Share

Oct 14, 2008

முதல் மேக்கப்


பிரசாத் கலர் லேப் ல் ஷூட்டிங் . டிரைவ் இன் ஹோட்டல் போல செட் . சினிமாவில் எனக்கு முதல் மேக்கப் . சி ஐ டி சகுந்தலாவின் அண்ணன் தனகோடி மேக்கப் மேன் .என்னிடம் தட்சனை (சம்பிரதாயம் )வாங்கி விட்டு மேக்கப் செய்ய ஆரம்பிக்கிறார் . பேன் கேக் எடுத்து முகத்தில் பூசி விடுகிறார் . தொடர்ந்து ராமாச்சாரி மேக்கப் முடித்துவிடுகிறார் .
இந்த ராமாச்சாரி ஊமை பட காலத்தில் இருந்து மேக்கப் மேன்.சிவாஜி கணேசனின் பால்ய நண்பர் . ஆயிரத்து தொள்ளாயிரத்து நாற்பதுகளில் இவரும் சிவாஜியும் சேர்ந்து ' தாஜ் ' என்ற இந்தி படத்தை நூறு தடவை பார்த்திருக்கிறார்கள் . ராமாச்சாரி மகன் இறந்த போது துக்கம் விசாரிக்க வந்த சிவாஜி இவரை கட்டிபிடித்து கண்ணீர் விட்டார் .
ராமாச்சாரி தன் இரு கன்னத்திலும் இரு கைகளையும் வைத்து விட்டு மலைப்பாக சொல்கிறார் .
"என் அறுபது வருட அனுபவத்தில் மேக்கப் ஒரு முகத்தில் இவ்வளவு அழகாக,நேர்த்தியாக செட் ஆகி நான் பார்த்ததே இல்லை.இப்போது தான் பார்க்கிறேன் ."
தனகோடி யும் பார்த்து விட்டு "ஆமாண்ணே !" என அதிசயப்படுகிறார் .
நான் காட்சி பொருள் ஆகிறேன் .
இயக்குனர், கதாநாயகி எல்லோரும் கவனித்து என்னை பாராட்டுகிறார்கள் .
ஷூட்டிங் வந்திருந்த துணை நடிகைகள் அனைவரும் என்னிடம் கூட்டமாக வருகிறார்கள்.
"நீங்க ஏன் அசிஸ்டன்ட் டைரெக்டர் வேலை செய்கிறீர்கள் சார் . ஆக்டிங் சான்ஸ் ட்ரை பண்ணுங்க சார் . ஹீரோ மாதிரி இருக்கிறீங்க . சொன்னா கேளுங்க . சீரியஸ் ஆ ட்ரை பண்ணுங்க "
தினத்தந்தி நிருபர் அதி வீர ராம பாண்டியன் அந்த பட இயக்குனரிடம் " சார் உங்க அசிஸ்டன்ட் டைரெக்டர் ஹீரோ மாதிரி இருக்கார் சார் "
இயக்குனர் " ஆமா என் அடுத்த படத்திலே நிஜமாவே இவன் தான் ஹீரோ . போதும் இப்போ உள்ள ஹீரோக்கள் தொல்லை சகிக்கலே "

2 comments:

  1. திரும்ப வழி மொழிகிறேன். தமிழ்த் திரை ஒரு அழகான, அறிவான கதையின் நாயகனை இழந்து விட்டதோ?
    அன்புடன்

    சூர்யா.

    ReplyDelete
  2. Lucky we miss u as an actor.

    Otherwise we can't get such person now.

    :-))

    ReplyDelete

Note: Only a member of this blog may post a comment.