Carnal thoughts – 7

இன்றைக்கு முப்பத்தைந்து வருடம் முன் நடந்த சம்பவம் .
அந்த படத்திற்கு ஐந்து தயாரிப்பாளர்கள் . தயாரிப்பாளர்கள் என்றால் பூர்ஷ்வா வர்க்கம் என நினைக்க கூடாது . பெரிய கம்பனி முதலாளிகளை தவிர மற்றபடி தயாரிப்பாளர்கள் பரிதாபமானவர்கள் தான் . அதிலும் ஐந்து தயாரிப்பாளர்கள் நிலை கேட்கவே வேண்டாம் .
ரொம்ப சிரமப்பட்டு படம் ஷூட்டிங் ,எடிட்டிங் வேலைகள் நடந்த படம் . ஒரு செட்யுல் முடிந்து அடுத்த செட்யுல் ஷூட்டிங் ஆரம்பித்த போது தொழிலாளர்களுக்கு டெக்னிசியன் களுக்கு 'பேய்மென்ட் ' பாக்கி . சினிமாவில் எப்போதும் கதாநாயகன் , கதாநாயகி , இயக்குனர் போன்ற மேல் மூடிகளை தவிர மற்றவர் பாடு பண விஷயத்தில் திண்டாட்டம் தான் .. மேல்மூடிகள் பணத்தை கறந்து விட்டு படபிடிப்பு தளம் வருவார்கள் .
டெக்னிசியன் சம்பள பாக்கி காரணமாக தயாரிப்பாளர்களுக்கும் டெக்னிசியன் களுக்கும் வாய்த்தகராறு முற்றிவிட்டது .
தயாரிப்பாளர்களில் ஒருவர் ' இதான் , இவனுங்க தொல்லை பிடிச்சவனுங்க . ஜோலி பார்க்க புண்டை இல்லேன்னு புலம்புவானுங்க . புண்டைய கொடுத்தா புண்டை பூரா மசுரா இருக்குன்னு சலிப்பானுங்க " என்று கத்தினார் .
உடனே ,உடனே ஒரு டெக்னிசியன் " நீ ஏன் புண்டைய காட்டுறே , உன் வாய காட்டு " என பாய்ந்தார் .
ஒரு வழியாக சமாதானமாகி ஷூட்டிங் ஆரம்பிக்கும் போது இந்த கனல் தெறிக்கும் வசனங்கள் நடிகர் முத்துராமனிடம் தயாரிப்பாளர்களில் ஒருவர் சொல்லிவிட்டார் . நடிகர் முத்துராமன் தன் வெடிசிரிப்பை ஆரம்பித்தார் . சிரிப்பை அவரால் அடக்க முடியவில்லை . ஷூட்டிங் வந்த நடிகை கே .ஆர் .விஜயாவிடம் இந்த ஜோக் நடிகர் முத்துராமன் அவர்களால் சொல்லப்பட்டது . நடிகைக்கும் சிரிப்பை அடக்க முடியாமல் விழுந்து விழுந்து சிரித்திருக்கிறார் .

அன்று முதல் இரவு காட்சி பாலை வெட்கப்பட்டு கொண்டே கே .ஆர் விஜயா கதாநாயகன் முத்துராமனிடம் தருவதை படம் பிடிக்க வேண்டும் . கேமரா ஓட துவங்கி நடிகை பாலை முத்து ராமனிடம் கொடுக்கும்போது இந்த டெக்னிசியன் கோப வசனம் ஞாபகம் வந்து பர்ர்ர்ர்ர்ர்ர் என்று சிரிக்க ஆரம்பித்துவிட்டார் .முத்து ராமனும் தன் பிரத்யேக வெடி சிரிப்பை வெளிப்படுத்தினார் . கட் சொல்லிவிட்டு மீண்டும் இயக்குனர் அடுத்த டேக் போனால் சரியாக வெட்கப்பட வேண்டிய நேரத்தில் கே . ஆர் . விஜயா சிரித்து சொதப்பி விட்டார் . இப்படி பல டேக் ஆகியிருக்கிறது .
இயக்குனர் எரிச்சலாகி முத்துராமனிடம் " யோவ் முதலியாரே ( முத்து ராமனுக்கு பட்ட பெயர் முதலியார் . எம்ஜியாருக்கு " சின்னவர் " என்பது போல .ஒரு நாடகத்தில் முதலியாராக நடித்ததிலிருந்து முத்துராமனுக்கு முதலியார் என்ற பட்ட பெயர் .) என்னையா . பொம்பளை கிட்ட போய் இதைஎல்ல்லாம் சொல்லலாமா .விவஸ்தை கெட்ட ஆளுய்யா நீ . இப்ப பாரு ஷூட்டிங் பண்ண முடியலே " என்று கோபத்தை வெளிப்படுத்தியிருக்கிறார் .
ஒரு வழியாக அன்று இந்த ஒரு காட்சியை படம் பிடிப்பதற்குள் போதும் போதும் என்றாகி விட்டது .
பெண்கள் சாதாரண ஜோக் கேட்டாலே விழுந்து விழுந்து சிரிப்பார்கள் . இப்படி செக்சி சமாச்சாரங்களுக்கு கேட்கவே வேண்டாம் .