M.R. ராதா - V.K. ராமசாமி - ரமணி அம்மாள்

இந்த புகைப்படத்தில் M.R. ராதிகா குழந்தையாக. பிறந்த நாள் நிகழ்வு?

ராதிகா அம்மா கீதா மடியில் இருக்கிறார்.

நின்று கொண்டிருப்பவர் M.R. ராதாவுக்கு அப்போது மற்றொரு மனைவி ரமணி.

1960களின் முன் பகுதி புகைப்படம்.

ரமணியம்மா கைராசி படத்தில் எம்.ஆர். ராதா மனைவி சுசிலாவாக நடித்திருக்கிறார். அப்போது அவருக்கு நிஜ மனைவி. பின்னாளில் வி.கே. ராமசாமிக்கு மனைவி.

நடிகை ரமணிக்கு ராதாவின் மூலம் இரண்டு மகன்கள். ரகு. ரவி.

M.R.R. ரகுவை இப்ப வீடியோவில் பார்க்கும் போது அச்சு அசலாக ராதா போலவே இருக்கிறார். கார்த்திக் கதாநாயகனாக நடித்த சில படங்களின் இயக்குநர் ரகு. கிறிஸ்தவராக மாறி விட்டார்.பெயர் டேவிட் நாதன்.

எம்ஜிஆர் துப்பாக்கி சூடு சம்பவத்திற்கு முன்பே ரமணி அம்மாள் ராதாவை விட்டு பிரிந்து விட்டார்.

1970 வாக்கில் ரமணி அம்மாளை (இரண்டு குழந்தைகளுடன் இருந்த போது)  தன் பாரியாளாக V.K. ராமசாமி ஏற்றுக்கொண்டார். குழந்தைகளுக்கு step father என்றாலும் சொந்த பிள்ளைகளாக வளர்த்து சொத்திலும் பங்கு கொடுத்தார்.

ரமணி அம்மாள் நாற்பது வருடங்களாக V.K.R உடன் வாழ்ந்தார்.