அர்ஜுனனுக்கும் பாஞ்சாலிக்கும்
திருமணம் செய்வது பற்றி
துருபதன் ஆலோசிக்கிறான்.
தர்மரை கேட்கிறான்.
தர்மர் " பாஞ்சாலியை
நாங்கள் ஐந்து சகோதரர்களுமே
திருமணம் செய்துகொள்ள வேண்டும்
என்று தாயார் குந்தி உத்தரவு " என்கிறார்.
பாஞ்சாலியின் தகப்பன் துருபதன்
பதட்டமடைந்து வேதனையுடன்
" அது எப்படி சாத்தியம் ?'' என்று கேட்கிறான்.
வியாசரிடம் " இது முறை கெட்ட செயல் அல்லவா?" புகாராக துருபதன் முன் வைக்கிறான்.
வியாசர் தேற்றுகிறார் " ஐந்து பேரை
பாஞ்சாலி மணப்பது தவறே அல்ல.
இதற்கு முன்னுதாரணங்கள் இருக்கின்றன. ஜடிலை என்ற பெண்,
சப்த ரிஷிக்களையும் மணந்திருக்கிறாள்.
வார்க்ஷி என்ற பெண்
'பிரதேசுக்கள்' என்ற பத்து சகோதரர்களை
கல்யாணம் செய்திருக்கிறாள் "
ஜடிலைக்கு ஏழுபேர்,
வார்க்ஷிக்கு பத்து பேர் என்று
பாஞ்சாலி கணவர்களை விட அதிகமாக
பாஞ்சாலி காலத்திற்கு முன்
அந்த இரு ஸ்த்ரிகள்
வாழ்ந்து காட்டியிருக்கிறார்கள்.
No comments:
Post a Comment
Note: Only a member of this blog may post a comment.