மச்சம்

அஷ்வத் சின்ன மீன் தொட்டியில் வளர்த்த Fighter செத்து விட்டது.

'கல்யாணமாம் கல்யாணம்'(1974) குடுமி வச்ச பட்டிக்காட்டு ஜெய்சங்கரோட அப்பா உச்சிக்குடுமி வச்ச தங்கவேலுவும் பணக்கார தேங்கா சீனிவாசனோட பங்களாவுல மாடி கிராதியில இருந்து தூண்டில் போட்டு ஹால்ல இருக்கிற வளர்ப்பு மீன் தொட்டியில உள்ள மீன்கள ஒளப்புவதை பார்த்து தேங்கா பதறி 

" ஐய்யோ, ஐய்யய்யோ, மீன் தொட்டியில வளக்ற வெல ஒயர்ந்த மீனுகள பிடிக்க அப்பனும் மகனும் தூண்டி.."

உடனே ஜெய்சங்கர் உற்சாகமா" நேத்து கூட நானும் எங்கப்பாவும் ரெண்டு மீன இந்த தொட்டியில தூண்டி போட்டு பிடிச்சி சுட்டு தின்னோம் "

"கல்யாணமாம் கல்யாணம்" சிரிப்பு படம்.

சாப்பிட சுவையான சில வகை மீன்கள பத்தி சொலவடயெல்லாம் உண்டு.

(கோயம்புத்தூர் உக்கடம் லாரி பேட்ட மீன் மார்க்கெட்)

கிளங்கான் மீன் : 'கிளங்கான் அலஞ்சான் கொழஞ்சான்'

ஊழி மீன் : ' உள்ளதெல்லாம் குடுத்து ஊழிய வாங்கு'

மடவை மீன் : ' மக்கள வித்து மடவய வாங்கலாம் ' 

பெத்த பிள்ளய வித்து  'மடவை'  வாங்கனா 

கூட தப்பேயில்ல.

எங்க செய்துங்கநல்லூர் ஆச்சி நல்ல பிராயத்துல பதநிய பாத்தா காசில்லாட்டி 

கால் வெரல் மெட்டிய கழட்டி குடுத்துட்டு பதநி வாங்கி குடிச்சிரும். சங்கரன் கோயில் அத்த இத அம்மய நெனச்சா சொல்றதுண்டு. அத்தக்கி இப்ப வயசு தொண்ணூத்தி எட்டு. 

தாத்தா போல நிச்சயமா செஞ்சுரி தாண்டும்.

The web of our life is of a mingled yarn, good and ill together

- Shakespeare 

Life is complicated at the best of times