R.P. ராஜநாயஹம் புதிய நூல் 'தழல் வீரம்' குறித்து சுரேஷ் கண்ணன்

எழுத்தாளர் சுரேஷ் கண்ணன்:

Suresh Kannan 

ஃபேஸ்புக்கில் நான் விரும்பி வாசிக்கும் பதிவுகளில் ஒன்று R. P  ராஜநாயஹம் அவர்களுடையது. 

மிகவும் அபூர்வமான, அரிய விஷயங்களை, தகவல்களை தனது பிரத்யேகமான சுவாரசியமான நடையில் எழுதுவார். பொருத்தமான ஆங்கில மேற்கோள்கள் வறுத்த முந்திரி போல் இடையில் வந்து சுவையைக் கூட்டும். 

அவரது பிளாக்கிலும் முன்பு நிறைய கட்டுரைகளை வாசித்துள்ளேன். குறிப்பாக அவர் எழுதுவதில் சினிமா தொடர்பான பதிவுகள் எனக்கு ரொம்பவும் விருப்பமானவை. 

அட்டகாசமான தகவல்களால் நிரம்பிய கட்டுரைகள். அவற்றைக் காப்பியடித்தே பேர் வாங்கியவர் பலர். 

'உங்களது பதிவுகள் தொகுப்பாக வருவது அவசியம்' என்று முன்பு அவரது பதிவில் எப்பவோ கமெண்ட் போட்டிருந்தேன்.

அது இப்போது சாத்தியமாகியிருக்கிறது. 

*

ஆம், நண்பரும் பதிப்பாளருமான அசோக்,                                                                    R. P  ராஜநாயஹம் அவர்களின் பதிவுகளைத் தொகுத்து 'தழல் வீரம்' என்கிற தலைப்பில் நூலாக கொண்டு வந்திருக்கிறார். 

இது நீங்கள் நிச்சயம் வாங்க வேண்டிய பொக்கிஷமாக இருக்கும். எனவே பதிப்பாளரை உடனே தொடர்பு கொண்டு உங்கள் பிரதிக்கு முந்துங்கள்.

*