அண்ணா அம்மா ஆட்டுக்குட்டி முன்னேற்ற திராவிட கழகம்

மட்டன் கடை பாய் ரொம்ப வருத்தத்துடன் “ ஏதாவது கட்சியில் என்னை சேத்தா இந்த கசாயு வேலைய விட்டிடுவேன்”ன்னு சொன்னார். 

நான் “ ஒரு கட்சி நான் ஆரம்பிக்கிறேன். அண்ணா அம்மா ஆட்டுக்குட்டி முன்னேற்ற திராவிடகழகம். நீங்க தான் பொதுச் செயலாளர்”

“ஏதாவது வேலை எனக்கு இருக்குமா?”

“ பொதுச்செயலாளருக்கு எந்த வேலையும் கிடையாது. நீங்க மட்டன் கடைய மூடவும் வேணாம்.
அரசியல்வாதின்னாலே பார்ட் டைம் தொழில் தான்.
முழுநேர அரசியல்னு ஒன்னு இல்லவே இல்லை. எல்லோருமே பல தொழில் செய்பவர்கள் தான்.
கட்சி பேர பாத்தீங்களா.. அண்ணா பேர் இல்ல, திராவிடம் இல்லன்னு எவனும் சலிக்கவும் முடியாது. அதோட உங்க தொழில் சமாச்சாரம். ஆட்டுக்குட்டி முன்னேறுனா ஆடு. ஆடு இருந்தா தான மட்டன் கடை.”

பாய் “ உங்களுக்கு நம்ம கட்சில என்ன வேல.”

“ என்ன பாய், கட்சிக்கு தூணே தொண்டன் தானே.வேட்டி சட்டை ரெண்டு செட் வச்சிருக்கேன்.”

.............................