Share

Jan 26, 2009

மத்திய அரசு பத்ம விருதுகள் .

ஏ ஆர் ரஹ்மான் குளோபல் அவார்ட் வாங்கி ஆஸ்கார் விருது வாங்கி விடவும் வாய்ப்பு வந்திருக்கிறது .
தமிழ் எழுத்தாளர் ஜெயகாந்தன் பத்ம பூஷன் விருது பெறுகிறார் . அடுத்த வருடம் அசோகமித்திரனுக்கு கொடுக்க வேண்டும் . செய்வார்களா ? அசோகமித்திரனுக்கு ஞான பீட விருது வேறு இன்னும் தரப்படாமலே இருக்கிறது . எழுத்து , எழுத்தாளர் என்றதகுதி அளவுகோலில்
ஒரு அசோகமித்திரன் பத்து ஜெயகாந்தனுக்கு சமம் .
கிட்டத்தட்ட உத்தேசமாக
நாற்பது வருடங்களுக்கு முன்னரே தி.ஜானகிராமன் ,
முப்பத்தைந்து வருடங்களுக்கு முன் சுந்தர ராமசாமி , கி .ராஜநாராயணன் , அசோகமித்திரன்,நகுலன் ,இந்திரா பார்த்தசாரதி ,
இருபத்தைந்து வருடங்களுக்கு முன் ஆதவன்
ஜெயகாந்தனை முந்தி சென்று விட்டார்கள்.
அருணா சாய்ராம் பத்ம ஸ்ரீ விருது பெறுகிறார் .கர்நாடக சங்கீதம் செய்த புண்ணியம் அருணா சாய்ராம் . எம் .எஸ் .சுப்புலக்ஷ்மி திறமைக்கு சற்றும் குறைந்தவரல்ல அருணா . இது என் அசைக்க முடியாத நம்பிக்கை .
அந்த காலத்தில் சிவாஜி கணேசன் , ஜெமினி கணேசன் ,வி நாகையா போன்ற நடிகர்கள் பத்ம ஸ்ரீ விருது வாங்கினார்கள் . எம்ஜியார் ரிக்க்ஷாகாரன் " ஓதம்! ஓதம்! "நடிப்பிற்கு (!)பாரத் விருது வாங்கினார் .ஆனால் எம் ஆர் ராதா, எஸ் வி ரங்காராவ் போன்ற உன்னத கலைஞர்கள் அரசு விருதுகள் கௌரவமின்றி தான் மறைந்தார்கள் . Unsung ! Unhonoured!! Unwept!!!
இன்று வரை வந்துள்ள நகைச்சுவை நடிகர்களில் சத்தியமாக முதன்மையானவர் நாகேஷ் !
எழுத்தாளர் சுஜாதாவின் வார்த்தைகள் -நாகேஷ் பற்றி -'காலபிரமானம் ! மின்னல் வேக மாற்றம் !'
நாகேஷுக்கு ஈடு என அதன் பின் யாரும் கிடையாது . இன்றும் நாகேஷ் நடிக்கிறார் என்றாலும் 1962 துவங்கி 1970வரை நாகேஷின் உச்ச பட்ச சாதனை ! இவர் அந்த காலத்தில் பத்மஸ்ரீ அவார்ட் வாங்க முடியவில்லை . இன்னும் காலதாமதமில்லை . மிக சிறந்த விருது கொடுத்து மத்திய அரசு கௌரவிக்கவேண்டிய மகத்தான கலைஞன் நாகேஷ் ! அவருக்கு கிடைக்காத கௌரவம் இன்று விவேக் பெற்றுள்ளார். வடிவேலு விடம் உள்ள Inbuilt Humour அவரை விவேக்கை விட முன்னணியில் நிறுத்துகிறது. வடிவேலுக்கும் இந்தபத்மஸ்ரீ விருது கிடைக்கவேண்டும். அடுத்த வருடங்களில் வாங்கி விடுவார் .
கலைவாணர் என் எஸ் கே ,தங்கவேலு ,சந்திரபாபு , சோ ,தேங்காய் சீனிவாசன் ,சுருளிராஜன் , கௌண்டமணி ,எஸ்.வி.சேகர் , வடிவேலு ,விவேக் போன்ற கலைஞர்களுக்கு ஈடாக இந்தியாவில் மற்றமொழி காமடியன்கள் யாருமே கிடையாது . உரைபோட ஆள் கிடையாது . தமிழனின் நகைச்சுவை உணர்வின் தரம் அப்படி .

5 comments:

  1. johnny lever (bollywood) is a very good comedian , i think he should be in your list

    ReplyDelete
  2. Poor Guy!

    U have not seen any malayala comedy movie? have you?

    ReplyDelete
  3. Dear Anonymous!

    You are the poor guy. Not R.P.Rajanayahem!

    I watch both Tamil and Malayalam films. What RPR has said is true.

    Our (Tamil films) Comedy is rich and much better than films of other languages.

    ReplyDelete
  4. இதுவரை நாகேஷிக்கு கிடைக்காதது மிக மிக வேதனை.

    அந்த மாபெரும் நடிகருக்கு எத்தனை விருதுகளும் தகும்.

    நகைச்சுவை மட்டுமல்ல குணச்சித்திர வேடத்திலும் சோக நடிப்பிலும் அவருக்கு நிகர் அவரே.

    இனியாவது விருதுகள் கொடுக்கப்படவேண்டும்..

    "வாங்கப்படகூடாது"

    ReplyDelete
  5. nice blog.... what is criteria to get tis award....

    ReplyDelete