வெள்ளி விழா

சென்ற நவம்பர் ஏழாம் தேதி என் வாழ்க்கையில் ஒரு விஷேசமான நாள் . மூன்று நாட்களுக்கு முன் என் திருமண வாழ்க்கை இருபத்தைந்து வருடம் நிறைவடைந்திருக்கிறது . காலம் எவ்வளவோ அதிரடி திருப்பங்களையும் ,நினைத்தே பார்த்திராத மேடு பள்ளங்களையும் இந்த இருபத்தைந்து ஆண்டுகளில் எங்கள் இருவர் வாழ்விலும் நிகழ்த்தி காட்டியிருக்கிறது .

இந்த ஏழாம் தேதி இரவு தான் என் துணைவியார் இதை மெல்ல என்னிடம் தெரிவித்தார் . அந்த அளவுக்கு அந்த நாள் மிகுந்த பரபரப்பாக இருந்தது .இரவு விச்ராந்தியாக சாப்பிட்ட பின் மகன்களோடு ,துணைவியாரோடு பேசிகொண்டிருக்கும் போது நினைவில் இந்த விஷயம் உறைத்தபோதுகடந்த கால நினைவுகள் விரிந்தது !