' ம்ம் ..காலம் கெட்டுபோச்சு '- சாரங்கபாணி 'நாம் இருவர் ' படத்தில் சலிப்புடன் நாற்பதுகளில் சொல்வார் . அறுபதுகளில் 'குடும்பத்தலைவன் ' படத்தில் வி கே ராமசாமி 'வெரி பேட் . காலம் ரொம்ப கெட்டுபோச்சு ' என சொல்லிகொண்டே வீட்டுக்குள் வரும்போது எம் ஆர் ராதா ' என்னடா காலத்தை தராசுலே வச்சு நிருத்துக்கிட்டே வர்றே ! என்ன விஷயம் ' என்று சர்காஸ்டிக் ஆக கேட்பார் .
காலம் கெட்டுபோச்சு என்ற சலிப்பு காலகாலமாக இருக்கிறது .
" த்யூதம் சலயதாம் அஸ்மி " சூதாட்டக்காரர்களில் நான் 'சூதாட்ட கலை '. கிருஷ்ணன் கீதையில் சொல்லிவிட்டதால் நல்லது கெட்டது பற்றி தீர்மானமாக சொல்லவே முடியாது .
' பணம் இருப்பது செலவழித்திட . சூதாட்டத்தை விட வேறெந்த செலவு தூய்மையானது ' தாஸ்தயேவ்ஸ்கி கேட்கிறார் Master of Petersburg என்ற ஜெ எம் கூட்சி யின் நாவலில் !
Masochஎழுதிய Venus in Furs நாவலில் பெண் என்பவள் குண இயல்பு அற்றவள் . பெண் அவளை எடைபோடுபவர்கள் நம்புவது போல அத்தனை தீயவள் அல்ல . எடை போடுபவர்கள் நினைப்பது போல நல்லவள் அல்ல . மிக நல்லவள் மட்டரகமாக ஆகி விடுவாள் . மிக கெட்ட பெண் நினைத்தே பார்க்க முடியாத உன்னத நிலைக்கு உயர்ந்து தன்னை அருவருத்து ஏசியவர்களை வெட்கி வேதனைப்பட செய்து விடுவாள் .
ஆண் ரொம்ப சுயநல வாதியாய் உள்ளவனாய் இருக்கின்ற நிலையிலும் கெட்டவனாக இருக்கும்போது கூட உத்தம கொள்கைகளை கடைப்பிடிப்பவன் .இப்படி தான் சரித்திரம் முழுக்க கலாச்சாரம் ஒழுக்கவாதிகளை, ஒழுக்கவிதிகளை உண்டாக்கியிருக்கிறது .
அனைத்து நாகரீக மறுமலர்ச்சி யையும் தாண்டி இயற்கையால் படைக்கப்பட்ட முந்தைய நிலை மாறாமல் கலப்படமின்றி அப்படியே தான் இருக்கிறாள் பெண் .
Masoch சொல்வதை புரிந்து கொண்டால் பெண்ணை காப்பாற்றவேண்டும் ,ஒழுக்கம் பேணப்படவேண்டும் என்ற கலாச்சார காவலர்களின் அதீத பதட்டம் நீங்கி விடும் .
பெண்ணை முன்னிறுத்தி பெரும்பாலும் அவள் மீதான தீர்ப்பாக 'காலம் கெட்டுப்போச்சு' அடிக்கடி சொல்லப்படுகிறது . ஏன் ?
சார்!
அது நாகரிகம்தானே? (மன்னிக்கவும் குற்றம் கண்டுபிடிப்பது தமிழனின் குணம்!)
எத்தனை நாள் எழுதுவீங்களோ தெரியலை, ஆனா ஒவ்வொன்னும் முத்தா இருக்கு!
தொடர்ந்து எழுதுங்கள் (சுஜாதாவுக்கு எஸ்.ஏ.பி எழுதின அளவிற்கு முக்கியத்துவம் இல்லேன்னாலும், ஏதோ நம்மாலான வரி!)
அன்புடன்
வெங்கட்ரமணன்