கர்ணன்

அடையாள சிக்கல் - Identity Crisis . இதன் குறியீடு கர்ணன் . மனித துயரங்களில் அடையாள சிக்கல் எனும் அவலம் பிரதானமானது.
கிரா கேட்டார் என்னிடம்
"கர்ணன் செய்யாத தர்மம் என்ன தெரியுமா ?"
சொல்லுங்க அய்யா - நான் திரும்ப கேட்டேன்.
" பசித்த வயிறுக்கு சோறு '"
'ஏன் தெரியுமா .கர்ணன் பொண்டாட்டி அவனுக்கே சோறு போட மாட்டாள் . தேரோட்டி மகன் என்ற பூர்வீகம் பட்டத்தரசிக்கு தெரிந்த விஷயம் என்பதால் கர்ணன் மீது அலட்சியம் .அவனுக்கே சோறு கிடைக்காத போது அவன் மற்ற பசித்த வயிறுகளுக்கு எப்படி சோறு போடுவான் .'

கவிஞர் சுகுமாரன் ஒரு கட்டுரையில் கர்ணன் பற்றி அபூர்வ தகவல்கள் கொடுத்திருந்தார் .
கர்ணன் எழுபது ஆண்டுகள் உயிர் வாழ்ந்தான் . அவனுடைய வளர்ப்பு பெற்றோர் அதிரதன் , ராதை இருவரும் அவனுக்கு சூட்டிய பெயர் வசுஷேணன் . கர்ணனுக்கு இரண்டு மனைவியர் . வ்ருஷாலி , சுப்ரியை . மூன்று புத்திரர்கள் . இரண்டு பேர் மூத்த தாரத்து பிள்ளைகள் . சுப்ரியை யின் ஒரு மகன் .
கவிஞர் சுகுமாரன் ' மகாபாரதத்தின் இலக்கிய மேன்மை - இதிலுள்ளது வேறு பல இடங்களில் இருக்கலாம் . ஆனால் இதில் இல்லாதது வேறு எங்கும் இருக்காது ' என்கிறார் .
வாஸ்தவம் தானே !

அருந்ததி ராய் The God of small things நாவலில் கர்ணனை பற்றி சொல்வது இப்படி !
A brilliant Clown in a bankrupt circus!

கர்ணனின் தோல்வி தோல்வியே அல்ல .
In his miserable defeat lies Karna’s supreme triumph!


அடையாள சிக்கல் என்பதின் முழு அவஸ்தையை அனுபவித்தவன் கர்ணன்.