பாசுகரும் முக சுடாலினும்

திஜாகருத்தரங்கம் சம்பந்தமாக அப்போதைய புதுவை தமிழ் துறை தலைவர் க ப அறவாணன் அவருடைய உதவியாளர் ஒருவரை அனுப்பியிருந்தார் .. 'பாசுகர்'என அவர் பெயரை குறிப்பிட்டு அவரை அனுப்பிய விஷயம் குறித்து எனக்கு ஒரு கடிதம் எழுதப்பட்டிருந்தது . பாசுகர் என்ற பெயர் விசித்திரம் ஆக தெரிந்ததால் கடிதம் கொண்டு வந்தவரிடம் 'உங்கள் பெயர் என்ன , விசித்திரமாக தெரிகிறதே ' - வினாவினேன் .
அவர் சொன்னார் " பாஸ்கர் ! அய்யா என்னை கூப்பிடுவது , எழுதுவது எல்லாம் 'பாசுகர் ' என்று தான் "
சமீபத்தில் கருணாநிதி அவர் மருமகன் மாறன் நினைவுநாளில் அவர் சிலைக்கு மாலை மரியாதை செய்த விழாவை டிவி யில் கண்டேன் .க ப அறவாணன் நின்றுகொண்டிருந்ததை அவர் சபாரி டிரஸ் , தொப்பி மூலம் அறிய முடிந்தது .
அவருடைய வகுப்பு தோழர் லக்ஷ்மி நாராயண அய்யங்கார் அவர்களையும் தூய தமிழில் பெயரை மாற்றிக்கொள்ள சொல்லி(திரு மாலவன் ) அந்த காலத்தில் அறவாணன் வற்புறுத்தினார் என்பதை மறைந்த லக்ஷ்மி நாராயண அய்யங்கார்( பரமகல்யாணி கல்லூரி முன்னாள் முதல்வர் ) என்னிடம் ஸ்ரீவில்லிபுத்தூரில் என் பக்கத்து வீட்டுக்காரராய் பத்து வருடம் முன் இருந்த போது என்னிடம் வருத்தப்பட்டு சொன்னது என் நினைவிற்கு வந்தது .
அவருடைய தலைவர் கருணாநிதி துணைவேந்தராக அறவாணன் அவர்களை முன்னர் அமர்த்தியது தெரியும் . மனோன்மணியம் சுந்தரனார் பல்கலைகழக முன்னாள் துணைவேந்தர் தன் தலைவனின் மகனிடம் தன் உதவியாளர் பாசுகரிடம் காட்டிய மொழி வைராக்கியத்தை காட்டியிருப்பாரா ?
மு. க . சுடாலின் என்று அவர் பெயரை சொல்லி , எழுதியிருப்பாரா ?
ஒரு விஷயம் . கருணாநிதி அந்த காலத்தில் மறைந்த தமிழ் குடி மகனை ( அதிமுக விற்கு போவதற்கு முன்னால் ) தனித்தமிழ் சம்பந்தமாக நல்லா செமை கிண்டல் அடிப்பாராம் .தமிழ் குடி மகன் கூழை சிரிப்பு சிரிப்பாராம் .