுதியிருப்பானோ ?
Hymn to Beauty
….
Who cares if you come from Paradise or Hell
…….
Come from Satan, come from God- who cares!

அவளை வரைய ஆசைப்பட்டிருக்கிறான் .

The desire to paint
I am burning to paint her
…
She is Lovely, more than Lovely:
…..
I would compare her to a black sun,
…..
But it is the moon , rather, to which
She is more readily likened.

கஞ்சா , குடி என்றே வாழ்ந்திருக்கிறான் . அவன் அம்மா பாதலேர் இறந்த பின் அவன் கடன்களை தீர்த்திருக்கிறாள் .
46 வயதில் தன் மகன் இறந்த போது தன்னை எப்படி தேற்றிகொள்ளமுடிந்தது .
“I see that my son, for all his faults, has his place in Literature.”

பெரும்பாலான அவன் எழுத்து அவன் மறைவிற்கு பிறகே பிரசுரிக்கப்பட்டது .

பாதேலேருக்கு அமெரிக்க எழுத்தாளர் எட்கர் ஆலன் போ மீது ,ரிச்சர்ட் வாக்னர் இசை மீது மிகுந்த மரியாதையும் ஆர்வமும் இருந்தது .

அவன் எந்த அளவுக்கு செலவாளி என்றால் அவனுடைய வசதிக்கு மேல் வாங்க புத்தகம் , ஓவியம் ,புராதன பொருட்கள் இப்படி வாங்கி சேர்க்க ஆசைப்பட்டவன் .

கல்யாணம் என்பது பற்றி அவன் சொன்னான் .

“Unable to suppress love, the church wanted atleast to disinfect it and created Marriage.”

தன்னை பற்றி அவன் சொன்னது

“I have no convictions, because I have no ambitions. However I have some convictions, in a nobler sense, which cannot be understood by the men of my time.”