Share

Apr 2, 2009

ஞாநியின் 49 (o)

நேற்று ஒரு நிழற்படம் பார்க்க கிடைத்தது . தொல்.திருமாவளவன் (பவ்யமாக !), குலாம் நபி ஆசாத் , ப சிதம்பரம் , தங்க பாலு வுடன் கருணாநிதி நடுநாயகமாக ஜுனியர் விகடன் பத்திரிகையில் பிரசுரமாகியுள்ளது .

கூட்டணி தலைவர்கள் ஒருங்கிணைந்து காட்சி தருகிறார்கள் .

எப்படி ? ஒரு மாதம் இருக்குமா ? தொல் திருமா " காங்கிரசை வேரடி மண்ணோடு சாய்ப்பேன் . தமிழகத்தில் பூண்டோடு ஒழிப்பேன் " என சூளுரைத்தது !

விடுதலை சிறுத்தைகள் இருக்கும் கூட்டணியில் நாங்கள் இருக்கவே மாட்டோம் என காங்கிரஸ் மீசை முறுக்கியது !

மன சாட்சி இல்லாத அரசியல்வாதிகள் !

என்ன ஒரு ஹிப்போக்ரசி !' தேர்தல் பாதை திருடர்கள் பாதை 'என்று திருமா முன்பு சொன்னது சரி தான் !!

இலங்கை பிரச்னை தேர்தல் வரவும் மறைந்து விட்டது .

ஒரே நேரத்தில் வைகோ கட்சி அதிமுக இல்லையேல் பி ஜே பி யுடன் கூட்டு பேச்சு வார்த்தை . தோட்டத்தில் வைகோவுக்கு அவமானம் என செய்தி . பி ஜே பி வலை வீச்சில் வைகோ . நாளொரு செய்தி என்பது கூட தவறு மணிக்கொரு செய்தி , வினாடிக்கொரு கூட்டணி மாற்றம் இருக்கும் போல .

திமுக விலிருந்து எம்ஜியார் விலகினார் . எம்ஜியார் மக்கள் செல்வாக்கு மிக்க தலைவர் .

திமுக விலிருந்து வைகோ விலகினார் . வைகோ தொண்டர் செல்வாக்கு தான் பெற்றிருந்தார் . தொண்டர்கள் பலர் அவர் பின் திமுக விலிருந்து வந்தார்கள் . தொண்டர்கள் தேர்தலில் வேலை செய்ய முடியும் . மக்கள் செல்வாக்கு தான் வாக்குகளை பெற்று தரும் . மக்கள் செல்வாக்கு என்பதை வைகோ நினைத்து கூட பார்க்க முடியாது . இப்போது இரண்டாம் மட்ட தலைவர்கள் மறுபடியும் திமுக விற்கு போய் விட்ட பின் அம்மா இவரை அவமானப்படுத்துகிறார் . மதிமுக பலகீனப்பட்டு விட்டது என்று ஜெயலலிதா உதாசீனப்படுத்துகிறார் போலும் ! நியாயம் தானே . இலங்கை பிரச்னையில் இரு துருவமாக இருந்து கொண்டு ஜெயலலிதா - வைகோ இணைந்து அரசியல் பண்ணியதே அபத்தம் .

பண்ருட்டி ராமச்சந்திரன் மூலம் காங்கிரசுடன் டெல்லியில் வெளிப்படையான பேச்சு வார்த்தை நடத்தி விட்டு இப்போது தனியாக போட்டியிடும் விஜயகாந்த் வினோத அரசியல் வியாதி . பாவம் நாற்பதில் ஒரு தொகுதி டெபாசிட் கிடைத்து விட்டாலே வெற்றி விழா கொண்டாட வேண்டியது தான் .

இந்த அரசியல் கூட்டணிகளை நிராகரிக்க அறைகூவல் விடுத்துள்ள ஞாநியை தான் ஆதரிக்க வேண்டும் . ஆமாம் . '49 (o)' !

ஒரே ஒரு வேட்பாளரை மட்டும் இன்றைய சூழலில் ஆதரிக்க விரும்புகிறேன் !

பகுஜன் சமாஜ் கட்சி தமிழகத்தில் வேரூன்ற முயற்சிப்பதை பற்றி நான் ஏற்கனவே கிண்டல் அடித்திருக்கிறேன் . தமிழகத்தில் அந்த தேசிய கட்சியும் ஒரு சர்பத் ஸ்டால் தான் . இருந்தாலும் கூட கன்னியாகுமரி வாக்காளர்கள் பலர் படித்தவர்கள் . எனவே அந்த தொகுதிக்காரர்கள் மட்டும் சிவகாமிக்கு வாக்களித்து வெற்றி பெற செய்ய வேண்டும் . என்னவோ இந்த தேர்தலை பொறுத்தவரை ஒரே ஒரு நல்ல வேட்பாளர் தமிழகத்தில் பகுஜன் சமாஜ் கட்சி சிவகாமி தான் . பாராளுமன்றத்திற்கு போக தகுதியும் அவருக்கு இருக்கிறது.

3 comments:

  1. "என்னவோ இந்த தேர்தலை பொறுத்தவரை ஒரே ஒரு நல்ல வேட்பாளர் தமிழகத்தில் பகுஜன் சமாஜ் கட்சி சிவகாமி தான் . பாராளுமன்றத்திற்கு போக தகுதியும் அவருக்கு இருக்கிறது."

    I honestly agree with you...

    ReplyDelete
  2. //என்ன ஒரு ஹிப்போக்ரசி !' தேர்தல் பாதை திருடர்கள் பாதை 'என்று திருமா முன்பு சொன்னது சரி தான் !!//

    திருமா!திருடா!

    ReplyDelete
  3. சாரு புத்தக விழாவில்
    சிவகாமி பேசியதை கேட்டேன்
    மேல்பூச்சு இல்லாத பேச்சு
    அமைதியான திர்க்கமான பேச்சு
    (தமிழச்சி பக்கத்திலிந்தும் அழகாய் தெரிந்தார்)
    கன்னியாகுமரி மக்கள் கவனிக்கவும்
    thank u RP

    ReplyDelete