Share

Aug 28, 2008

புதுவைக்கு வைத்திலிங்கம் மீண்டும் முதல்வர்

புதுவையில் வைத்யலிங்கம் மீண்டும் முதல்வர் ஆகிறார் .இவரை 18வருடத்திற்கு முன்னே சந்தித்திருக்கிறேன் . அங்கே தொழிற்சாலை ஒன்றை நிறுவிய காலம் . என் உறவினர் ஒருவர் , எங்க வெள்ளை முடி மாமா வின் மகளை திருமணம் செய்துள்ள எசக்கி முத்து அண்ணன் அப்போது கடலூரில் Spic regional manager ஆக இருந்தார் . அவர் தான் என்னை யும் என் தகப்பனாரையும் அழைத்துக்கொண்டு ,கூட ஆனந்த பாஸ்கர செட்டியார் அப்போது புதுவை எம்.எல்.ஏ ஆக இருந்தார் .(பின்னால் இவரும் மந்திரியானவர் தான். வைத்தியலிங்கத்தை பின்னால் எதிர்க்கவும் செய்தார் .புதுவை அரசியல் !) கல்வி மந்திரியாயிருந்த வைத்திலிங்கம் அலுவலகத்தில் இரண்டு மணி நேரம் . அறிமுகமானவுடன் சம்ப்ரதாய உபசரிப்பு முடிந்த பின் எனக்கு சுவாரசியம் அங்கு நடப்பவற்றை கவனிப்பது என்று ஆனது . அவரை சந்தித்த ஒவ்வொருவரையும் , அவர்களின் பிரச்சினைகளை அவர் கேட்ட விதமும் . திடீரென்று ஒரு கூட்டம் ஆணும் பெண்ணுமாக கதறிகொண்டே அறையில் நுழைந்து வைத்திலிங்கம் காலில் விழுந்தது . கட்சிக்காரர்கள் .உதவியாளரை பார்த்து "என்ன , என்ன " பதறாமல் கேட்டார் .போலீஸ் கேஸ் . விசாரிக்க சொன்னார் .சற்று மென்மையாக பேசினார் . கொஞ்சம் பெண்மை தெரிந்தது . அவர் அப்பா வும் புதுவை முதல்வராக இருந்தவர் தான் என கேள்விப்பட்ட ஞாபகம் . ( வாரிசு அரசியல் பிரபஞ்ச யதார்த்தம் )
அவரோடு இருந்த போது அதிகாரத்தை அருகிலிருந்து பார்த்த உணர்வு , அதிகாரம் எவ்வளவு கவர்ச்சியானது என்பது புரிந்தது . அதிகாரத்தின் பவுசு பவுசு தான் .
மத்திய அமைச்சர் கூட புதுவையில் தாக்கபடுகிறார் . எப்படியோ மீண்டும் வைத்திலிங்கம் அரசியல் சதுரங்கத்தில் இந்த முறை ,அதிகாரத்தை கைப்பற்றி இருக்கிறார் . முன்னாள் முதல்வர் ஒதுங்கி அடுத்த சாணக்கியம் பற்றி சிந்தித்து கொண்டு இருப்பார் . பதுங்கும் ரங்கசாமிக்கும் கோயில்,சாமியார் ,ஜோஷியம் இவற்றிலெல்லாம் அதீத நம்பிக்கையுண்டு .இதற்கெல்லாம் கொஞ்ச காலம் விச்ராந்தியாக செலவிடுவார் .அதன் பின் பாய்ச்சல் . மீண்டும் குதிரை பேரம் ...அதிகாரம் , அதிகாரம் , அதிகாரம் .

Power is not an institution, and not a structure: neither is it a certain strength we are endowed with; it is the name that one attributes to a complex strategical situation in a particular society .
- Michel Foucault

2 comments:

  1. Power is a weapon. We know the strength of the power only after losing it. When you are having power you take it for granted as if u have born with the power.

    ReplyDelete

Note: Only a member of this blog may post a comment.