R P ராஜநாயஹம்

ராஜநாயஹம் எழுத்து

2011-01-10T11:29:00.009+05:30

பல படங்களில் வயதானவராக நடித்த ரங்காராவ் தனது முதுமையை அடையும் முன்பே இறந்து போய்விட்டார் என்ற தகவலை நண்பர் ராஜநாயஹம் வலைப்பக்கத்தில் ஒரு முறை வாசித்த போது அதிர்ச்சியாக இருந்தது.
திருப்பூரில் வாழும் எழுத்தாளர் ராஜநாயஹம் கறுப்பு வெள்ளைக் கால தமிழ் திரையுலகின் ஒரு நடமாடும் ஆவணக்காப்பகம். அவர் தனது வலைப்பக்கத்தில் எழுதியுள்ள சுவாரஸ்யமான திரைக்குறிப்புகள் தனித்து நூலாக வரவேண்டியவை.
- எஸ்.ராமகிருஷ்ணன்
www.sramakrishnan.com

..........................................................

எனக்குத் தெரிந்து R.P.ராஜநாயஹம் அவர்கள் தமிழ் படங்கள் பற்றியும், உலகப் படங்கள் பற்றியும் தெளிவான அறிவு உடையவர். அவர் பாலைய்யா, சுப்பைய்யா பற்றியும் பேசுவார், பெட்ரிக்கோ பெல்லினி பற்றியும் பேசுவார். ரோமன் பொலன்ஸ்கி படத்தையோ,பெட்ரொ அல்மொடொவர் படத்தையோ முன்வைத்து நம்ம ஊர் படத்தை விமர்சனம் செய்யமாட்டார்.
-குட்டிபிசாசு
kuttipisasu.blogspot.com

............................................................................

wandererwaves.blogspot.com
பதின்மவயதுச்சுயதிருப்திக்கு ஈடானதாக நாகார்ஜுனனின் இடுகையொன்றும் ராஜநாயஹத்தின் சில இடுகைகளும் எனக்கு;
அண்மைக்காலம்வரை ஜெயமோகனை அடிக்க காலச்சுவடு உசுப்பேத்திவிடும் அடியாள் என்ற அபிப்பிராய அறியாமை மட்டுமே R.P.ராஜநாயஹம் பற்றி எனக்கு இருந்ததென்பதற்கு, இவரை முதலிலே அறிய நேர்ந்த இவரது இலக்கியபத்தி+பக்தி எழுத்துகளும் காரணம். அப்படியான தப்பபிப்பிராயம்மட்டும் இப்போது மாறவில்லை; இவரை எதிர்_ஜெயமோகன் கருத்துப்பிம்பவடையாளமாக வைத்திருந்தது(ம்) மாறி, மாற்று_ஜெயமோகன்(_would be) கருத்துப்பிம்பவடையாளமாக மாற்றிக்கொண்டுவிட்டேன்; இலக்கியமென்பது உருகிப்பருகி ஆனந்திக்கமட்டுமே என்ற அமுதகலசமதுவந்திகளாக இரண்டுபேரும் தோன்றுகின்றார்கள்.

.......................................................................

என்னைப் பொறுத்தவரை சுஜாதாவின் இடத்தைப் பிடிக்கும் தகுதியும், எழுத்து வன்மையும் கொண்டவர் தமிழ் பதிவுலகத்தில் மட்டுமல்ல எழுத்துலகத்தில் ஒருவர் இருக்கிறார். அவர் பெயர் ராஜநாயஹம். மிகச் சமீபத்தில் அவரின் பதிவுகளை வாசகர் ஒருவர் மெயில் மூலம் அறிமுகப்படுத்தி இருந்தார். வாசிக்க ஆரம்பித்தவன் முடித்து விட்டுதான் மற்ற வேலைகளையே பார்க்க ஆரம்பித்தேன். ஹ்யூமர் எழுத்துக்கும், விஷய ஞானத்திற்கும் ராஜநாயஹம் எழுத்து உதாரணம் என்றே சொல்லலாம்.
- பஞ்சரு பலராமன்
Velichathil.wordpresscom

.........................................................................

NARAIN frind feed :சுவாரஸ்யம் என்னைக்
கும் நிஜமாகாது. ஆனா, R .P R யோட 2 வருஷ பதிவுகளை பாருங்க.இது வெறும் சுவாரஸ்யம் மட்டும் கிடையாது, அதுக்கு மேல!
ராஜநாயஹம் மாதிரி ஒரு ஆளை நாம இன்னமும் சரியான இடத்துல வைக்கலன்னு தோணுது

.....................

பிடித்ததை படித்ததில்...1
writerprc.blogspot.com

தமிழில் எழுதுபவர்கள் மிக குறைவு என்றே நினைத்தேன், ஆனால் தேடியதில் சில புதுமையான, இனிமையான தளங்கள் என் திறையில் அகப்பட்டது. அவைகளில் சில..

http://rprajanayahem.blogspot.com/

http://jyovramsundar.blogspot.com/

http://naayakan.blogspot.com/

http://vijisekar.wordpress.com/

http://nizhalkal.blogspot.com/

http://nagarjunan.blogspot.com/

என் கண்ணின் பாவையன்றோ

2010-01-22T17:53:00.009+05:30

1944வது ஆண்டில் வில்லியம் பர்ரோஸ் வாழ்வில் ஒரு திருப்பமாக வந்தவள் ஜோன் வோல்மர் . அப்போதே அவளுக்கு ஜூலி ஆடம்ஸ் என்ற ஒரு பெண் குழந்தை உண்டு . மூன்றே ஆண்டில் பர்ரோஸ் மூலம் ஜோன் ஒரு ஆண்குழந்தைக்கு தாயானாள். வில் பர்ரோஸ் jr !

எப்போதும் ஜோனிடம் ஒரு விளையாட்டு விளையாடுவது பர்ரோஸின் வழக்கம் . அந்த விளையாட்டு விளையாடும்போது நல்ல போதையில் இருப்பதும் வழக்கம் தான். ஜோன் தலையில் ஆப்பிளை வைத்து பர்ரோஸ் குறி பார்த்து ஆப்பிளை சுடுவது. "வில்லியம் டெல் கேம்"

1951வது ஆண்டில் அப்படி அந்த விளையாட்டை விளையாடிய ஒரு நாள் வில்லியம் பர்ரோஸ் குறி பார்த்து ஜோன் வோல்மரின் இரு கண்ணுக்கு நடுவே சுட்டு விட்டான்.கண்களில் இருந்து வழிந்தது குருதி. ஜோன் வோல்மரின் மரணம் நிகழ்த்தப்பட்டது இவ்விதமே.

எட்டு வருடம் கழிந்த பின் வில்லியம் பர்ரோஸ் எழுதிய நாவல் 'Naked Lunch' .
ஹென்றி மில்லர் உணர்ச்சிப்பூர்வமாக ' அமெரிக்காவின் என் காலத்து ஒரே எழுத்தாளன் வில்லியம் பர்ரோஸ் தான்!' என்று சொல்லும்படியானது.
வில்லியம் பர்ரோஸ் சொன்னான் :"I would have never become a writer but for Joan's Death."

'Naked Lunch' நாவலைப் பொறுத்தவரை Authorial Intension is to Reveal the Facts.
"The title means exactly what the words say: naked lunch, a frozen moment when everyone sees what is on the end of every fork.

The Naked Lunch of human life is portrayed as Cannibalism, Oral-Anal Sex and Orgasm - Death.

கனடா, இங்கிலாந்து, ஜப்பான் ஆகிய மூன்று நாடுகளின் கூட்டுத்தயாரிப்பாக 1991 ல் டேவிட் க்ரோனன்பெர்க் இயக்கத்தில் திரைப்படமாக வெளிவந்தது'Naked Lunch'. நாவலின் முக்கியப் பாத்திரம் வில்லியம் லீ யாக (பர்ரோஸ் தான் !)பீட்டர் வெல்லர் என்ற நடிகர் நடித்திருக்கிறார். ஸ்டீவன் ஸ்பீல்பெர்க் படம் Jawsல் ஹீரோவாக நடித்த ராய் சீடர்(Roy Scheider.இரண்டு வருடம் முன் இறந்து விட்டார் ) கூட Naked Lunch படத்தில் நடித்திருக்கிறார்.

மானிட இயல்பு என்பதிலிருந்து எவருமே தப்பிக்கவே முடியாது.

1997ல் மறைந்த பர்ரோஸ் தன் கடைசி காலத்தை பூனைகளுடனும்,கைத்துப்பாக்கி, ரைபிள் இவற்றுடன் கழித்தான்.

The Birds( 1963 movie)

2010-01-18T17:08:00.013+05:30

ஹிட்ச்காக் ஒரு டி வி விளம்பரம் பார்க்கிறார். அதில் டிப்பி ஹெட்ரன் என்ற அந்த மாடல் தெருவில் நடந்து போகிறார். அந்த மெலிந்த அழகான பெண்ணைப் பார்த்து ஒருவன் விசில் அடிக்கிறான். அந்தப் பெண்ணும் தன் கழுத்தைத் திருப்பி அந்த விசிலடிக்கும் மனிதனைப் பார்த்து ரசித்து சிரிக்கிறாள். இந்த டிப்பி ஹெட்ரனை ‘The Birds’ படத்தில் கதாநாயகியாக அறிமுகப் படுத்தும் ஹிட்ச்காக் தான் டிவி விளம்பரத்தில் பார்த்த காட்சியையே அப்படியே தன் படத்தில் வைக்கிறார்.
படத்தின் ஆரம்பக் காட்சியில் கதாநாயகி பறவைக்கடைக்குள் நுழைய வரும்போது தன்னைப் பார்த்து விசிலடிக்கும் சிறுவனை ரசித்து சிரிப்பது !

ஹிட்ச்காக் பறவைக்கடையின் உள்ளிருந்து இரண்டு நாய்களுடன் வெளியேறிச் செல்வார். Director's Cameo appearance! அந்த இரண்டு நாய்களும் அப்போது அவர் வளர்த்து வந்த சொந்த நாய்கள்.

Gulls, sparrows, crows!
Birds are not aggressive creatures.
ஆனால் ஏன் இப்படி நடக்கிறது?The Birds start a war against humanity.
கதாநாயகன் ராட் டைலரிடம் அவனுடைய தங்கை கேட்கிறாள்-“ Why do they try to kill the people?”
ராட் டைலர் களைப்புடன் சொல்கிறான் -“I wish I could say.”

படத்தில் இதற்கு எந்த விடையும் இல்லை தான்.
Birds attacking people for no evident reason.ஆனால் ஹிட்ச்காக் பறவைகளை வில்லன்களாக்கி அட்டகாசம் செய்திருக்கிறார்.
"It could be the most terrifying motion picture I have ever made!"

பறவைகளின் யுத்தம் என்பது தவிர ஒரு அருமையான கதை நீரோடையாக தெளிவாக நகர்கிறது.

கதாபாத்திரங்கள் எளிமையானவை.

நாயகி மெலனி டேநியல்ஸ்-நாயகன் மிட்ச் பிரென்னர் காதல்,

மிட்ச் மீது இன்னும் கூட காதலுடன் பழகும் டீச்சர் ஆன்னி ஹேய்வோர்த்,

கதாநாயகனின் ஒரு சின்னத்தங்கை கேத்தி.

கதைநாயகனின் தாய் லிடியாவின் மகன் மீதான Possessiveness.லிடியா கழுத்துப் புருஷனை இழந்த விதவை என்பதனால் வவுத்துப் புருஷன் மீது தானே முழுப் பிடிப்பும் இருக்கும்!மகனை தன்னிடம் இருந்து பிரித்துவிட வரும் பெண் மீது கொள்ளும் கிலேசம்,பயம் எளிய மனோதத்துவம் தானே!

ஒரு மரணமும் இன்னொரு தாக்குதலும்

2010-01-18T11:23:00.015+05:30

நேற்று ஜோதி பாசுவின் மரணம் விளைவிக்கும் துக்கம் ஒரு புறம்.கம்யூனிஸ்ட்களின் தரம் சகிக்க முடியாத அளவுக்கு தாழ்ந்து போய்விட்ட துக்கம் மறுபுறம்.

சில நாட்களுக்கு முன் தலை சிறந்த எழுத்தாளர்களில் ஒருவரான பால் சக்கரியா கேரளாவில் ஆளும் கம்யூனிஸ்ட்களால் தாக்கப்பட்டிருக்கிறார்.

காங்கிரஸ் பொதுச்செயலாளர் ராஜ்மோகன் உன்னிதான்- ஜெயலக்ஷ்மி கையும் மெய்யுமாக பிடிபட்ட பாலியல் விவகாரத்தில் கைது,வழக்குமீதான பால் சக்கரியாவின் நிலைப்பாடு கம்யூனிஸ்ட்களுக்கு உவப்பானதாக இல்லை. ஒரு முன்னாள் கம்யூனிஸ்ட் எம்.பி. யின் மகன், கம்யூனிஸ்ட் இளைய தலைமுறை சார்பாக சக்கரியாவை தாக்கியிருக்கிறான். இடது சாரி இளைஞர்கள் சக்கரியாவை " தலையை எடுத்துவிடுவோம். கைகால்களை எடுத்து விடுவோம் " என மிரட்டி கழுத்தில் கைவைத்து தாக்கியிருக்கிறார்கள்.

சக்கரியா பேசிய விஷயம் கூட காலம் காலமாக எந்த ஒரு அறிவு ஜீவியும் நம்புகிற சாதாரண விஷயம் தான். ' ஒரு பூட்டிய அறைக்குள் ஆணும் பெண்ணும் இருக்கும்போது நீங்கள் ஏன் அவர்களின் தனிமையில் தலையிட வேண்டும்?'

கம்யூனிஸ்ட்களும் இந்துத்வாவாதிகள் போல, இஸ்லாமிய அடிப்படைவாதிகள் போல மாறிவிட்டார்கள். சகிப்புத்தன்மையை சுத்தமாக இழந்து விட்டார்கள்.

' ஆண் - பெண் உறவுமுறை' யில் இடதுசாரிகள் முன்பெல்லாம் முற்போக்கு அணுகுமுறையை கையாண்டவர்கள்.இப்போது எல்லாம் தலைகீழாகி விட்டது. மேற்கு வங்கத்திலும் சிந்தனையாளர்களுக்கும் இடதுசாரிகளுக்கும் இடையே பெரிய பிளவு ஏற்பட்டிருக்கிறது.' என்கிறார் சக்கரியா.

இனி அறிவுஜீவிகளிடம் இருந்து இடதுசாரிகளும் விலகுகிறார்கள்.

A man's dying is more the survivor's affair than his own.
- Thomas Mann.

ஜோதி பாசுவின் மரணம் இவர்களுக்கு ஒரு Retreatஆக அமைந்தால் நல்லது.

Cherished Icon Jyoti Basu!

'நாட்டுக்காக தன் உடல்,பொருள்,ஆவியை அர்ப்பணித்தார்' என்ற வார்த்தை ஒரு cliche . ஜோதி பாசு இறந்தவுடன் தானம் செய்யப்பட்ட கண்கள் டாக்டர்களால் உடலிலிருந்து எடுக்கப்பட்டு விட்டது. அவர் மரணத்திற்கான அரசாங்கத்தின் இறுதி மரியாதைக்குப் பின் அவர் உடல் அவர் விருப்பப்படி மருத்துவ ஆராய்ச்சிக்காக ஒப்படைக்கப்பட இருக்கிறது.Don’t call him ‘a Saint’. Jyoti Basu should never be dismissed so easily.அவசரமாக வார்த்தைகளை உணர்ச்சி வேகத்தில் அள்ளித் தெளித்து அவரை கொச்சைப்படுத்தி விடாதீர்கள்.

With Jyoti Basu's Death,
The whole Indian Communists stand dwarfed.

ஒரு பார்வையில்

2010-01-13T10:23:00.005+05:30

'உலகின் ஒரே நகரம் நியுயார்க் ' என போத்ரியார் சொன்னதாக நாகார்ஜுனன் ப்ளாகில் படித்த ஞாபகம்.

ஆழ்ந்த பிரக்ஞை பூர்வமான முடிவு. இது பிடிவாதமல்ல.

" ஒரு பார்வையில் சென்னை நகரம்" என்ற அசோகமித்திரனின் நூலைப் படித்தபோது போத்ரியாரின் வார்த்தைகள் தான் நினைவில் வந்தது.கவிதாப் பதிப்பகம் வெளியிட்டுள்ள புத்தகம் " ஒரு பார்வையில் சென்னை நகரம்". ரொம்ப சின்னப் புத்தகம் தான். விலை நாற்பது ரூபாய்.

மனிதனின் வேர்கள் அவன் வாழும் சூழலில் ஊன்றிவிடுகிறது.

" தெரியாத அதிசயங்களைத் தன் கர்ப்பத்தில் சுமக்கின்ற மகா சமுத்திரங்களை விட எனக்குத் தெரிந்த என் நிளா நதியைத் தான் நான் நேசிக்கிறேன்" என்பார் எம்.டி.வாசுதேவன் நாயர்.

கிரா நேர் பேச்சில் என்னிடம் சொன்னார் : "எவரெஸ்ட் பெரிய சிகரம் தான். இருந்தாலும் குருமலை தானே எனக்கு முக்கியம்."

ஷெல்லி சலித்துப் போய் “Hell is a city much like London” என்றான்.

ஆல்பர் காம்யு -“Paris is a dingy sort of town.” என்று ‘The Outsider’ நாவலில் முகம் சுழிப்பான்.

என்னைக் கேட்டால் நான் சொல்வேன்.

“Hell is a city much like Tiruppur”.
“Tiruppur is a dingy sort of town”

Hop,step and jump

2010-01-12T10:02:00.006+05:30

Where do sentences go?
They don’t go any where
It is the question of hop,step and jump.

- Nakulan

மொசார்ட் இசை பற்றி ஓர் புதிய தகவல். விஞ்ஞானிகள் கண்டுபிடித்திருக்கிறார்கள்.குறை மாதத்தில் பிறக்கும் குழந்தைகள் மொசார்ட் இசை கேட்கும்போது அந்த மெலடி குழந்தைகளின் எடையை அதிகரிக்கச்செய்து ஆரோக்கியம் அதிகரிக்க வழி செய்கின்றன. விஞ்ஞானிகள் கண்டுபிடித்த இன்னொரு விஷயம். பாக் அல்லது பீத்தோவன் இசைக்கு இந்த குழந்தைகள் குணமாக வழி இல்லையாம். மொசார்ட் தான் குறைமாத குழந்தைகளுக்கு மருந்தாகிறதாம்!

நோபெல் வெங்கட்ராமன் ராமகிருஷ்ணன் சொல்வது :Scientists are pragmatic people, not philosophers.

தென் ஆப்பிரிக்கா அதிபர் ஜேகப் ஜூமாவுக்கு 68 வயது. சமீபத்தில் திருமணம் செய்துகொண்டுள்ளார். தோபேகா மடிபா என்ற 37வயது பெண் இவரது ஐந்தாவது மனைவி. திருமண வைபவ கொண்டாட்டத்தில் ஜேகப் ஜூமா மிகவும் குஷியாக ஆடுகிற புகைப்படம் ஹிந்து பத்திரிகையில் இரண்டு நாள் முன் பார்த்தேன்.

பிரிட்டிஷ் பிரதமர் கார்டன் பிரவுன் ஆட்சியை கவிழ்க்கிற சதி ஒன்று மீண்டும் நடந்துள்ளது.Brown survives “Coup” bid.இந்த முறையும் தப்பித்து விட்டார். பிரவுன் 'இதெல்லாம் சும்மா ஜூஜூபி ..A storm in a tea-cup!' என்கிறார்.

Just Relax!

ரோம் நாட்டில் ஒலிம்பிக்ஸ் நடந்து கொண்டிருந்த நேரம். இந்திய தடகளப் போட்டி வீரர் மில்காசிங் மைதானத்தில் கை கால்களை உதறிய படி படுத்துக்கிடக்கிறார். ஒரு பெண் நிருபர் அவர் அருகே வந்தவர் மில்காசிங்கிடம் “ Are you relaxing?” என்கிறார். நம்ம தடகள சர்தார்ஜி அவசரமாக உடனே எழுந்து வேகமான குரலில் சொல்கிறார் “No..No.. I am Milka Singh”

காமராஜர் பற்றி இப்படி ஒரு ஜோக் உண்டு.

சஞ்சீவ ரெட்டியும் காமராஜரும் விமான நிலையத்தில் காத்திருக்கிறார்கள்.விமானம் தயாரானவுடன் ஒரு அதிகாரி வந்து “Are you ready?” என்று பணிவாக கேட்கிறார். சஞ்சீவ ரெட்டி " எஸ்'' என்று சொன்னபோது காமராஜர் அவசரமாக தலையை ஆட்டி மறுத்து “No..No.. I am not a Reddy. I am a Nadar.”என்றாராம்.

ஷேக்ஸ்பியர்

2010-01-11T10:26:00.020+05:30

"டெம்பஸ்ட்" நாடகத்தில் காணப்பட்ட கதை தன் கருவில் சுதந்திரம், நட்பு, மனம் திரும்புதல், மன்னிப்பு என்பனவற்றை கொண்டிருக்கிறது.

“We are such stuff as dreams

Are made on.”

- The Tempest.

பல்கலைக்கழகங்களில் படித்திடாதவர்.தன் நாடகங்களில் ஷேக்ஸ்பியர் தானும் நடித்திருக்கிறார்.

ஷேக்ஸ்பியர் வாழ்ந்த காலத்தில் தான் எழுதிய மகத்தான நாடகங்களை அச்சிலே பார்க்கவே இல்லை.52 வயதில் ஷேக்ஸ்பியர் இறந்த பின் 36நாடகங்களை அச்சில் கொண்டுவந்தவர்கள் அவருடைய நாடகங்களில் நடித்த ஹெம்மிங்க்ஸ், காண்டல் என்ற இருவர் தான். ஷேக்ஸ்பியர் எழுதிய நாடகம் Cardenio அவர் காலத்தில் மேடையில் நடிக்கப்பட்டிருக்கிறது. ஆனால் அந்த நாடகம் தொலைந்து போய்விட்டது.கிடைக்கவே இல்லை.

Racism, Anti-Semitismஎன பல prejudiceஇவரிடம் தெரியக் கிடைக்கிறது என சுலபமாக குற்றம் சாட்டி பெருமிதம் கொள்ள செக்குமாட்டு விமர்சகனுக்கு வாய்ப்பு நிறைய உண்டு.

Black is the badge of hell, the hue of dungeons and the scrowl of night.
-‘ Love’s Labour Lost’

ஒதெல்லோ ஒரு மூர் ஆப்பிரிக்கன்.ஒதெல்லோ நாடகத்தில் அவன் மீதான வசவுகள் கூட ஷேக்ஸ்பியருக்கு எதிராக திருப்பப் படமுடியும்.

யூத வெறுப்பு தான் Merchant of Venice நாடகத்தில் ஷைலக் என்ற யூதனை கொடூர, இரக்கமற்ற வில்லனாக்க காரணம் என வாதிடலாம்.

தன் நாடகங்களில் தற்கொலை என்பதை 13தடவை பயன்படுத்துகிறார்.ரோமியோவும் ஜூலியட்டும் தற்கொலை செய்துகொள்கிறார்கள்.ஜூலியஸ் சீசரில் தற்கொலை நடக்கிறது.ப்ரூட்டஸ் மனைவி போர்ஷியாவின் தற்கொலை. ப்ரூட்டஸ் -கேசியஸ் Die by Consensual Stabbing!ஒதெல்லோ தற்கொலை செய்து கொள்கிறான். ஹேம்லெட் ட்டில் ஒபீலியா நீரில் மூழ்கி தற்கொலை. ஆண்டனி அண்ட் கிளியோபட்ராவில் தான் அதிக தற்கொலைகள்.மார்க் ஆண்டனி, கிளியோபட்ரா,சார்மியன்,ஈரோஸ், ஐராஸ்....

முதல் நாடகம் Henry VI part one இருபத்தைந்து வயதில் எழுதினார். கடைசி நாடகம் The Two Noble Kinsmen எழுதும்போது அவருக்கு 49 வயது.

அவருடைய கவிதைகள் 154 sonnets. நிறைய சர்ச்சை கிளப்பியவை. முதல் 26 கவிதைகள் ஒரு இளைஞன் பற்றியவை. கடைசியில் இரண்டு தவிர முந்தைய 25கவிதைகள் ஒரு கருப்பு பெண் குறித்தவை. 126வது சானட் சொல்வது farewell to“My lovely boy”...Shakespeare .... a BISEXUAL?என ஆராயலாம்!

பதினெட்டு வயது ஷேக்ஸ்பியர். இருபத்தாறு வயது ஆன்னி ஹேத்தவே.தன்னைவிட எட்டு வயது மூத்த ஆன்னி ஹேத்தவே என்ற பெண்ணை மணந்து மனஸ்தாபத்தோடு எட்டு பிள்ளைகள் பெற்றார் ஷேக்ஸ்பியர்.Anne Hathaway hath a way!

இந்த எட்டில் ஒரு ட்வின்ஸ் உண்டு. இந்த ட்வின்ஸ் இருவரில் ஹேம்நெட் வாழ்க்கை 11வயதில் முடிந்தது. இன்னொரு ஜூடித் 77வயது வரை வாழ முடிந்தது. ஷேக்ஸ்பியரின் சொத்துக்களை அனுபவித்த சூசன்னா 66 வயதில் மறைந்தார். ஷேக்ஸ்பியரின் உயில் படி மூத்த மகளுக்குத்தான் சொத்து கிடைத்தது.மனைவி ஹேத்தவே க்கு கிடைக்கவில்லை.ஷேக்ஸ்பியரின்Second-best bed இரண்டாவது படுக்கை ...Marriage Bed தான் ஹேத்தவேக்கு கிடைத்தது!

'வறுமையும் புலமையும் ' என்று ஷேக்ஸ்பியர் பற்றி சொல்ல முடியாது . 18வயதிலேயே சொத்து வாங்க ஆரம்பித்து விட்டார். மதிப்புள்ள சொத்துக்கள் வாங்கி குவித்தவர் ஷேக்ஸ்பியர்.அவருடைய சொந்த ஊர் ஸ்ட்ராட்போர்டில் உள்ளூர்க்காரர்கள் ஷேக்ஸ்பியரை ஒரு பக்கா பிசினெஸ் மேன் என்று தான் நினைத்துக் கொண்டிருந்தார்களாம்.

ஷேக்ஸ்பியரின் அம்மா கூட செல்வசீமாட்டி எனும்படியானவரே. செல்வந்தரின் மகள்!

ஷேக்ஸ்பியரின் ஹேம்லெட்,கிங் லியர், மேக்பெத் போன்ற ஏழு நாடகங்கள் பால் இல்லிட்ஜ் என்பவரால் நாவல்களாக எழுதிப் பார்க்கப்பட்டிருக்கிறது.

நெட்டை மரங்களென நின்று ...

2010-01-09T09:50:00.007+05:30

ஆக்சிடன்ட் நடந்தா உயிருக்கு போராடுபவருக்கு உதவ யாருமே இல்லாத,நின்று வேடிக்கை பார்க்கும் சமூக அவலம் பற்றி யோசிக்க வேண்டும்.

1997 ல் மே மாதம் ஐந்தாம் தேதி நான் பஸ்ஸில் மணப்பாறையிலிருந்து திருச்சி வரும்போது இரவு ஏழு மணி போல எதிரே வந்த லாரி மீது பஸ் மோதி 13பேர் அந்த இடத்திலேயே இறந்தார்கள். எனக்கு தோள்பட்டை 'காலர் போன்'உடைந்து விட்டது. அன்று இன்னும் கொஞ்சம் அடி பலமாக மட்டும் பட்டிருந்தால் என் தோள் கண்டார் அதற்குப் பின் தோளே கண்டிருக்கமுடியாது. இல்லை அன்றே நான் போய் சேர்ந்திருப்பேன். எலும்புகள் இணைவதற்காக ஒரு மாதத்திற்கு மேல் தோளுக்கு ஜாக்கெட் போட்டுக்கொண்டு சிரமப்படவேண்டியிருந்தது.

அன்றைக்கு விபத்து நடந்த அந்த நேரத்தில் உயிருக்கு மன்றாடிய ரத்தசகதியில் மாடு போல இரைத்துக்கொண்டிருந்த ஒருவரை மற்றொரு பஸ் ஒன்றில் ஏற்ற முயற்சித்தபோது அந்த பஸ்ஸின் டிரைவரும் கண்டக்டரும் கடுமையாக எதிர்த்து மறுத்து விட்டார்கள்."நாங்க எங்க பஸ்ஸில் அடிபட்ட ஆளையே ஆஸ்பத்திரிக்கு கொண்டு வருவதாக போலீஸ் எங்க மேலேயே பழி போடுவாங்க ''- இது அவர்கள் விளக்கம்.

ஆழ்வார்குறிச்சி போலீஸ் சப் இன்ஸ்பெக்டர் வெற்றிவேலை ஒரு கும்பல் வெடிகுண்டு , அரிவாளால் தாக்கி அவர் உயிருக்கு மன்றாடி தவிக்கும்போது இரண்டு தமிழக மந்திரிகள், கலெக்டர் உட்பட ரோட்டில் நின்று வேடிக்கை பார்க்கிறார்கள். வெட்டிய கும்பல் கடையம் சப் இன்ஸ்பெக்டர் சிவசுப்ரமணியனை வெட்டுவதாக நினைத்து அடையாளக் குழப்பத்தில் வெற்றிவேலை கடுமையாக தாக்கியிருக்கிறார்கள். அவர்களை விரட்டியும் மந்திரி,கலெக்டர் சூழ வந்த பரிவாரங்களாலும் பிடிக்க முடியவில்லை. உடனே ஒரு காரில் ஏற்றி வெற்றிவேலை ஆஸ்பத்திரிக்கு கொண்டு போகாமல் ஆம்புலன்சுக்காக காத்திருந்து ரோட்டில் வெறுமனே நின்று வேடிக்கை பார்த்திருக்கிறார்கள்.தலைமைப் பண்பு கிஞ்சித்தும் இல்லாத மந்திரிகளும் கலெக்டரும்!வேடிக்கை பார்த்துவிட்டு மிகவும் தாமதமாக இருபது நிமிடங்களுக்குப் பின் ஒரு மந்திரியின் பாதுகாப்பு வாகனத்தில் குற்றுயிராய் இருந்தவரை ஏற்றி, அதன் பின் எதிரில் வந்த ஆம்புலன்சில் மீண்டும் மாற்றி .... வெற்றி வேல் இறந்து விட்டார்.

வெற்றி வேல் ரோட்டில் துடிக்கும்போது , எழமுயன்று தன்னைக் காப்பாற்ற சைகை செய்து இறைஞ்சியிருக்கிறார். ஒரு மந்திரியின் உதவியாளர் தண்ணீர் பாட்டிலை அவரிடம் நீட்டியவர், வெற்றிவேலிடம் இருந்து பொங்கும் குருதிப் புனல் கண்டு, தன் மேல் ரத்தம் தெளித்து விடக்கூடாது என்று ஒதுங்கிக்கொண்டாராம்.

இங்கே நிறைய ஸ்டீபனோக்கள்

2010-01-07T11:09:00.017+05:30

தமிழர்கள் பாக்கியசாலிகள்.

நல்ல பல அரசியல் விதூஷகர்கள் அவ்வப்போது தங்கள் விஷேச விசித்திர வித்தைகள் மூலம் தமிழர்களை மகிழ்விக்கிறார்கள் .

தமிழக கல்வெட்டு ஒன்று ஒரு எதிர் கால சரித்திர உண்மையை பூடகமாக சொல்கிறதாம்." மிக,மிக,மிக ஆடம்பரமாக திருமணம் செய்துகொண்டவர் தான் எதிர்காலத்தில் தமிழ் நாட்டை ஆளப் போகிறார் " இந்த கல்வெட்டு செய்தி சின்ன எம்ஜியார் சுதாகரனை மிகவும் உற்சாகப் படுத்திவிட்டது. " வேறு யார்! அப்ப நான் தான் எதிர்கால முதல்வர் " என தேவர் ஜெயந்தி அன்று கூட்டம் சேர்த்து அஞ்சலி செலுத்தி கலக்கி விட்டார் என கொஞ்ச வாரங்கள் முன் குமுதம் ரிப்போர்ட்டர் பத்திரிகை மூலம் அறிய நேர்ந்தது .

அய்யா திண்டுக்கல் சர்தார் அவர்கள் கல்வெட்டு ஆராய்ச்சிக்காக நிறைய நேரம் தன் வாழ்வில் அர்ப்பணிப்பு செய்து வருபவர் . அவருக்கு சின்ன எம்ஜியார் சுதாகர் கல்வெட்டு செய்தி பற்றி தெரியுமோ என்னவோ!

சின்ன எம்ஜியார் தான் எதிர்கால முதல்வர் என்றால் கருப்பு எம்ஜியார் கதி அதோ கதி தான். ஓஹோ! அதனால் தான் கருப்பு, 'மக்கள் - ஆண்டவன் கூட்டணி' வேண்டாமென்று ஒதுக்கிவிட்டு இனி அடுத்து வரும் பொதுத் தேர்தலில், ஏனைய அரசியல் கட்சிகளின் கூட்டணியில் ஐக்கியமாகி தமிழக துணை முதல்வர் ஆகிவிடும் முடிவுக்கு வந்திருக்கிறார் போலும் .

தாமரைக்கனி மகன் இன்பத்தமிழன் சென்ற மாதம் தன் தவறுகளுக்கு வருந்தி திமுகவிலிருந்து விலகி 'அம்மா தான் தெய்வம் ' என்று அண்ணா திமுகவில் இணைந்து ஒரு resurrectionல் இருக்கிறார்.

சின்ன எம்ஜியார்,கருப்பு எம்ஜியார்,ரித்தீஷ், என்.கே.கே.பி.ராஜா,இன்பத்தமிழன் என இன்றைய குறுநில மன்னர்கள் தான் தலைவர்கள்.

ரித்தீஷ், என்.கே. கே. பி.ராஜா, இன்பத்தமிழன், சின்ன எம்ஜியார் சுதாகரன் போன்றவர்கள் சகவாசம் சின்னக்கல்லை எடுத்து குண்டி துடைக்கிற வேலைக்கு ஒப்பானது என்பது திமுக, அண்ணாதிமுக தலைமைக்கு அனுபவப் பூர்வமாக தெரிந்த விஷயம். வெட்ட வெளியிலே வெளிக்கி போயிட்டு சின்னக் கல்லை எடுத்து குண்டி துடச்சா நரகல் கையிலே தானே ஒட்டும்! ஆனா இந்த சின்னத்தனமான ஆளுங்களுக்கு நல்ல டிமாண்டு. இன்பத் தமிழன் மாதிரி ஒரு சின்னக்கல்லு ஒரு கட்சியை விட்டு கோவிச்சுக்கிட்டு போனா இன்னொரு கட்சி உடனே,உடனே சேர்த்துக்குவாங்க! கையிலே ஒட்டுனா பரவாயில்ல!நாளைக்கு என்.கே.கே.பி ராஜா வை அண்ணா திமுக விலே கட்டாயம் சேர்த்துக்குவாங்க. கருப்பு எம்ஜியார் தே.மு.தி.க கட்சிய கூட்டணியில சேர்க்க திமுக, அண்ணா திமுக, காங்கிரஸ்,கம்யூனிஸ்ட், பிஜேபி எல்லா கட்சியுமே போட்டி போடுவாங்க!

இந்த தேசத்தலைவர் கார்த்திக் சிதம்பரம் பிறந்தநாள் மிகவும் பிரமாதமாக கொண்டாடப்படுகிறது.

ஷேக்ஸ்பியரின் Tempestல் வரும் பட்லர் ஸ்டீபனோ போன்ற விதூஷகத் தலைவர்கள்.

இளைய தளபதி விஜய் ரசிகர்கள் வேறு தவிப்பில்
On your marks..Get set... என தயாராய் இருக்கிறார்கள்!

'டெம்பஸ்ட் ' நாடகத்தில் ஸ்டீபனோவை கடவுளாக கொண்டாடும் காலிபன் எனப்படும் "ரசிக தொண்டன்" பித்தம் தெளிந்து சொல்வான்.

"What a thrice-double ass was I to take this drunkard for a god,
and worship this dull fool.

I will be wise hereafter, And seek for grace."

Kiss of the spider woman

2010-01-06T10:13:00.013+05:30

"இந்த ராஜநாயஹத்தைப் பற்றித்தான் "வீழ்ந்தாலும் லியர் மன்னன் மன்னன்தானே ?" என்று எழுதினேன்.குட்டிக் கதைகளில் Kiss of the Spider Woman பற்றி எழுதியிருந்தேன் அல்லவா, மனிதர் அந்த நாவலைப் பற்றியும், அது சினிமாவாக வந்தது பற்றியும் மணிக்கணக்கில் பேச ஆரம்பித்து விட்டார். "

-ராஜநாயஹத்தைப் பற்றி 'லியர் மன்னன் ' என்ற கட்டுரையில் சாரு நிவேதிதா

Manual Puig's “Kiss of the spider woman”-A 1976 novel of Psycho analytic theory of Homosexuality.

மானுவெல் பிக் வித்தியாசமான எழுத்தாளர். மரியோ வர்கஸ் லோசா இவர் பற்றி வியப்பாக சொல்வது ''எனக்கு தெரிந்த எல்லா எழுத்தாளர்களிலும் இலக்கியத்தில் பெரிதாய் ஆர்வமேதும் இல்லாதவர் மானுவேல் பிக் தான்.உரையாடலின் இடையே இலக்கிய விஷயமாக பேச்சு வரும்போது அவர் ரொம்ப 'போர்' அடிப்பது போல உணர்ந்து சப்ஜெக்டை மாற்றி விடுவார் ."

தமிழில் தி.ஜானகிராமன் கூட இலக்கிய விசாரம் செய்ய விரும்ப மாட்டார். சில எழுத்தாளர்கள் தங்கள் படைப்பு பற்றி மட்டும் எதிராளியிடம் விடிய விடிய பேசி உயிரை எடுப்பார்கள்.

அர்ஜெண்டினா சிறையொன்றில் மோலினா , வாலண்டின் என இரு கைதிகள் .மோலினா ஒரு homosexual.வாலண்டின் ஒரு புரட்சியாளன். அரசுக்கெதிரான தீவிரவாதி. Their relationship changes both of them in deep,significant ways.இருவரும் ஒருவரை ஒருவர் பரஸ்பரம் தங்களின் இயல்புகளில் ஆக்கிரமிக்க நேர்கிறது என்பதை மானுவெல் பிக் நாவலில் பேசுகிறார்.

The nicest thing about feeling happy is that you think you'll never be unhappy again.

பூவோடு சேர்ந்த நார் கூட நறுமணம் பெறும் என்றும் எதிர்மறையாக பன்றியோடு சேர்ந்த கன்றும் மலம் தின்னும் என்றும்
generalize பண்ணுகிற உலகம் இது.

மானுவெல் பிக் கின் புதிய கண்டெடுக்கப்பட்ட எழுத்து நுட்பம் காரணமாக லத்தீன் அமெரிக்க பின் நவீனத்துவ எழுத்தாளர் என உயர்த்தப் பட்டார்.

நாவலின் பெரும்பகுதி உரையாடல்களால் என்பதோடு, யார் பேசுவது என்பது பற்றிய மாறுதல் ஒரு சின்ன dash (-) மட்டுமே.

A master of narrative craftsmanship. Manuel Puig's 'Run on sentence' style.

1985ல் லத்தீன் அமெரிக்கத் திரைப்படமாக Kiss of the spider woman வெளிவந்திருக்கிறது.

பண்ணமிழ்தம்

2010-01-05T09:55:00.005+05:30

இன்று கேட்ட கீதங்கள்

கிட்டப்பாவின் பாடல்கள்

எல்லோரையும் போலவே - சுத்த சாவேரி

வேடிக்கையாகவே - முகாரி

நாளைப் போகாமல் இருப்பாரோ - சங்கராபரணம்

மதுரை சோமு பாடியது
என்ன கவி பாடினாலும் - நீலமணி ராகம்

மாலியின் புல்லாங்குழல்

தியாகய்யர் கீர்த்தனைகள்

சிவபாஹிமாம் - கல்யாணி ராகம்

அனுராகமுலேனி - சரஸ்வதி ராகம்

....

கர்நாடக சங்கீதத்தில் மொத்தம் எத்தனை ராகங்கள் உள்ளன. கூறவே முடியாது.
கனகாங்கி துவங்கி ரசிகப்ரியா வரை 72மேளகர்த்தா ராகங்கள். ஒவ்வொன்றும் ஒளடவ , ஷாடவ , சம்பூர்ண பேதங்களுடன் கூடியவை.

72x483 = 34,776.

இத்துடன் 72 சம்பூர்ண ராகங்களும் சேர்ந்து 34,848 என்று ஓரளவிற்குக் கூறலாம்.இதில் வக்கிர ராகங்கள் அடங்காது.மொத்தராகங்கள் இதற்கும் மேல் தான் இருக்கும் .

இசைப் பேரறிஞர் எஸ். ஆர்.ஜானகிராமன் பலவருடங்களுக்கு முன் இப்படி அபிப்பராயப் பட்டார்.

Carnal Thoughts-29

2010-01-04T16:34:00.020+05:30

சஸ்தி ப்ராதா (Sasthi Brata) எழுதிய சுயசரிதை "My God Died Young'' நாற்பது ஆண்டுகளுக்கு முன் எழுதப்பட்டது.

சஸ்தி ப்ராதா சிறுவனாயிருக்கையில் அவர் வீட்டில் வேலைக்காரன் ஒருவன், சிறுவன் சஸ்தியை homosexualஉறவுக்கு பயன் படுத்தியதை குறிப்பிடுகிறார்.

இந்தியாவில் Homosexuality பரவலானதில் கிறிஸ்துவ கல்வி நிறுவனங்களையும் காரணமாக சஸ்தி குறிப்பிடுவார்.மற்ற இரண்டு தளங்கள் ராணுவம், சிறைச்சாலை.

எழுபது ஆண்டுகளுக்கு முன்னரே கண்டு புதுமைப் பித்தன்

" புதிய நந்தன் ", "அவதாரம் " ஆகிய சிறுகதைகளில் கிறிஸ்தவ கல்வி நிறுவனங்களில் Homosexuality பற்றி எழுதியிருக்கிறார். புதுமைப் பித்தன் இறந்தே அறுபது வருடங்களுக்கு மேல் ஆகிறது.

புதிய நந்தன் சிறுகதையில்

பாவாடை என்ற தானியேல் ஜான் என்ற தோழர் நரசிங்கம் எனப்பட்ட புதிய நந்தனின் படிப்படியான evolutionபற்றி

"ரெவரண்ட் ஜான் ஐயர் வேளாளக் கிறிஸ்தவர்.

( புராட்டஸ்டன்ட் மதகுருக்களை ஐயர் என்று சொல்வார்கள் ) ஜான் ஐயருக்கு ஒரு பெண் உண்டு. மேரி லல்லி என்ற பெயர் . நல்ல அழகு...... பாவாடையிடம் ( தானியேல் ஜான் ) சிறிது பிரியம்.நட்பு வர காதலாக மாறியது. கிறிஸ்தவ சமுதாயத்தில் இந்துக்கொடுமைகள் இல்லையென்று ஜான்ஐயர் போதித்ததை நம்பி மனப் பால் குடித்த தானியேல் ஒரு நாள் ஐயரிடம் நேரிலேயே தன் கருத்தை வெளியிட்டான். ஜான் ஐயருக்கு வந்துவிட்டது பெரிய கோபம். " பறக்கழுதை,வீட்டை விட்டு வெளியே இறங்கு " என்று கழுத்தைப் பிடித்து நெட்டித் தள்ளினார்.

சுவாமியாராகப் போய் விடவேண்டுமென்று அடுத்து கத்தோலிக்க மதத்தை தழுவி,சுவாமியார் பரீட்சைக்கு தேர்ந்தெடுக்கப்பட்ட (Novice) நாவிஸ் ப்ரதராகி,
Fatherஞானப் பிரகாசம் மேற்பார்த்த மடத்தில் இரண்டு வருடங்கள் கழித்தான். சுற்றி நடக்கும் அபத்தங்களும், சில சுவாமியார்களின் இயற்கைக்கு விரோதமான இச்சைகளும், மனதிற்கு சற்றும் சாந்தி தராத இரும்புச்சட்டம போன்ற கொள்கைகளும் அவன் மனத்தில் உலகக் கட்டுப் பாடே பெரிய புரட்டு என்ற நம்பிக்கைகளைக் கிளப்பி விட்டன. அதனிடமும் விடைபெற்றுக் கொண்டு திரு ராமசாமிப் பெரியாரின் சுய மரியாதை இயக்கத்தில் ஈடுபட்டு விட்டான். பெரும் தீவிரவாதி. இப்போது தோழர் நரசிங்கம் என்ற பெயருடன் தனக்குத் தெரிந்த உண்மைகளை, அதில் பைத்தியம் பிடித்தது போல் பிரச்சாரம் செய்து கொண்டு வந்தான்."

"அவதாரம் '' சிறுகதையில் புதுமைப் பித்தன்

" ஈராயிர வருஷங்களாக மதப் பிரச்சாரமும் செய்து பழுத்து முதிர்ந்து போன ஒரு ஸ்தாபனத்தின் கோளாறுகள் அவனைத் திடீரென்று சந்தித்தன. ஒரு லட்சியமோ,கொள்கையோ இல்லாதவர்களும், அல்லது இலட்சியத்திலோ,கொள்கையிலோ நம்பிக்கையில்லாதவர்களும் பிரம்மச்சரிய விரதத்தை அனுஷ்டிக்க முயல்வதும், அனுஷ்டிக்கும்படி கட்டாயப் படுத்தப் படுவதும் ரொம்ப அபாயகரமான விஷயம். தீயுடன் விளையாடுவதாகும்.இது மனவிகாரங்கள் புகுத்தும் சுழிப்புகள். அந்த மனிதனுக்கு ஆபத்தை விளைவிப்பதுடன் நின்று விடாமல் ஸ்தாபன பலத்திற்கே உலை வைத்து விடுகின்றன.

இசக்கிமுத்துக்கு ஏழாவது வகுப்பில் ஏற்பட்ட பெர்னாண்டஸ் சாமியார் விபரீத ஆசையைக் கொண்டவர். பையனுடைய அழகு அவருடைய நேர்மையற்ற காம விகாரத்திற்கு இலக்காகியது. பையன் திடுக்கிட்டான். தலைமைச் சாமியாரிடம் ஓடித் தெரிவித்தும் நிவாரணமோ ஆறுதலோ கிடைக்க வழியில்லாமல் போக, சிறுகுழந்தைத்தனத்தின் அனுபவ சாத்தியமற்ற முறைகளைக் கையாண்டு பள்ளிக் கூடத்திலிருந்து விரட்டப்பட்டான்."

"ஆமென் " ஒரு கன்யாஸ்த்ரீயுட ஆத்மகதா சுயசரிதை ( Amen-An Autobiography of a nun) சென்ற பிப்ரவரி 2008ல் வெளிவந்த நூல். புதுமைப் பித்தன் ' அவதாரம் ' கதையில் இசக்கி முத்து - பாதிரி பெர்னாண்டஸ் சம்பவத்தில் தலைமைச்சாமியாரிடம் ஓடித் தெரிவித்தபோதும் நிவாரணமோ ,ஆறுதலோ கிடைக்க வழியில்லாமல் போனது போல சிஸ்டர் ஜெஸ்மியுடைய நிஜ அனுபவம் இருக்கிறது. Eternal recurrence of the same event!

சிஸ்டர் ஜெஸ்மியை ஒரு சக கன்யாஸ்த்ரீ lesbianஉறவுக்கு வற்புறுத்தியபோது மூத்த கன்னியாஸ்த்ரீயிடம் கம்ப்ளைன்ட் செய்திருக்கிறார். ஆனால் ஜெஸ்மியின் கம்ப்ளைன்ட் IGNORE செய்யப் படுகிறது .

புதுமைப்பித்தன் எழுத்தின் நுட்பம்,சாசுவதத்தன்மையை பாருங்கள்!

Carnal Thoughts-28

2010-01-02T11:05:00.014+05:30

Nihita's Love and Carnal desire!

எம்ஜியார் பெரிய திருடனாக நடிக்கும் படங்களில்,திருட்டுப் பழி,கொலைப் பழி விழுந்து போலிஸ் துரத்தினாலும், சிறையில் போட்டாலும் கதாநாயகி சரோஜா தேவி உருக்கமாக " ஒருநாள் இரவில் கண்ணுறக்கம் பிடிக்கவில்லை ......என் இறைவன் திருடவில்லை " என்று பாடுவார். " உறவு சொல்ல ஒருவன் இன்றி வாழ்பவன் ...நெஞ்சில் இரக்கமுள்ள திருடனாக ஆனவன்" என்று நடனமாடுவார்.

சினிமாவைப் பொறுத்தவரை இது எவர் கிரீன் சுப்ஜெக்ட்.

அயோக்கியனை விரும்பும் பெண்!

அஜீத் - ஷாலினி "அமர்க்களம் ",

ஜீவா - நயன்தாரா " ஈ ".

இந்த சௌத்திரி மகன் ஜீவா அற்புதமான நடிகன். நம்பிக்கை நட்சத்திரம்!

நேபால் நாட்டில் ஒரு பெண் வக்கீல். இவர் மகள் நிஹிதா பிஸ்வாஸ். நிஹிதாவுக்கு இருபது வயது. சிறையில் ஒரு கைதி.அவனுக்கு 64 வயது.

Serial killer! The Bikini Killer! International Criminal!

அவ்வப்போது கைதிகளை சந்திக்க அனுமதி கொடுப்பார்களே.இவனை சிறையில் அப்படி சந்தித்திருக்கிறாள். என்ன சில சில இருபது நிமிடங்கள்.

சோப்ராஜ்,நிஹிதா இருவரும் சென்ற அக்டோபர் மாதம் சிறையிலே நடந்த நேபால் நாட்டு " பட தஷைன் " திரு விழாக் கொண்டாட்டத்தின் போது திருமணம் செய்துகொண்டார்கள்!இதற்கு அவளுடைய சகோதரனும், தாயும் அன்று full support. வக்கீலும்,தாயுமானவள் சகுந்தலா!

பன்னிரண்டு முதல் இருபத்திநான்கு பேரை கொன்றிருப்பான் அந்த சீரியல் கொலைகாரன் என குழப்பமாகத்தான் கணித்திருக்கிறார்கள் . பல பெண்களை நீச்சல் உடையிலே கொன்ற Bikini Killer!

1975-1976 வருடங்களில் தாய்லாந்து, நேபால், இந்தியா, மலேசியாவில் தான் அத்தனை கொலைகளையும் செய்திருக்கிறான்.இந்தியாவிலிருந்து 1997ல் விடுதலையாகி பிரான்ஸ் சென்றவன் 2003 ல் காத்மாண்டு வீதி ஒன்றில் ஒரு பத்திரிகை நிருபர் கண்டுபிடித்ததால் நேபால் சிறையில் இன்று இருப்பவன்.

தன் வாழ்க்கையை படமாக்க உரிமை வழங்கி 15 மில்லியன் டாலர் பெற்றவன் என சொல்லப்படுகிறது .

பெண்களை ஈவு இரக்கமில்லாமல் கொன்றவனை எப்படி ஒரு இருபது வயது பெண் விரும்பி மணக்கிறாள் . Loving and marrying a killer with approval of a mother looks a bit fishy!

அந்த கொலைகாரன் சோப்ராஜ்! சார்லஸ் சோப்ராஜ்!இந்திய ஆணுக்கும், வியட்நாமிய பெண்ணுக்கும் பிறந்த சோப்ராஜ் ஒரு பிரஞ்சு குடிமகன். ஏற்கனவே இரண்டு முறை திருமணம் செய்துகொண்டவன். இவனுடைய மனைவிமார் பிரான்சில் ஒருத்தியும் ஆஸ்த்ரேலியாவில் இன்னொருத்தியும் இருக்கிறார்கள்.

ஒரு கிரிமினல் இந்தியாவில் செய்தி ஊடகங்களால்மிகவும் பிரபலப்படுத்தப் பட்டான் என்றால் அவன் சோப்ராஜ் தான். 1986ல் மார்ச் மாதம் 16 ம்தேதி டெல்லி திகார் சிறையிலிருந்து தப்பித்த நாள் துவங்கி..........21வது நாள்

அடுத்த ஏப்ரல் மாதம் அவன் பிறந்த நாளான ஆறாம் தேதியன்று அன்று கோவாவில் ஒரு ரெஸ்டாரண்டில் இன்ஸ்பெக்டர் மதுகர் ஷிண்டே " சோப்ராஜ் " என்ற கையைப் பிடித்த போது “What Shobraj? Is this the way you treat your foreign tourist? Very unfair” என்று கூலாக கேட்டவன். சிக்கும்போது கூட பதறாமல் கேட்டவன்.அவனை கைது செய்து கொண்டு செல்லும்போது இன்ஸ்பெக்டர் ஷிண்டே யைப் பார்த்து " ரிலாக்ஸ் ஆக இருங்க. நான் ஜெயிலில் இருந்து தான தப்பிப்பவன். போலிஸ் கஸ்டடியில் இருந்து தப்ப மாட்டேன்!" என்று ஆறுதல் சொன்னவன் சோப்ராஜ்." நான் எதுக்கு பணத்துக்காக கொலை செய்யணும். என் புத்தகங்களின் ராயல்டியே எனக்கு போதும்."

அவன் திகார் சிறையில் இருந்து தப்பித்ததற்கு காரணம் உண்டு. பத்து வருடமாக அப்போது சிறையில் இருந்து விட்ட காலம்.விடுதலையானால் தாய்லாந்திற்கு அனுப்பபடவிருந்தான். அங்கே நிச்சயம் அவனை தூக்கில் இட்டுவிடுவார்கள் என தெரியும். அதனால் இந்தியாவில் கைதியாய் தொடர அந்த தப்பித்தல் சாகசத்தை செய்தான்.

1986ல் இந்தப் பெண் நிஹிதா நேபாளத்தில் பிறக்கவே இல்லை. தன்னை விட 44 வயது மூத்த பெரிய கொலைகாரனை மணந்து கொண்டதாக சொல்லி " அவர் நல்லவர் " என்றும் உற்சாகமாக பேசுகிறாள்.
"I don't know what he was—what he is now is important. He is a good man. ''

"I am mature enough to decide for myself. Age does not make a difference."

What is Nihita's Aim? Sex or Limelight?

Criminals are creative artistsஎன்பதற்கு சிறந்த உதாரணம் சோப்ராஜ் என்பதால் இதுவும் அவனுடைய mastermindவேலையாயிருக்குமோ என்று உலகத்தையே குழம்ப வைத்துக்கொண்டிருக்கிறான்.

எத்திக்கினிலும் ...

2009-12-31T10:04:00.011+05:30

"கல்லானாலும் கணவன் , புல்லானாலும் புருஷன் " நோய்க்கூறுள்ள இந்திய பாரம்பரியத்தில் வந்த பெண்கள் . . .!

முன்னாள் ஹரியானா டி.ஜி.பி S.P. S. ரத்தோர் மனைவி அபா தான் கணவனுக்கு வக்கீல். "ருச்சிகாவின் துயரம் முழுவதும் தன் கணவன் சம்பந்தப்படாத விஷயம்.ஜோடிக்கப்பட்ட கதை "என்று அபா சொல்லுகிறார். ஆலிவர் கோல்ட்ஸ்மித் சொன்னான்- “Ask me no questions, and I'll tell you no fibs.”

எந்த வழக்கிலும் குற்றவாளிக்கு வக்கீல் தேவை தான். ஆனால் ரத்தோர் க்காக வாதாட அவர் மனைவியே வந்துள்ள விஷயம்..... It is the height of Irony!

"Fibbing is not acceptable, even if you don't call it lying"

கெட்ட சதிக்குணத்தான் பல மாயம் செய்த வல்லோன் ரத்தோர்

14 வயது ருச்சிகா கற்பழிக்கப்பட்டு 19 வருடங்கள் ... தற்கொலை செய்துகொண்டு 16வருடங்கள் ....

சக்கரத்தைஎடுப்பதொரு கணம்

தருமம் பாரில் தழைத்தல் மறுகணம் !

பாரதி ஏங்கினான்.

....

Excessive enthusiasm, unreasoning zeal.

விஷ்ணுவர்தன் இறுதி ஊர்வலத்தில் ரசிகர்கள் ரகளை - விஷ்ணுவர்தன் மனைவி நடிகை பாரதிக்கு கல் வீச்சில் காயம். The worst vice of the fanatics is their sincerity. In the history of mankind,Fanaticism has caused more harm than vice. சினிமா நடிகர்களின் ரசிகர்கள் ரொம்ப அபாயகரமானவர்கள்.

அரசியல் தொண்டர்களும் தான்.

தத்துவம் கேள்விகளாலானது

2009-12-30T12:19:00.010+05:30

Deep-rooted gender biasஎன்பதாக விவாதங்கள் நிறைய நடக்கிறது.

பிலாசபி என்பதில் பெண் தத்துவமேதை என பெரும்பாலும் கிடையாது. ஓரிருவர் இருக்கிறார்கள்.
“Second Sex” எழுதிய பெண் தத்துவவாதியும் பெண்ணியவாதியுமான சிமோன் திபுவோ (Simon de Beauvoir) பால் பிரிவினையையே ஒத்துக்கொள்ள மறுத்தார்.
சிமோன் திபுவோ Female nature என்பதாகவும் Male natureஎன்பதாகவும் கருதப்பட்ட இருமை எதிர்வுகளை நம்பவில்லை. மாறாக ஆண்களும் பெண்களும் இந்த உள்ளார்ந்த மனச்சாய்வுகளில் அல்லது இலட்சியங்களில் இருந்து தங்களைத் தாமே விடுவித்துக்கொள்ளவேண்டும் என நம்பினார்.

மனிதன் யார்? மனித இயல்பு என்ன? இதன் மீதான விசாரணை தத்துவ உலகில் காலம் காலமாக நடந்து வருகிறது. அப்படி 'நிரந்தர மனித இயல்பு ' என்று எதையும் தீர்மானிக்கமுடியாது என நம்பினார் சார்த்தர். “We are condemn to improvise!”மனிதர்கள் மேடைக்கு இழுத்து வரப்பட்ட நடிகர்கள். ஸ்க்ரிப்ட் கிடையாது. இயக்குனர் யாருமே கிடையாது. நாமே தான் நம் கதாப் பாத்திரத்தை தீர்மானிக்கவேண்டும். We are condemn to improvise.அர்த்தமே இல்லாத உலகவாழ்வில் முற்றிலும் அந்நியமாகிப் போகும் மனிதன். இதன் காரணமாக ஒரு ennuiவில் சிக்கிவிடுகிறான். Man has no basic nature to fall back on.

ஜோஸ்டீன் கார்டர் எழுதிய நாவல் Sophie's world ஒரு reference bookஎன்று சொல்லவேண்டும். தத்துவத்துறை பற்றிய வரலாறு Sophie's world.

Who we are? Why we are here?Will there still be something that every body needs?

It is easy to ask philosophical questions than to answer them. மாற்றி சொல்வதானால் கேள்விகள் தான் தத்துவம்.

ஆல்பர் காம்யு தன் “The Fall” நாவலில் பல தத்துவக் கேள்விகளை அதனால் தான் வைத்தான்.

திருமண பந்த சங்கிலி

2009-12-29T10:21:00.026+05:30

ஜெமினி கணேசனுக்கு இரண்டு பெண்குழந்தைகள் பிறந்த பின் ( மூன்றாவது பெண்ணுக்கு ஹிந்தி நடிகை ரேகா வயது தான் . சர்ச் பார்க் கான்வென்டில் இருவரும் ஒன்றாக படித்தார்கள்.நான்காவது பெண் ஜிஜி கூட ரொம்ப பின்னால் தான் பிறந்தவர் ) புஷ்பவல்லியுடன் affairஏற்பட்டது .புஷ்பவல்லிக்கு முன் மனைவி பாப்ஜி தவிர வேறு பெண்களை தொட்டதே கிடையாது என ஜெமினி சொன்னார்.
1940களின் பின்பகுதியில் புஷ்பவல்லி பெரிய திரை நட்சத்திரமாய் இருந்த காலத்தில் ஜெமினி அவர் பெயருக்கு காரணமான ஜெமினி ஸ்டுடியோவில் உத்தியோகம் பார்த்தவர்.அதோடு சினிமாவில் (புஷ்பவல்லி கதாநாயகியாய் நடித்த படத்தில் கூட)அப்போது ஜெமினி கணேசன் சிறு சிறு கதாபாத்திரங்களில் நடித்துக்கொண்டிருந்தவர்.

1952ல் செப்டம்பர் 22தேதியில் பீச்சில் ஏற்கனவே தனக்கு நன்கு அறிமுகமுள்ள நடிகை புஷ்பவல்லியை சந்திக்க நேர்ந்தது அவர் வாழ்வையே புரட்டிப்போட்டது. புஷ்பவல்லி ஜெமினியிடம் தன் குடும்பப் பிரச்சினைகளைப் பற்றி பேசினார். (புஷ்பவல்லிக்கு ஏற்கனவே அப்போதே ஒரு மகன் பாபுஜி.இந்த பாபுஜி பின்னால் குட்டி பத்மினியின் அக்காவை மணந்தார் . வியட்நாம் வீடு படத்தில் சிவாஜியின் மகளுக்கு காதலனாக நடித்தார்.)

ஜெமினியின் காரை புஷ்பவல்லி ஓட்டிப் பார்க்க விரும்பினார். காரை ஓட்டிப் பார்த்த புஷ்பவல்லியை ஜெமினி அன்றே ஓட்டி...

அதிகாலை மனைவி பாப்ஜி வீட்டில் திண்ணையில் குற்ற உணர்வுடன் வந்து படுத்துக்கிடந்தார் . பாப்ஜி வெகுளியாய் ஜெமினியின் தாயாரிடம் " அம்மா! உங்க பிள்ளைய பாருங்க இங்கே!"

தான் மெம்பராய் இருந்த கிளப் ஒன்றிற்குப் போய் மூன்று நாட்கள் அங்கேயே கிடந்தார். புஷ்பவல்லி அவரை தேடி அழுதுகொண்டே வந்தார்."உங்களை எங்கே எல்லாம் தேடுவது?"

அப்படி ஏற்பட்ட உறவில் தன் தாய், மனைவி, இரண்டு பெண் குழந்தைகளோடு ஒரு Distance வந்துவிட்டது . புஷ்பவல்லி Very possessive lady! புஷவல்லிக்கு இரண்டு பெண்குழந்தைகள். ரேகா,ராதா. சாவித்திரியை வீட்டுக்கு கூட்டிவந்த போது விளையாட்டாக புஷ்பவல்லி " சாவித்திரியையும் கட்டிக்கங்க " என்று சொன்னபோது வானத்திலிருந்து முப்பத்து முக்கோடி தேவர்களும் "ததாஸ்து " என்று சொல்லிவிட்டார்கள். ஆனால் விஷயம் சீரியஸ் ஆகி சாவித்திரி ஜெமினியுடன் இணைந்த போது அதை கடுமையாக எதிர்த்தவர் புஷ்வல்லி தான். வாகினி ஸ்டுடியோவில் சாவித்திரி மீது காரை ஏற்ற முயற்சிக்கிற அளவில் கடுமையான கோபம். சாவித்திரி பிணைப்பு அதிகமானவுடன் புஷ்பவல்லி குடும்பத்தை விட்டு ஜெமினி ஒதுங்கினார். ஒதுங்குதல் என்பதை விட புஷ்வல்லிக்கும் ஜெமினிக்கும் கடும்பகை அப்போது ஏற்பட்டு விட்டது என்று தான் சொல்லவேண்டும். சாவித்திரிக்கு இரண்டு குழந்தைகள். விஜயசாமுண்டீச்வரி , சதீஷ். சாவித்திரியுடன் கருத்து வேறுபாடு வந்த பின் வந்த 'பாமா விஜயம் ' ராஜஸ்ரீ கொஞ்சம் வித்தியாசமாக ஒரு நிபந்தனை விதித்தார். ' உங்கள் முதல் மனைவி பாப்ஜியை விவாக ரத்து செய்து விடுங்கள்.'ஜெமினி இந்த நிபந்தனை ஏற்படுத்திய கடுப்பில் " என் மனைவியின் பெயரை உச்சரிக்கக்கூட உனக்கு யோக்கியதை கிடையாது " என கடுமையாக ராஜஸ்ரீயிடம் சொல்லி விட்ட பின் அந்த உறவு அறுந்தது.

1970 களின் மத்தியில் ஜெமினியின் வீட்டிற்கு கமல் ஹாசன் தான் ஹிந்தி நடிகை ரேகாவை விருந்தாளி (!)யாக அழைத்து வந்து இன்ப அதிர்ச்சி கொடுத்தார்.

சாவித்திரி இறந்த போது புஷ்பவல்லி அந்த சாவுக்கு வந்திருந்தார்.

பாப்ஜியின் நான்கு மகள்கள், புஷ்பவல்லி யின் இரண்டு மகள்கள் , சாவித்திரியின் மகள் எல்லோரும் சேர்ந்து க்ரூப் போட்டோ எடுத்துக்கொண்டார்கள்.சதீஷ் ஜெமினியின் வீட்டில் கொஞ்ச நாள் இருந்திருக்கிறார். ஜெமினி கணேசன் 64வயதில் துப்பாக்கியால் தற்கொலை முயற்சி மேற்கொண்டதற்கு சாவித்திரி மகன் சதீஷ் குறித்த சர்ச்சை தான் காரணம் என்று ஹேஸ்யம் உண்டு .

ராஜஸ்ரீ உறவும் கசந்து பத்து ஆண்டுகளுக்குப் பின் சாவித்திரியின் மறைவுக்கும் பின் சிலவருடங்கள் கழிந்து, ஜெமினி ஒரு பேட்டியில் சொன்னார்." இவ்வளவு வருடங்கள் கழித்து எனக்கு ஒரு உண்மை புரிகிறது. என் முதல் மனைவி பாப்ஜியைத் தான் நான் மிகவும் காதலிக்கிறேன் என்கிற விஷயம் இவ்வளவு ஆண்டு கால வாழ்வுக்குப் பின் தான் தெரிகிறது ."

ஆனால் அதற்கும் பல ஆண்டுகளுக்குப் பிறகு 78 வயதில் ஜூலியானா வை திருமணம் செய்து கொண்டு அந்தப் பெண்ணிடம் அடியும் வாங்கினார்.

திருமண பந்த சங்கிலி கனமானது என்பதால் தான் அதனை இழுக்க ஆணும் பெண்ணுமாக இருவர் தேவைப் படுகிறது. ஆனால் மிகவும் கனமானது என்பதால் சில சமயம் மூன்றாவது பெண்ணும் வந்து விடுகிறாள் போலும்.சில சமயம் பெண்ணுக்கு கூட ஒரு ஆணோடு இன்னொரு ஆண் வர நேரிடுகிறது.

The chain of Matrimony is so heavy, it takes two to carry it.
Sometimes ...three.. four.. five!

ஜெமினியுடன் திருமண பந்த சங்கிலியை இழுத்த ஐந்து பெண்கள்!

ரோஹித் அம்மா விஷயம் உண்மையென்றால் ஆறு பெண்கள்.

இந்த நேரத்தில் லா .ச .ரா நினைவும் வருகிறது . லா.ச .ரா வின் மனைவியும் ஜெமினி மனைவி பாப்ஜியும் கசின்ஸ். பாப்ஜியின் துயர தாம்பத்தியத்தின் மீது லா.ச.ரா அனுதாபம் கொள்வது இயல்பான விஷயம் தான்.
ஆழ்வார்குறிச்சி பரம கல்யாணி கல்லூரியின் முன்னாள் முதல்வர் மறைந்த லக்ஷ்மி நாராயண அய்யங்காரிடம் லா .ச .ரா அவர்கள் ஜெமினி பற்றி சொன்னாராம் :
" நான் கேரக்டர் இல்லாத மனிதனை மதிப்பதே இல்லை. "

ஆனால் லா.ச.ரா 'அபிதா 'நாவல் (ELECTRA COMPLEX) எழுதியவர் தானே! காதலியின் மகள் மீது கொள்ளும் Eroticism!

தி.ஜானகிராமன் எழுத்து?படைப்புகள்?

தத்துவம், ஒழுக்கத்தின் விதிகள் இவற்றைத் தாண்டி உணர்வு நிலைகள் தான் வாழ்க்கையைத் தீர்மானிக்கின்றன.

இப்படி திஜாவின் கதைகளுக்கு சுந்தரராமசாமி விளக்கம் தந்திருக்கிறார்.

'திஜா தத்துவம்,ஒழுக்கத்தின் விதிகள் இவற்றைத் தாண்டி உணர்வு நிலைகள் தான் வாழ்க்கையைத் தீர்மானிக்கின்றன என்று நம்பியவர். மனிதனின் பிறழ்வையும் ,தத்தளிப்பையும் அனுதாபத்துடன் பார்த்தவர். இன்று வரை வந்த எழுத்தாளர்களில் வசீகரமானவர் தி ஜானகிராமன் ' என ஜானகிராமனின் எழுத்தைப் பற்றி மதிப்பிட்டார்.

Illegetimate child

2009-12-28T16:47:00.022+05:30

'ரஷிய கம்யூனிசம்' என்பது கார்ல் மார்க்சுக்கு பிறந்த illegetimate child என்று அந்நாளில் முன்னாள் இங்கிலாந்து பிரதமர் கிளெமென்ட் ஆட்லீ தாக்கினார்.

பழைய ஹாலிவுட் படம் “A man for All Seasons.” இதில் ஒரு Witty dialogue.
“Every second bastard born is fathered by a priest.”

தேவ குரு என்ற பிரகஸ்பதி தன் சகோதரன் மனைவியுடன் கள்ள உறவு கொண்டதன் மூலம் பிறந்தவர் தான் பரத்வாஜ முனிவர். துரோணரின் மூதாதை பரத்வாஜ முனிவர்.

தாஸ்தயேவ்ஸ்கி யின் கரமசோவ் சகோதரர்கள் நாவலில் இந்த சகோதரர்களின் அப்பா பியோதருக்கு ஒரு illegetimate sonஉண்டு. பியோதரிடம் சமையல் வேலை செய்கிற வேலைக்காரனாக இருப்பான் அந்த முறை தவறிப் பிறந்த மகன் பாவல் ஸ்மார்டியாகோவ் .

சமீபத்தில் ஆந்திர playboy கவர்னர் 'என்.டி. திவாரியின்illegetimate child நான் ' என 29வயது டெல்லி லாயர் ஒருவர் தன்னைப் பற்றி கூறினார். அவர் பெயர் ரோஹித். நீதிமன்றத்தில் வழக்கும் தொடர்ந்தார். பத்து வருடம் முன் மேஜர் ஆன உடனே வழக்கு தொடராமல் இப்போது தாமதமாக தொடரப்பட்ட வழக்கு என நீதிமன்றத்தில் ரோஹித் வழக்கு தள்ளுபடி செய்யப்பட்டு விட்டது.

இருபத்தைந்து வருடங்களுக்கு முன் சிங்கப்பூரில் இருந்து சென்னை வந்த ஒரு இளைஞன் ' ஒரு மாணவி என் காதலி ' என்ற படத்தில் கதாநாயகனாக நடித்தான். அந்த இளைஞனின் பெயர் கூட ரோஹித் தான் ! அந்தப் படம் வெளி வரவே இல்லை. ஆனால் அவன் வேறு ஒரு விதமாக பிரபலமானான். " ஜெமினி கணேசன் என் தந்தை. என் தாயார் லண்டனில் ஒரு டாக்டர். அவருடன் ஜெமினி கணேசனுக்கு ஏற்பட்ட காதலில் நான் பிறந்தவன்.ஜெமினி கைவிட்டதால் என் தாயார் மனநிலை பாதிக்கப்பட்ட நிலைக்கு ஆளானார் " என வலம்புரி ஜான் ஆசிரியராய் இருந்த
' தாய்' பத்திரிகையில் பேட்டி கொடுத்தான். ஜெமினி இதை"அப்பட்டமான பொய்.நான் அவனில்லை " என வன்மையாக மறுத்தார். உடனே அந்த இளைஞன் " சிங்கப்பூரில் எனக்கு நிறைய சொத்து இருக்கிறது. நான் சொத்துக்காக ஜெமினியின் மகன் என பொய் சொல்லவில்லை.என் நண்பர்களிடம் என்னைப் பற்றி கேட்டுப் பாருங்கள். Rohit is a gemஎன்று சொல்வார்கள். நான் ஜெமினிக்கு பிறந்தவன் என்பது உண்மை " என்று வலியுறுத்தி மீண்டும் சொன்னான். ஏனோ அதன் பிறகு அந்த விஷயம் பற்றி வேறு எந்த செய்தியும் வெளிவரவே இல்லை.

அன்றைக்கு ஜெமினி வாழ்வில் ஒரு ரோஹித். இன்றைக்கு திவாரி வாழ்வில் வேறொரு ரோஹித்! பெயர் ஒற்றுமை ஒரு coincidence!

நாற்பது வருடங்களுக்கு முன் ' சாவன் பாதன் 'இந்தி படத்தில் நடித்த ரேகா பேட்டி கொடுத்தார். " என் தந்தை பிரபல தமிழ் நடிகர். "
இதில் பெரிய ரகசியம் ஏதும் இல்லை. சினிமாப் பத்திரிகை நிருபர் ஒருவரிடம் உடனே ஜெமினி கணேசன் நாற்காலியை திருப்பிப்போட்டு உட்கார்ந்து " ஆமாம் பிரதர்! புஷ்பவல்லி யும் நானும் காதலித்து ஒன்றாக வாழ்ந்த போது பிறந்தவள் தான் ரேகா! நாங்கள் டைவர்ஸ் செய்துகொள்ளத்தேவையில்லாமல் போய்விட்டது. ஏனென்றால் நானும் புஷ்பவல்லியும் கணவன் மனைவியாக வாழ்ந்தாலும் திருமணம் செய்துகொள்ளவே இல்லை." என்று கூலாக சொன்னார்!

“There are illegetimate parents,
but I don't believe there are any illegetimate children.”
-Rick Warren

Carnal Thoughts-27

2009-12-28T10:07:00.015+05:30

Erotic urges

Eroticism is assenting to life even in death.
Man goes constantly in fear of himself.
His erotic urges terrifies him.
- George Bataile, Author of “ Story of the Eye”

Current Sex Scandels

இத்தாலிய பிரதமர் பெர்லுஸ்கோனி - வயது 73.
"I can confirm that the Christian values pronounced by the Pope are
always present in my action.”

Golfவிளையாட்டு வீரன் டைகர் வுட்ஸ் - வயது 34 .
"I have let my family down.I will strive to be a better person and the husband and father that my family deserves. "

ஆந்திர முன்னாள் கவர்னர் என்.டி.திவாரி - வயது 84.
“It is nothing but a tissue of lies.” “I apologize but I have done no wrong.”

கர்நாடகாவின் புதிய மந்திரி ரேணுகாச்சார்யா-வயது 55.
Renukacharya was not available for comment.

Global Sustained Physical process!

A life full of sweet stupidities!

2009-12-26T10:15:00.009+05:30

One of the first truly dissent voices to emerge in French poetry.

The poet who stopped writing poetry!

ரைம்போ - A White nigger.

"My life was nothing but sweet stupidities! "

"Ah! To return to life! To stare at our deformities. "

ஆர்தர் ரைம்போ முழங்காலில் புற்று நோயால் 37வயதில் இறந்த பின் தான் அவன் சகோதரி இசபெல் ஒரு உண்மையை அறிய நேர்ந்தது. தன் சகோதரன் ஒரு கவிஞன் என்பதை அவள் ரைம்போவின் மரணத்தில் தான் தெரிந்து கொண்டாள்.

ரைம்போ சிறுவனாக இருக்கும்போதே ஊர் சுற்றக்கிளம்பிய Boy genius! An infant Shakespeare! Baby of the French poets!
உடல் இச்சையை மறுத்த கிருஸ்துவத்தை வெறுத்தவன். தன் பெற்றோரை வெறுத்தவன்.
“You,my parents, have ruined my life, and your own.”

பிரஞ்சு கவிஞன் வெர்லைன் தன் கருவுற்ற மனைவி பாரிசில் தன் தகப்பன் வீட்டுக்கு சென்ற போது ரைம்போ வை தன்னுடன் வாழ அழைத்தான். அப்போது ரைம்போவுக்கு 17வயது .வெர்லைன் 27 வயது இளைஞன். அதன் பின் இருவரும் காதலர்கள் ஆகி விட்டார்கள். வெர்லைன் தன் மனைவியை திட்ட ஆரம்பித்தான்.
The devastating love affair of Verlaine and Rimbaud...
there were reestablishing of cordial relations and partings with wife Mathilde and Partings and reconciliations with Rimbaud.
சுருக்கமாக சொன்னால் வெர்லைன் தாம்பத்தியம் ஒரு சர்க்கஸ் போல ஆகிவிட்டது. ஒரு கட்டத்தில் வெர்லைன் துப்பாக்கியால் ரைம்போவை சுட்டு விட்டு ஜெயிலுக்கு போனான்.

ரைம்போவின் Bad Blood

“Does this farce has no end?
My innocence is enough to make me cry. Life is the farce we all must play.”

"Where we are going? To battle? I am weak!
The others go on ahead..tools...weapons..
give me time."
"Fire! Fire at me! Here! Or I 'll give myself up!
..Cowards! I will kill myself. I'll throw myself beneath the horses hooves! Ah!
I ll get used to it.
That would be the French way, the path of honor! "

Night in Hell
I will tear the veils from every mystery...
mysteries of religion or of nature, death, birth,the future,the past,
cosmogony and nothingness,
I am a master of Phantasmagoria.

இறந்து கிட்டத்தட்ட 80வருடங்களுக்குப் பின் ஆர்தர் ரைம்போ 1968ல் பிரஞ்சு கலகக்கார மாணவர்களால் வழி பாட்டுக்குரிய புரட்சிக்காரனாக ஏற்றி உயர்த்தப் பட்டான்.

ஆர்தர் ரைம்போவாக லியோனார்டோ டி கேப்ரியோ நடித்து
Total Eclipse என்ற படம் 1995 ல் வெளிவந்திருக்கிறது. ரைம்போ-வெர்லைன் இருவருக்கிடையேயான வன்மையான உணர்வுப்பூர்வமான ஓரின உறவைப் பற்றிய படம்.

kanapraba to scanman

2009-12-25T17:17:00.004+05:30

November 7, 2009

சேலத்திலிருக்கும் scanman :மக்களே, பத்தி எழுவது என்றால் என்ன? அந்த வார்த்தை அவ்விதமான எழுத்தை கேலி செய்வதுபோல் உணர்கிறேன், உண்மையா? முடிந்தால் சுருக்கமாக விளக்கவும்

ஆஸ்ட்ரேலியா ,சிட்னியிலிருக்கும் kanapraba : பத்தி எழுதுவதற்கு சிறந்த உதாரணம் ராஜநாயஹம் எழுதிய பெரும்பான்மை பதிவுகள் http://rprajanayahem.blogspot.com/

மாய யதார்த்தம்

2009-12-24T12:53:00.009+05:30

A realistic setting is invaded by something too strange to believe.

"காட்டில் திரியும் வேங்கை நிலவில் மரத்தில் நகத்தை ஆழப் பதித்து விட்டுப் போய் விடுகிறது . அதைப் பின்னரோ மறுநாளோ பார்த்த பிராணி கிலி பிடித்து உயிரை விட்டு விடுகிறது!வேட்டையாட வேண்டிய கஷ்டமில்லாமல் உணவு "

-ந. பிச்சமூர்த்தி ' பஞ்சகல்யாணி ' கதையில் புலியின் புத்திசாலித்தனமான உணவுத் தேடல் பற்றி. The peculiar attitude on the part of tiger towards it's prey!

இங்கே புலி மரத்தில் வரைகிறது .

கோவையிலுள்ள தென் பாண்டியன் கவிதை ஒன்று இந்த டிசெம்பர் மாத 'உயிரெழுத்து' பத்திரிகையில். கவிஞன் வரையும் மரம். வரைந்த பின் பறந்து விட்ட பறவைகள் மீண்டு வந்து அமர்ந்த மரம். Illogical Scenerio!

COLERIDGE FORMULAவுக்கு உதாரணம்.

Willing Suspension of Disbelief in constituting the poetic faith.

Justification of the use of fantacy and non-realistic elements in creative writing.
பறவைகளை வழி நடத்து

பறவை ஒன்றை வரையத் துவங்கினேன்

வரைந்து முடிந்ததும்

அது பறந்து விட்டது

மீண்டும் ஒரு பறவையை

வரைந்தேன்

அதுவும் பறந்து விட்டது

நான் வரைந்துகொண்டே இருந்தேன்

அவைகள் பறந்து கொண்டே இருந்தன

இறுதியாக மரம் ஒன்றை

வரைந்து முடித்தேன்

பறந்து போன அத்தனை

பறவைகளும் வந்து

அமர்ந்து கொண்டன.

பொறி சிந்தும் வெங்கனல்

2009-12-23T17:56:00.032+05:30

எப்போதுமே கையில் ' கல்கண்டு ' வாரப்பத்திரிக்கை கர்ணனுக்கு கவசகுண்டலம் போல லூயிசுக்கு. " பொது அறிவு வளரும்டா டே ''

லூயிஸ் ரொம்ப உற்சாகமாய் இருந்த காலம் உண்டு. 'அடிமைப் பெண் ' எம்ஜியார் கயிறுகளால் கட்டப்பட்ட நிலையில் தன் உடம்பின் தசைகளை முறுக்கி தன் வலு காட்டி கயிறை அறுக்கும் முயற்சியில் இருக்கும் போது,தரை டிக்கெட்டில் இருந்து தியேட்டரே கேட்கும்படி ஒரு கூப்பாடு போடுவான்-

" எங்க அண்ணன் தொடை 'மஸ்கை ' பாருய்யா !" muscles என்பதைத்தான் மஸ்க் என்பான் லூயிஸ்.

ரயில் பயணம் செய்யும்போது கதவருகில் நின்றுகொண்டு வெளியே வேடிக்கை பார்த்துக்கொண்டு தான் வருவான். அப்படி நிற்கும்போது ஒரு சலவைத் தொழிலாளி கழுதையை மேய்த்துக் கொண்டு போனவனை பார்த்து " ஏ உன்னைத்தாண்டா!" என கூப்பிட்டு, சாட்டையுடன் திரும்பிய தொழிலாளியிடம் தன் வேட்டியை தூக்கிக் காட்டினான்.

அந்த கழுதைகாரன் கோபத்துடன் வஞ்சான். ரயிலில் போகிறவனை என்ன செய்யமுடியும். கழுதையை சாட்டையால் ரெண்டு அடி கொடுத்து மீண்டும் நடந்தவனை மீண்டும் லூயிஸ் " ஏ உன்னைத்தாண்டா டே" என கூப்பிட்டு தன் வேட்டியைத்தூக்கி தன் குறியை இப்போது ஆட்டிக் காட்டினான்.

கழுதைகாரன் -"உன் ஆத்தாட்ட போயி காட்டுடா ... உன் அக்காக்கிட்ட ஆட்டிக்காட்டுடா வெண்ணை "

மீண்டும் லூயிஸ் வேட்டியை தூக்கிக்காட்டி " வேணுமா " என்றான். இப்போது புளுத்திக்காட்டினான்.

அந்த நேரம் பார்த்து ரயில் 'கிரிச் ...கிரிச்...க்ரீச்... ' ...ரயில் நின்றே விட்டது!!!

எதிர்பாரா இந்த திருப்பம் .....சூழலின் தீவிரம் லூயிஸின் மூளைக்கு எட்டியதில்.. அதிர்ச்சியில் லூயிஸ் புளுத்திக்காட்டிய கைக்கு மறு கையில் சுருண்ட நிலையில் இருந்த கல்கண்டு பத்திரிகை நழுவி கீழே விழுந்தே விட்டது!

விதி செய்யும் விளைவினுக்கே வேறு செய்வார் புவி மீதுளரோ?

கழுதைகாரன் சாட்டையோடு வெறியோடு ரயிலை நோக்கி ஓடி வந்தான். எப்படி? 'ஷோலே ' படத்தில் அமிதாப் பச்சன் செத்தவுடனே தர்மேந்திரா ' கப்பர்சிங் ' ன்னு வெறியோட அம்ஜத்கானை நோக்கி ஓடி வர்ற மாதிரியே தான் ஆவேசத்தோடு ஓடி வந்து ரயிலில் ஏறி கதவருகில் நின்ற லூயிஸை சாட்டையாலே வெளுக்க ஆரம்பித்து விட்டான். அடின்னா அடி உங்க வீட்டு எங்க வீட்டு அடியில்லை. சும்மா துவச்சு காயப்போட ஆரம்பிச்சிட்டான். "அண்ணே! மன்னிச்சிக்கங்க அண்ணே ...உங்க தம்பி மாதிரி நினைச்சுக்கங்க அண்ணே! வலிக்குதுன்னே! அடிக்காதிங்க அண்ணே! " லூயிஸ் கெஞ்சிக் கதறினான். " எந்த தம்பிடா அண்ணன் கிட்ட சுன்னிய புளுத்திக்காட்டுவான்?ஏண்டா " - கழுதைக் காரன் இப்படிக்கேட்டான். " தம்பி தான் அண்ணனுக்கு சுன்னிய புளுத்திக் காட்டுவானாடா ?" அடி வெளுத்துக்கொண்டே கேட்டான். இப்படி திரும்ப திரும்ப கேட்டுக்கொண்டே,mummy mother sister ன்னு நிறையா Abusive language லே திட்டிக்கொண்டே சாட்டையாலே வெளுத்து விரியக்கட்டி விட்டான்.

இதனினும் வியாகுலம் யாதெனில் அவன் சாட்டையால் தாக்குகின்ற பாணியை அவ்வப்போது முற்றிலும் மாற்றி லூயிஸின் அடிவயிற்றிற்கு கீழ் , தொடைகளுக்கு நடுவே சாட்டைக் கம்பின் நுனியால் தேடி தேடி குத்தி " இப்ப காட்டுறா .. இப்ப காட்டுறா ஒன் சுன்னியை " என்று கூப்பாடு போட்டது தான்.

இந்தி திரையுலகம் ஒரு பாற்கடல்

2009-12-22T16:44:00.022+05:30

"குடும்பம் ஒரு பாற்கடல். லக்ஷ்மி,உச்சரவரஸ், ஐராவதம் அதிலே தான் . அமிர்தமும் அதிலே தான். ஆலகால விஷமும் அதிலே தான்." என்றார் லா.ச.ரா.

இந்தி திரையுலகம் பற்பல குடும்பங்களின் கதம்பம்.

அதில் ஒரு குடும்பம் பற்றி இங்கே :

இவர்கள் பெங்காலிகள்.அசோக் குமார் - கிஷோர் குமார் இருவரும் சகோதரர்கள் . எல்லோருக்கும் தெரியும் தான். இந்த இருவருக்கும் ஒரு உடன் பிறந்த சகோதரி . பெயர் சதிதேவி.

இந்த சதிதேவிக்கு மகன்களில் ஒருவர். ஜாய் முகர்ஜி.நாற்பது வருடங்களுக்கு முன் Love in Tokyoபடத்தில் கதாநாயகன் . " ஜாப்பான் லாவ் இன் டோக்கியோ " முஹம்மத் ரபி பாடல்!

மேற்படி அந்தக்கால ஹிந்திப் பட கதாநாயகன் ஜாய் முகர்ஜி தம்பி ராம் முகர்ஜி. இவருடைய மகள் தான் இன்றைய இந்தி நட்சத்திரம் ராணி முகர்ஜி.

தங்கத்தகட்டழகி, தாமரை முகத்தழகி,சிரிக்கும் சிங்காரி ராணி முகர்ஜி!

ஜாய் முகர்ஜியின் இன்னொரு சகோதரர் சோமு முகர்ஜி.இவருடைய மகள் தான் கஜோல்.அஜய் தேவ்கனின் மனைவி.கஜோல் அம்மா நடிகை தனுஜா இன்னொரு நடிகை நூட்டனுடைய தங்கச்சி.

கட்டான உடை உடுத்தி, சிட்டாகப் பறந்து வரும் தென்ன மரத்து சிட்டு,தேன் போன்ற லட்டு,தட்டு லொட்டு எவர்சில்வர் தட்டு போன்ற கன்னங்கள் கொண்ட கஜோல்!

அதாவது ராணிமுகர்ஜியோட அப்பாவுக்கும், கஜோல் அப்பாவுக்கும் கிஷோர் குமார் தாய் மாமன்!

இன்னும் பல.. இன்னும் பல..இன்னும் பல பாற்கடல்கள்!

மதன் புரி - அம்ரீஷ் புரி சகோதரர்கள் வில்லன் நடிகர்கள்.

ராஜ் கபூர் -ஷம்மி கபூர் - சசி கபூர்

பிரேம் நாத் - ராஜேந்தர் நாத் - நரேந்தர் நாத் .

பிரேம்நாத் குணச்சித்திர நடிகர். ராஜேந்தர் நாத் காமெடியன். நரேந்தர் நாத் வில்லன் நடிகர்.

இந்த பிரேம் நாத் சகோதரர்களின் உடன் பிறந்த சகோதரி கிருஷ்ணா தான் ராஜ்கபூர் பொண்டாட்டி.

ராஜ் கபூர் மூத்த மகன் ரந்திர் கபூர் மகள்கள் கரீஷ்மா கபூர், கரீனா கபூர்.

ரிஷி கபூர் மகன் ரன்பீர் கபூர்.

ஷம்மி கபூரும் கிஷோர் குமாரும்( கொஞ்ச மாதம் மட்டும் )சகலை பாடிகள்.

ஷம்மி கபூர் பொண்டாட்டி கீதா பாலி.இந்த கீதா பாலி தங்கச்சி யோகிதா பாலி தான் கிஷோர் குமாரின் மூன்றாவது பொண்டாட்டி!ஒரு பத்து மாதம்கழித்து பிரிந்து விட்டார்கள். இப்ப இந்த யோகிதா பாலி மிதுன் சக்ரவர்த்தி பொஞ்சாதிங்கோ! இந்த மிதுன் சக்ரவர்த்தி யோகீதா பாலியை கட்டறதுக்கு முன்னாலே ஒளப்புனது நம்ம ஊர் ஸ்ரீதேவியை.வக்கீல் ஐயப்பன் நாயுடு மகள் ஸ்ரீதேவி புருஷன் போனிகபூர் தான் அனில் கபூரோட அண்ணன்.

சரி விடுங்க ..ஆதாம் ஏவாள் முறைப்படி எல்லோருமே சொந்தக்காரங்க தானே!

ஆதிரன் adhiran.blogspot.com

2009-12-21T19:13:00.006+05:30

ஆதிரன்

25.11.09
An instinct
R.P.RAJANAYAHEM GETTING DILUTED

http://adhiran.blogspot.com/2009/11/instinct.html

adhiran said...
நண்பர் ராஜநாயஹம்,
என்னுடைய பதிவை நீங்கள் நேர்மறையாக எடுத்துக்கொண்டதற்கு நன்றி. என் பதிவின் நோக்கமும் நேர்மறையானதே. உங்கள் வாழ்வுச்சூழலின் பொருட்டு ஏற்பட்ட ஒரு தொய்வே என்பதை புரிந்துகொள்ள முடிகிறது. தொடர்ந்து நீங்கள் எழுதாமல் போய்விட்டால் என்னைப்போன்ற உங்கள் பதிவு வாசகர்களுக்கு ஒரு இழப்புதான். உங்களைப்பற்றியதான என் பதிவு அவ்வகையான ஆதங்கத்தில் எழுதப்பட்டதுதான். நன்றி.
Tuesday, 22 December, 2009

no idea of getting some sleep !

2009-12-21T18:18:00.001+05:30

jayakanthan said...
it is 5 am .I am in your BLOG from from 11 pm.since today is Sunday i have to attend my patients from 7. am.But still no idea of getting some sleep . what to do Sir.
Sunday, 20 December, 2009

P.S.ஞானம்

2009-12-21T16:13:00.016+05:30

எம்.ஆர்.ராதா 1954ல் 'ரத்தக் கண்ணீர்' படத்தின் மூலம் மறுபடியும் தமிழ் திரையுலகிற்குள் நுழைந்து செகண்ட் இன்னிங்க்சில் பட்டையை கிளப்பினார்.

முதல் இன்னிங்க்சில் பரிதாபமாக சினிமாவில் தோற்றவர். அவருடைய ஆரம்ப திரை அனுபவங்கள் மிகவும் மோசமாயிருந்தது.
1937ல் 'ராஜசேகரன்' என்ற படத்தில் கதாநாயகன் ஈ.ஆர்.சகாதேவனுக்கு ( திருவிளையாடலில் பாண்டிய மன்னனாக நடித்தவர். இசை அறிஞர் ஹேமநாத பாகவதராக வரும் பாலையாவை அரண்மனைக்கு அழைத்து பாடவைத்து கௌரவிக்கும் வரகுண பாண்டியன்.தில்லானா மோகனாம்பாளில் மனோரமாவின் மைனர் கணவர்.) வில்லனாக இவர் நடிக்கும்போது இயக்குனர் சதி செய்து இவர் காலை உடைத்து விட்டார். பல மாதங்கள் படுக்க வேண்டிய நிலை யாகி விட்டது.

ஒரு வழியாய் எழுந்து 'பம்பாய் மெயில்' என்ற படம் டி.எஸ். பாலையாவும் ,ராதாவும் பார்ட்னராகி சொந்தமாக எடுத்தார்கள். படம் எடுத்து முடிந்த போது இருவருக்கும் ' போதும் , போதும் .. போதுமப்பா ..' என்று சொரிந்து விட்டு எழும்படியாக ஆகிவிட்டது . ஏண்டா படம் எடுத்தோம் என்ற ஞானம் வந்து விட்டது.

மாடர்ன் தியேட்டரில் ரொம்ப அசதியாக எம்.ஆர்.ராதா அப்போது கம்பெனி நடிகராக சேர்ந்தார். திண்ணையில் உட்கார்ந்த நிலை தான்.அங்கே தான் பொள்ளாச்சிஎஸ்.ஞானம் என்ற (அந்த கால தமன்னா!)நடிகை பந்தாவாக மகாராணி போல இருந்திருக்கிறார். 'சந்தனத்தேவன் ' படம் எடுக்கப்பட்டுக் கொண்டிருந்த காலம் அது.'ஞானத்தோடு யாரும் பேசக்கூடாது,சிரிக்ககூடாது'என்று மாடர்ன் தியேட்டர்சில் ஏகப்பட்ட கெடுபிடி.ராதாவுக்கு எப்போதும் 'மீறல்'தான் வாழ்க்கை. கண்ணாலே சைட் நொறுக்கி பி.எஸ். ஞானத்தை அந்த கட்டுப்பாடு நிறைந்த நிறுவனத்திலிருந்து சிறையெடுத்து கடத்தி பொள்ளாச்சி கொண்டு போய் ...அப்புறம் என்ன..

'திண்ணையில் இருந்த மனிதருக்கு திடீர்னு சாந்தி முகூர்த்தம்!'..ராதா 'நெம்புகோலின் தத்துவத்தை' அழகாக ஞானத்திற்கு விளக்கிகாட்டிவிட்டார்!!

இந்த பி.எஸ்.ஞானம் தமிழ் சினிமா ரசிகர்களுக்கு நன்கு தெரிந்தவர் தான்.

'பாசமலர் ' படத்தில் வில்லி. கதாநாயகி சாவித்திரியை ரொம்ப கொடுமைப் படுத்துவாரே. அவர் தான் பி. எஸ்.ஞானம். பாசமலர் படம் பார்க்கும் பெண்கள் இவருக்கு விடும் சாபங்கள் சொல்லி முடியாது.வில்லி என்றால் அப்படி ஒரு வில்லி!

'நாசமா போயிருவ '

' தேவிடியா முண்ட '

'என் தூமையை குடிக்கி '

'என் சாண்டைய குடிக்கி '

'ராட்சசி '

' உன் மூஞ்சியில முள்ல கட்டி அடிக்கனும்டி '

" என் கையிலே மட்டும் இவ கிடைச்சான்னாஇவ மூஞ்சை அப்படியே கல்லுலே மீனை உரசிர மாதிரி உரசிப்பிடுவேன் '

' பேதியிலே போவ .. கழிச்சல்ல போவ '

இவ்வளவு சாபங்கள் .

'பாசமலர்' படம் பார்க்கும் பெண்கள் இடைவேளைக்குப் பின் அழுதுகொண்டே பி.எஸ். ஞானத்தை திட்டி இவ்வளவு சாபம் இடுவார்கள்.

பாசமலர் பழைய படமாகி ஒவ்வொரு ஐந்து வருடமும் பார்க்க கிடைக்கும்போதும் பி.எஸ். ஞானம் இவ்வளவு சாபம் வாங்குகின்ற நிலை தான்.

கடைசியில் பி.எஸ்.ஞானம் காரில் போகும்போது திருத்தங்கல் அருகில் விபத்துக்குள்ளாகி கழுத்து துண்டாகி துடி துடித்து இறந்து போனார்.

அபத்தம் என்னவென்றால் பி.எஸ்.ஞானம் கொடூர விபத்தில் இறந்த பிறகு பல வருடங்கள் கழித்து சென்னையில் 'கிருஷ்ணவேணி 'தியேட்டரில், 'ராம்' தியேட்டரில் இந்தப் படம் ரிலிஸ் செய்யப்பட்டது.அப்போது சாவித்திரி 'கோமா 'வில் படுத்து விட்டார். அப்போது படம் பார்த்த பெண்கள் கூடஅழுதுகொண்டே பி.எஸ்.ஞானத்தை திட்டி சாபமிட்டு ''நீ விளங்கவே மாட்டேடி'' என்று சாபமிட்டுக்கொண்டு தான் படம் பார்த்தார்கள்.

எஸ்.வி.ரங்காராவ் B.Sc.,

2009-12-19T13:06:00.012+05:30

தன் வாழ்நாளில் முதுமையைப் பார்த்தறியாத ஒருவர் திரைப் படங்களில் இருபத்தைந்து வருடங்கள் (1950களில்,1960களில்,1970களின்முன்பகுதியில் ) நிறைய வயதான,முதிய கதாப் பாத்திரங்கள் செய்திருக்கிறார் என்பது விந்தை. எழுபது வயது மனிதராக சினிமா காட்டிய எஸ்.வி ரங்காராவ் அறுபது வயதை தன் வாழ்நாளில் கண்டதில்லை. 1974 ல் அவர் மறைந்த போது அவர் வயது 56 தான்.

தெலுங்கு ,தமிழ் படங்களில் நடித்தவர் . தெலுங்கு மக்கள் இவருக்கு 'விஸ்வநாத சக்ரவர்த்தி ' என பட்டம் அளித்தார்கள். அந்தப் பட்டம் தமிழ் பட டைட்டிலில் யாரும் பார்த்திருக்க முடியாது.

அந்தக்காலத்தில் பட்டதாரி நடிகர் எஸ்.வி.ரங்காராவ் B.Sc.

நாடகமேடையில் ஆங்கில நாடகங்களில் நடித்த Shakespearean Actor!

நாடகங்களில் நடித்திருந்தாலும், திரைப் படங்களில் புராண கதா பாத்திரங்களில் நடித்திருந்தாலும் கூட நாடக செயற்கைத்தனம் இல்லாமல் ரொம்ப இயல்பாக நடித்து அளப்பரிய சாதனை செய்தார்.

ஒரு தெலுங்கு நடிகர் தமிழ் படங்களில் செய்த சாதனை அசாதாரணமானது.

Scene Stealer! ஆஜானுபாகுவான ரங்காராவ் ஒரு காட்சியில் இருந்தால் இவர் தான் Scene Stealer!எல்லோரையும் தூக்கி சாப்பிட்டு விடுவார்.

தேவதாஸ், மிஸ்ஸியம்மா ஆரம்பித்து.

'நானும் ஒரு பெண் 'மாமனார் -மருமகள் உறவு.விஜயகுமாரியின் மாமனாராக.

'கற்பகம் ' ஜெமினி கணேஷின் மாமனாராக.

'அப்பா ' ரோல் திரைப் படங்களில் ரொம்ப மலிவானது. அதை மிகவும் உயர்த்திக் காட்டியவர் எஸ்.வி.ரங்காராவ்.

'கண் கண்ட தெய்வம் ' படத்தில் சுப்பையாவின் 'அண்ணன் ' ரோல்!

அவர் செய்த புராண பாத்திரங்கள்.

வில்லனாக 'நம் நாடு ' படத்தில் 'பக்த பிரகலாதா'வில்

'மாயா பஜாரில் ' கடோத்கஜனாக "கல்யாண சமையல் சாதம் !"

சபாஷ் மீனா, எங்க வீட்டு பிள்ளை, சர்வர் சுந்தரம் போன்ற படங்களில் அவருடைய இயல்பான நகைச்சுவை.

தெலுங்கில் இவர் இயக்கிய இரண்டு படங்கள் நந்தி விருது பெற்றிருக்கின்றன. இயக்குனரும் கூட!

இந்தோனேசியாவில் ஒரு திரைப்படவிழாவில் இவர் 'நர்த்தன சாலா' என்ற படத்தில் கீசகனாக நடித்ததற்காக ஒரு விருது வாங்கியிருக்கிறார்.

மற்ற படி இந்திய அரசாங்க கெளரவம் எதுவும் இவருக்கு கிடைத்ததில்லை.

உலகத்தின் மிகச் சிறந்த அபூர்வ நடிகர்களில் ஒருவர் எஸ்.வி.ரங்காராவ்.

இன்று அவர் இறந்து முப்பத்தைந்து ஆண்டுகள் ஆனபின்னும் அவர் நடிப்பு சாசுவத்தன்மையுடன் தமிழ்,தெலுங்கு திரைப்படங்களில் மிக உயர்ந்து நிற்கிறது.

இன்று டி.வி சேனல்களில் எவ்வளவோ நடிகர்களை பலரும் மிமிக்ரி செய்வதைப் பார்க்கமுடியும். மிமிக்ரி ஆர்ட்டிஸ்ட் ஒருவர் கூட இதுவரை மிகப் பெரிய நடிகர் ரங்காராவை இமிடேட் செய்ததே கிடையாது. ரங்காராவின் தனித்துவத்திற்கு இது கூட உதாரணம். அவ்வளவு நுட்பமானது அவரது நடிப்பின் பரிமாணங்கள்!முதியவராக நடித்தார். ஆனாலும் இவரை ஒரு வட்டத்துக்குள் அடைத்து Brandசெய்துவிட முடியாது.

அருவி-An angel's lyrical call !

2009-12-18T12:25:00.020+05:30

A strongman and a WATERFALL always channel their own path.

அருவியை ஒரு கவிதை " an angel's lyrical call " என்று குறிப்பிடுகிறது.

Deep in the woods I hear an angel's lyrical call !
Tranquil and serene, a majestic waterfall!

இந்த lasting natural beauty யை
A vibrant entertainer, sparkling,
Waving at the crowds,
Singing of joy and showering harmony.
என உற்சாகமாக,குதூகலமாக, சந்தோசத்தைப் பாடுகின்ற அருவியாக விவரிக்கிறது இன்னொரு கவிதை.

I baptize myself within this cleansing spray! என அருவியில் குளித்து மகிழ்ந்து பெருமைகொள்ளும் கவிஞன் உண்டு .
No blemish on past nor future

ஆங்கிலத்தில் Waterfall என்பதை தமிழில் மொழிபெயர்க்கும்போது 'நீர் வீழ்ச்சி' யாகி விடுகிறது.

"மலைக் காட்சியிலே புனல் வீழ்ச்சியிலே " - பாரதி

"நெஞ்சு படபடக்கிறது

அருவியை யாராவது

நீர்வீழ்ச்சி

என்று சொல்லிவிட்டால்."-விக்கிரமாதித்தன் எழுதியது!

'அருவியின் ஆற்றல் ' என்ற தலைப்பில் யவனிகா ஸ்ரீராம் கவிதை .

அதில் சிலவரிகள் பனி போல உறைந்து விடும் தண்மை கொண்டவை.

யவனிகா ஸ்ரீராம் எழுதிய அந்த கவிதையின் சில வரிகள் -

"உன் கேவல் ஒலிக்கும் அந்தகாரத்தில்

சூரியன் மறைந்து கொண்டிருக்கிறது.

உன் பிலாக்கணத்தில் மோகமுற்ற சல்லாபக் குளிர்காற்று ..."

"உன் விழிப் படலம் வெப்பமுற்றுச்

சிவக்கும் தருணத்தில்

நீல மேகம் நிலவை விந்தென சொட்டும் ."

யவனிகா ஸ்ரீராம் அருவியில் குளிக்கும் அனுபவம் அந்த விம்மியழும் நீர்வீழ்ச்சியின் சோகத்தைச் சார்ந்தது.

"நீ அழுவதானால் எப்போதும்

உன் தாயின் கண்ணீரில் இருந்து

துவங்கி விடுகிறாய்

நான் செய்வதெல்லாம் உன் உச்சரிப்பின் போதே

உன் இதழ் கவ்வி உன்னை

மௌனித்தது தான் "

"கவிதை ஒரு மலர் போன்றதும் வாள் போன்றதுமாகி புதிர் நிறைந்தது."

- தேவ தேவன்

When Harry met Sally...(1989)

2009-12-17T10:03:00.021+05:30

ஜேம்ஸ் ஜாய்ஸ் தான் சொன்னார் . 'ஒரு ஆணுக்கும் பெண்ணுக்கும் உடல் உறவு தவிர்த்த வெறும் சிநேகிதம் சாத்தியமே இல்லை.' ' A painful case' சிறுகதையில்.

...........

Men and women can't be friends because the sex part always gets in the way.
This film “When Harry met Sally...” chronicles this dilemma through the eleven year relationship between Harry and Sally.

Sally: I have a number of men friends and there is no sex involved.
Harry: No you dont.
Sally: You say I'm having sex with these men without my knowledge.
Harry: No.What I am saying is 'they all WANT to have sex with you. Because no man can be friends with a woman that he finds attractive. He always wants to have sex with her.

சேல்லியாக நடித்த ஹாலிவுட் நடிகை மெக் ரையான் இந்தப் படத்தில் நடித்ததற்குப் பின் தான் டாம் ஹாங்க்ஸ் உடன்
'Sleepless in Seattle' (1993), ' You've got mail' (1998)என்று இரண்டு படங்கள் நடித்தார்.

ரொமாண்டிக் காமெடி என்பதற்கு சரியான உதாரணம் When Harry met Sally...
மெக் ரையான் நாயகனாக பில்லி கிறிஸ்டல்.

ஹோட்டலில் லஞ்ச் சாப்பிடும்போது மெக் ரையான் நடித்துக்காட்டுகிற 'Faking an orgasm' இந்தப் படத்தில் Infamous scene!
'Faking an orgasm' என்பதை எப்படி விளக்குவது ? " நிலா காயுதே நேரம் நல்ல நேரம் நெஞ்சில் பாயுதே காமன் விடும் பாணம்" பாட்டில் எஸ் .ஜானகி இந்த 'Faking an orgasm' என்பதை அனர்த்திக்காட்டியிருக்கிறார். பெண்ணின் காம இன்பப்பரவச உச்ச நிலையை நடித்துக்காட்டுவது! சரி தான்,ஜானகியின் இழுவை அனத்தல் மாதிரி என நினைத்து விடாதீர்கள்.நிஜமாகவே பெண்ணின் பரவச உச்சத்தை அட்டகாசமாக மெக் ரையான் செய்துகாட்டுவார்.பப்ளிக்காக பில்லி கிறிஸ்டல் முன் இதை நடித்துக்காட்டிவிட்டு சாப்பிட ஆரம்பிக்கும்போது பக்கத்து டேபிளில் அமர்ந்திருக்கும் ஒரு வயதான அம்மணி (படத்தின் இயக்குனர் ராப் ரீனர் - இவருடைய தாயார் தான்! ) வெயிட்டரிடம்
"I'll have what she's having." என்று சொல்கிற வசனம் ஹாலிவுட் படங்களில் வந்த மிக முக்கிய வசனங்களில் ஒன்று.

AFI's 10 Top 10 வரிசையில் ரொமாண்டிக் காமெடி படங்கள் பத்தில் ஆறாவது ரேங்கில் When Harry met Sally... இருத்தப்பட்டிருக்கிறது. மியூசிகல் மூவி."It Had to Be You"

According to the Random House Historical Dictionary of American Slang, "high-maintenance" was popularized by “When Harry met Sally...”

1."high-maintenance" describes a system which requires a high degree of maintenance to ensure proper functioning and without which it is likely to break down.
2.(figuratively, of a person) Who requires a lot of attention.

பெர்லுஸ்கோனி

2009-12-16T12:59:00.011+05:30

பெர்லுஸ்கோனி இத்தாலியில் மிகப் பெரிய செல்வந்தர். செல்வசெழிப்பு போதாதென்று அவருக்கு பிரமாதமான பெரும் பதவி வேறு. இத்தாலி நாட்டின் பிரதமர் பெர்லுஸ்கோனி. 'என்ன பாக்கியம். இதுவல்லவோ கஜலக்ஷ்மி அருள்! 'என்று வியப்பீர்கள். பணம் இருப்பதோடு அதிகார சக்தியும், மக்களிடம் நல்ல மரியாதையும் இணைவது தான் அஷ்டலக்ஷ்மிகளில் கஜலக்ஷ்மியின் விஷேசத்துவம்.

ஆனால் இவர் கதை " கடுமுடிக்கி பயில்வான் பீ முடுக்கி செத்த மாதிரி " ரொம்ப மோசமாகி விட்டது.

இவர் செய்த காரியங்கள் அப்படி. மோசடி, பணம் கையாடல், பலபெண்களுடன் சரீரசம்பந்தம்.

Fraud,
Embezzlement,
Extra-Marital Sexual Dalliance!

பெர்லுஸ்கோனி மனைவி வெரோனிக்கா லாரியோ விவாகரத்து கேட்டிருக்கிறார்.

இவருடைய கத்தோலிக்க மதத்தின் கடும் ஆக்கினை. கண்டனம் .

இத்தாலியில் இந்த பிரதமருக்கு எதிரான பேரணிகள் நடக்கின்றன.

சமீபத்தில் பிரதமர் பெர்லுஸ்கோனி முகத்தில் ஒருவர் கடுமையாக தாக்கி இரத்தசகதியுடன் ஆஸ்பத்திரியில் சேர்க்கப்பட்டிருக்கிறார். பிரதமருக்கு உள்ள பாதுகாப்பு வளையத்தையும் மீறி இந்த தாக்குதல்.மூக்கு உடைந்து, இரண்டு பற்கள் உடைந்து , உதடு கிழிந்து ...ரொம்ப குழம்பிப்போய் விட்டார் .
“There is a climate of hatred, I expected this would happen” என்றும் சொல்கிறார் . அடுத்த அவருடைய வார்த்தைகள் இந்த முதல் வாக்கியத்தை
Cancelசெய்து விடுகிறது .“ I want the good of everyone and I do not understand why they hate me so much”

Cause Celebre

2009-12-14T18:24:00.015+05:30

தெலுங்கானா பிரச்னை சொல்லும் ஜனநாயக செய்தி!

மந்திரி : எல்லோரும் இந்நாட்டு மன்னர்கள் என்று தாங்கள் உணர்ச்சி வசப்பட்டு Declare பண்ணியிருக்கவே கூடாது மன்னா! விபரீத விளைவாகி விட்டது.

அரசர் : ஏன் அமைச்சரே..??

மந்திரி : ஆளாளுக்கு, அவனவன் அந்தப்புரத்துக்குள் ஏறிக் குதிக்கிறாங்கே.

A Joke is a very serious thing!

....

Cause Celebre is an issue arousing widespread controversy.

....

'தமிழக இடைத்தேர்தல்கள் பணமழை' பிரச்சினை காட்டும் ஜனநாயக செய்தி!

வந்தவாசி இடைத்தேர்தலில் அண்ணாதிமுகவை ஆதரித்து பிரச்சாரம் செய்த தா .பாண்டியன் விடுத்த எச்சரிக்கை :" மக்கள் ( அண்ணாதிமுக காசுக்கு விலைபோகாமல்)திமுக காசுக்கு விலை போனால், கம்யூனிஸ்ட் கட்சி ஜனநாயகம் அல்லாத மாற்றுப் பாதைக்கு செல்ல வேண்டி வரும். ஏந்தவேண்டிய ஆயுதத்தை ஏந்த வேண்டி வரும்."

Tragedy is not with Actor's cry.
Tragedy is with Audience cry!

...

திருநெல்வேலியில் எதிர்கட்சி அண்ணாதிமுக பணம் நாற்பத்தியொரு லக்ஷம் போலீசால் இரண்டு ஓட்டல்களின் அறைகளிலிருந்து கைப்பற்றப்பட்டிருக்கிறது.திருச்செந்தூர் வாக்காளர்களுக்கு அபிஷேகம் செய்வதற்கான பணம் . அதில் அண்ணாதிமுக முன்னாள் அமைச்சர் நைனார் நாகேந்திரனின் பினாமி ஓட்டல் விஜய் கிளாசிக் அடக்கம்.

கைப் பற்றப்பட்ட எதிர்க்கட்சி பணமே 41 லட்சம் என்றால் கைப் பற்றப்பட முடியாத எதிர்க்கட்சி பணம் எவ்வளவாயிருக்கும்!

இடைத்தேர்தலில் புரளும் ஆளுங்கட்சி பணம் பற்றி பெருக்கல் கணக்கில் தான் பார்க்கவேண்டும்.

குமுதம் 'அந்த நாள் Black & White’

2009-12-12T17:07:00.011+05:30

குமுதம் பத்திரிகையில் ' அந்த நாள் Black & White’என்று ஒரு பகுதி சுவாரசியமானது .ஏனென்றால் மிகப் பழைய புகைப்படம் ஒன்றை வெளியிட்டு அதனுடன் சம்பந்தப் பட்டவரிடம் அந்த புகைப்படத்தின் கதையைக் கேட்பதும்,பிரசுரிப்பதும் சுவையான விஷயம் தான்.

Every Picture tells a story!

இந்த வாரம் வியாழக்கிழமை வந்த குமுதம்(16.12.2009 தேதியிடப்பட்டது )இதழில் ஒரு பழைய புகைப்படம். காலா காந்தி காமராஜர் உடன் அவர் வீட்டில் எம்ஜியார் , சிவாஜி , சந்திரபாபு ,எம் .எஸ் .விஸ்வநாதன் ஆகியோர் இருக்கிறார்கள் . மிக அபூர்வமான புகைப்படம் என்பதில் சந்தேகம் இல்லை . அந்த காலகட்டம் பற்றிய தகவல், எந்த சூழல் என்பதில் தான் தவறு இருக்கிறது . எம்.எஸ் .விஸ்வநாதன் அந்த புகைப்படம் 1971ல் இந்திய -பாகிஸ்தான் போர் நடந்த நேரத்தில் எடுக்கப்பட்டது என்கிறார். போர் வீரர்களுக்கான கலை நிகழ்ச்சிக்காக கிளம்பு முன் காமராஜிடம் ஆசி வாங்க சென்றிருந்த போது அந்த நிகழ்ச்சிகளில் கலந்து கொள்ளாத எம்ஜியாரும் மேக் அப்புடன் வந்திருந்தார் என்கிறார் .எம்ஜியார் அந்தப் படத்தில் போலிஸ் அதிகாரி உடையில் மேக் அப் பில் இருக்கிறார் . எம்ஜியார் அந்த காலகட்டத்தில் வெளி வந்த குமரிக்கோட்டம் ,ரிக் ஷாக்காரன் படங்களில் போலிஸ் அதிகாரியாக நடிக்கவில்லை . சரி அந்த வருடம் படப்பிடிப்பு நடந்து அடுத்த 1972ல் வந்த ராமன் தேடிய சீதை , நான் ஏன் பிறந்தேன் , இதயவீணை படங்களிலும் போலிஸ் அதிகாரி வேடம் செய்யவில்லை . அவர் 1963 ல் சாவித்திரியுடன் நடித்த ' பரிசு ' படத்திலும் 1964 ல் வெளி வந்த ' என் கடமை ' படத்திலும் தான் போலிஸ் அதிகாரியாக நடித்தார் . இந்த புகைப் படத்தில் உள்ள சிவாஜி கூட1971 ல் வெளி வந்த 'சுமதி என் சுந்தரி ' 'மூன்று தெய்வங்கள் ' ' சவாலே சமாளி 'அல்லது 1972ல் வெளி வந்த ' ராஜா ' 'வசந்த மாளிகை ' படங்களில் நடித்த காதோரம் கிருதா வைத்த சிவாஜி அல்ல என்பதை தமிழ் திரை பற்றி அறிந்தவர்கள் சுலபமாக புரிந்து கொள்ள முடியும். 'பந்தபாசம் '(1962),இருவர் உள்ளம்' (1963), அதற்கு அடுத்த வருட 'நவராத்திரி ' ஆண்டவன் கட்டளை'காலங்களின் சிவாஜி ! ( சிவாஜியின் முக , உருவ அமைப்பு காலத்திற்கு காலம் மிகவும் மாறுபட்டிருக்கிறது! )

இந்த புகைப் படம் இந்திய - சீனா யுத்த காலத்தில் எடுக்கப்பட்டது என்பது ஓரளவு பொது அறிவுள்ள எவருமே புரிந்து கொள்ளமுடியும் . அப்போது எம்ஜியார் நீங்கலாக மற்ற கலைஞர்கள் சிவாஜி , சந்திரபாபு ,எம் .எஸ் .வி போன்றவர்களுடன் கண்ணதாசனும் போர் வீரர்களுக்கு கலை நிகழ்ச்சி நடத்த வடக்கே போனார்கள் . கண்ணதாசன் இது பற்றி தன் " மன வாசம் '' நூலில் விரிவாக எழுதியிருக்கிறார் . தன் வாழ் நாளில் சூரியோதயத்தை ஒரு தடவை கூட பார்க்காத சந்திரபாபு அங்கே சூரியோதயத்தை பார்த்தது , சீனாவுடன் யுத்தம் நடத்திய போர் வீரர்களை கலை நிகழ்ச்சிகளால் மகிழ்வித்த தமிழ் திரைக்கலைஞர்களுக்கு ஜனாதிபதி ராதாகிருஷ்ணன் விருந்து கொடுத்தது, சந்திரபாபு ' பிறக்கும்போதும் அழுகின்றான் , இறக்கும்போதும் அழுகின்றான் ' பாட்டு பாடியவுடன் ராதாகிருஷ்ணன் ரசித்து சிலாகித்த போது, சட்டென்று சந்திரபாபு ஜனாதிபதி மடியில் உட்கார்ந்து கன்னத்தை தடவி ' ரசிகன்டா கண்ணு நீ!' என்று சொல்லி எல்லோரையுமே திகைக்க வைத்தது போன்ற விஷயங்கள் .

எம்.எஸ் .விஸ்வநாதனுக்கு முதுமை காரணமாக இப்போது ஞாபகக்குழப்பம் ஏற்பட்டிருக்கிறதில் அவரை குற்றம் சொல்லக்கூடாது . அதோடு இசை தவிர பொது அறிவு விஷயங்களில் அவர் ரொம்ப ,ரொம்ப வீக் .அவர் உலகமே இசை மட்டும் தான். கண்ணதாசனிடம் வெள்ளந்தியாக விஸ்வநாதன் " ஏண்ணே! ஊமைத்துரை வெள்ளைக்காரனா ?" என்று கேட்டவர் . அவருக்கு சீனாக்காரனோடு நடந்த சண்டைக்கும் பாகிஸ்தான்காரனோடு சண்டைக்கும் வித்தியாசம் தெரியவில்லை என்றால் நாம் ஆச்சரியப்படத் தேவையே இல்லை .

ஆனால் குமுதம் பத்திரிகையில் தரவுகள் பற்றி ஆராய்ந்திருக்க வேண்டாமா ? அங்கே ஆசிரியர் குழு , உதவி ஆசிரியர்கள் , நிருபர்கள் முதலியோருக்கு கூடவா இந்த படம் எந்த காலத்தில் எடுக்கப்பட்டிருக்கலாம் என்பது புரியவில்லை? சீன யுத்தத்தின் போது எடுக்கப்பட்டது என்பது தெரியவில்லை?

புண் உமிழ் குருதி

2009-12-11T17:17:00.013+05:30

சில வருடங்களுக்கு முன் நடந்த சம்பவம்

நானும் என் நண்பர் ஒருவரும் இலக்கியம் ,சங்கீதம் , சினிமா என்று ஒத்த ரசனையுடையவர்கள் . நண்பர் பெயர் ரகோத்தமன் என வைத்துக் கொள்வோம் . இவரிடம் தற்செயலாகவோ , அல்லது இவரே தேடியோ " சாருலதா " கரே -பைரே'' என்ற இரண்டு படங்கள் வீடியோ கேசட் கிடைத்தன . சத்யஜித் ரே படங்கள். ஏற்கனவே பலதடவை பார்த்த படங்கள் தான் . நல்ல படங்களை எத்தனை முறை பார்த்தால் தான் என்ன ! இன்னொரு நண்பர் - இவர் பெயர் பரத்வாஜ் என வைத்துக் கொள்வோம் . அவருடைய வீடு கலந்து பேசி படம் பார்க்க வசதியானது என முடிவு செய்தோம் .

பரத்வாஜ் வீட்டிற்கு சென்றோம் . வீட்டில் அவர் எங்களை களி துலங்கும் புன்னகையுடன் வரவேற்றார் . நாங்கள் உற்சாகமாக சத்யஜித் ரே படங்கள் கிடைத்த விஷயத்தை சொன்னோம் . அவருக்கும் ரே படங்கள் பார்க்க மிகவும் பிடிக்கும் தான் . அவரை மிகவும் சந்தோசப் படுத்தி விட்டதாகவே நானும் ரகோத்தமனும் கூட நினைத்தோம் . அவருக்கு இரண்டு மகன்கள் . இருவருக்கும் ஒரு வயது வித்தியாசம் . பள்ளி + 2 வில் ஒரு பையனும் + 1ல் ஒரு பையனும் அப்போது வாசித்துக் கொண்டிருந்தார்கள் . ராமர் லக்ஷ்மணர் போல களையான பிள்ளைகள் .
அவர் டெக்கில் கேசட் போட்டபோது ஏதோ சிக்கல் தெரிந்தது. முல்லை பூத்த புன்முறுவலுடன் பையன்கள் இருவரும் சுறு சுறுப்பாக டெக்கை கலட்டி கோளாறை சரி செய்ய முயன்றார்கள் . அவர் மனைவிக்கு உடல் நிலை சரியில்லை என யூகித்தோம் . ஏனென்றால் அவர் மாமியார் தான் பட்சணம் , காபி கொடுத்தார் . வழக்கமாக அவர் மனைவி தான் வந்து வந்தனம் சொல்லி உபசரிப்பார் .

"உங்களுக்கு அருமையான குழந்தைகள் . உங்கள் அதிர்ஷ்டம் " என நான் பரத்வாஜிடம் சொன்னேன் . அவர் கொஞ்ச நேரத்தில் All relationships are pathological என்பது பற்றி விரிவாக பேசி விளக்கம் சொல்வதில் முனைப்பாகி விட்டார் .

டெக் என்ன முயன்றும் ஒத்துழைப்பு தரவில்லை . பரவாயில்லை . நண்பரிடம் அளவளாவிய சந்தோசம். விடை பெற்றோம் நானும் ரகோத்தமனும் . மறு நாள் பதட்டத்துடன் ரகோத்தமன் போன் செய்தார் .
" ராஜநாயஹம்.. நண்பர் பரத்வாஜ் நேற்று சொல்லொணா துயரத்தில் இருந்திருக்கிறார். நாம் சூழல் தெரியாமல் படம் பார்க்க அவர் வீட்டுக்கு போயிருக்கிறோம் ."
நான் " என்ன சார் சொல்றீங்க ?"

" Bharadwaj’s wife has eloped with a fellow. ஓடிப் போய் விட்ட அவர் மனைவியை தேடிக்கொண்டிருக்கிறார்கள். அவரும் அவர் பிள்ளைகளும் அந்த கவலையில்,வேதனையில் இருக்கின்ற நேரத்தில் நாம் இருவரும் அவர்களின் சோகம் அறியாததால் விவஸ்தை கெட்ட தனமாக நடந்து கொண்டு விட்டோம் . "

இடி வானத்தொளி மின்னல் என் நெஞ்சை கீறியது .நேற்றைய நிகழ்வை திரும்பிப் பார்க்காமல் இருக்கமுடியவில்லை . அப்படி திரும்ப எண்ணிப் பார்த்த போது அபத்தமாய் உறைத்தது.

அன்று நாங்கள் துவங்கிய பிலிம் சொசைட்டியின் படம் ஒன்று ஒரு பள்ளியில் திரையிடப்பட இருந்தது . அதோடு அந்தப் பள்ளியில் கலை நிகச்சிகள் கூட .

அலையென கொந்தளிக்கும் மனதுடன் அந்த பள்ளிக்கு மதியம் கிளம்பிப் போன போது அங்கே ரகோத்தமனும் வந்திருந்தார் . இருவர் நெஞ்சும் காயப்பட்ட நிலை . ஆறப் போவதில்லை .புண் உமிழ் குருதியாய் காலகாலத்திற்கும் உறுத்தும். கொஞ்ச நேரத்தில் அங்கே பரத்வாஜும் வந்தார் . அவர் உறுதியான மனநிலையில் இருந்தார் என்பது எங்களுக்கு மிகவும் ஆறுதலாய் இருந்தது.
கொஞ்ச நேரத்தில் நடந்த நிகழ்வு ஒன்றில் பலரும் கைகோர்த்து ஆடியபோது பரத்வாஜும் கூட ஏற்படுத்திக்கொண்ட உற்சாகத்துடன் ஆடினார் .

சில நாட்களில் அவர் மனைவி மீண்டும் பரத்வாஜுக்கு கிடைத்து விட்டார் .

ஆனாலும் புண் உமிழ் குருதி ?

(புண் உமிழ் குருதி என்பது அசோகமித்திரனின் சிறுகதை ஒன்றின் தலைப்பு.வேறொரு அசந்தர்ப்பமான விகார சூழ்நிலை பற்றிய அபூர்வமான கதை.)

ஒரே மெட்டு ரெண்டு பாட்டு

2009-12-10T18:31:00.008+05:30

'தீன கருணாகரனே நடராஜா நீலகண்டனே ' என்ற எம் கே தியாகராஜ பாகவதர் பாடிய பெஹாக் ராக பாடலின் மெட்டில் அப்படியே மாற்றம் இல்லாமல் மதுரை வீரனில் எம்ஜியாருக்காக
டி .எம் .எஸ் " ஏச்சு பொழைக்கும் தொழிலே சரி தானா " என்று ஒரு பாட்டு பாடியிருக்கிறார் .

இப்படி மெட்டு சுலபமாக கண்டு பிடிக்கும் விதமாக அப்படியே போடாமல்,சில பாடல்கள் கொஞ்சம் புரியாதபடி திரும்ப போடப்படுவதுண்டு.

அப்படி ஒரு பாடலை மெலடியாக, மென்மையாக தன்னால் போடப்பட்ட பாடலை பின்னால் சரியான டப்பாங்குத்தில் போட்டு செம ஹிட் ஆக்கியிருக்கிறார் கே .வி . மகாதேவன். 1965 ல் வந்த படம் ' எங்க வீட்டுப் பெண் '. ஜெய்சங்கர் ,
ஏ .வி.எம் ராஜன் நடித்த படம் .அதில் இந்த பாடல் -

" கால்களே நில்லுங்கள் . கண்களே சொல்லுங்கள் .
காதல் என்பது காவியமா ? இல்லை கண்ணீர் வரைந்த ஓவியமா ?"

இந்த பாடல் அவ்வளவாக பிரபலமாகவில்லை .
அதே படத்தில் பி .பி .எஸ் பாடிய நல்ல பாடல் " சிரிப்பு பாதி, அழுகை பாதி சேர்ந்ததல்லவோ மனித ஜாதி ".
பி.பி .எஸ் பாடினாலே எந்த பாட்டும் ஹிட் தானே !

1970ல் வந்து சக்கைப் போடு போட்ட எம்ஜியார் படம் " மாட்டுக்கார வேலன் ".
ஹிந்தியில் ஜிதேந்திரா நடித்த 'ஜிக்ரி தோஸ்த் ' படத்தின் ரீமேக் . அந்த படத்தில் மகாதேவன் ஹிட் ஆகாத தன் ' கால்களே நில்லுங்கள்,கண்களே சொல்லுங்கள் ' மெட்டை நல்ல டப்பாங்குத்தில் போட்டு ஹிட் ஆக்கி காட்டினார்.
"பட்டிக்காடா ?பட்டணமா ?ரெண்டுங்கெட்டான் லட்சணமா !"

இசையமைப்பாளர் வி குமார் ( ஏ .ஆர் .ரஹ்மானின் அப்பா சேகர் இவரிடம் உதவியாளராக இருந்தவர் ) பாலச்சந்தரின் படம் ' நூற்றுக்கு நூறு ' படத்திற்காக போட்ட பாடல்
" நித்தம், நித்தம் ஒரு புத்தம் புதிய சுகம் நான் தேடுவேன் .
இளமை பொங்கும் எழில் தலைமை தாங்கும் உனை என்றும் நாடுவேன் "

இந்தப் பாடலின் மெட்டில் தான் ' ரயில் பயணங்களில்'
டி .ராஜேந்தர் பாட்டு _
"வசந்தம் பாடி வர, வைகை ஓடிவர ஆராதனை செய்யட்டுமா ?"

கமல் ஹாசன் -குட்டி பத்மினி ஆடிப்பாடும் பாடல் தேவரின் ' மாணவன் ' படத்தில் சங்கர் -கணேஷ் இசையில்
டி .எம் .எஸ் - எல் .ஆர் ஈஸ்வரி பாடியது
" விசிலடிச்சான் குஞ்சுகளா ! குஞ்சுகளா ! வெம்பிப் பழுத்த பிஞ்சுகளா! பிஞ்சுகளா!"

இந்தப் பாடல் மெட்டு மீண்டும் எவ்வளவு வருடங்கள் கழித்து,உலகநாதன் பாடி ஹிட் ஆகி, ஊரே பாடிக்கொண்டு திரிந்தது !

" வாலை மீனுக்கும் விலங்கு மீனுக்கும் கல்யாணம் "

சென்ற ஞாயிற்றுக்கிழமை

2009-12-09T13:16:00.009+05:30

பண்டிட் ஜஸ்ராஜின் பைராகி பைரவ் ராகம் கேட்டுவிட்டு தர்பாரி கன்ரா ரசித்தேன் . தொடர்ந்து இன்னொரு கேசட்டில் இருந்த ஜோக் ராக ஆலாபனை போட்டு கேட்ட போது அப்படியே ஆளை அசத்தி எடுத்து விட்டது . ஜஸ்ராஜின் பாணி பீம்ஷன் ஜோஷியிடமிருந்து முற்றிலும் மாறுபட்டது .

ஹிந்துஸ்தானியில் ஜோக் ராகம் நம்ம நாட்டைராகம் தான். இப்படி நம் கர்நாடக சங்கீதத்தின் பல ராகங்களை அங்கே கண்டு பிடித்து ரசிக்கலாம் . ஹிந்துஸ்தானியின் பிம்ப்ளாஸ் தான் தேவ காந்தாரி ராகம். ராக் பைரவ் என்பது சிந்து பைரவி . மால்கேவ்ன்ஸ் ராகம் நம்ம சாஸ்த்ரிய ராகமான ஹிந்தோளம் !

நான் எப்போதும் சில பாடல்களை செலக்ட் செய்து கேட்பதுண்டு . அப்படி சென்ற ஞாயிறு அன்று மாலை கேட்டவை :

1.மாலியின் புல்லாங்குழலில் பட்ணம் சுப்ரமணிய அய்யரின் பிலஹரி ராக
" பரிதான மிச்சித்த "

2. எம்.எஸ் . பாடிய தியாகய்யரின் சங்கராபரண கீர்த்தனை " ஸ்வர ராக சுத"

3. ஜி .என் .பி யின் தோடி ராக "தாமதமேன்" . பாபநாசம் சிவன் கீர்த்தனை தொடர்ந்து ஜி .என் .பி யின் கல்யாணி ராக முத்து சாமி தீட்சிதர் கீர்த்தனை "சிவ காமேஸ்வரிம் "

4. அரியக்குடி பாடிய வீணை குப்பையரின் பேகடா " இந்த சாளமு". அதோடு 'சரசி ஜினாப சோதரி' அரியக்குடியின் கம்மல் குரலில் நாக காந்தாரி ராக முத்து சாமி தீட்சிதர் கீர்த்தனை !
தொடர்ந்து அரியக்குடியின் " பளிஞ்சு காமாட்சி " ஷ்யாமா சாஸ்திரி இயற்றிய மத்யமாவதி .

5. மதுரை மணி அய்யர் பாடிய மோகனம் " கபாலி "

.....

டி.வி சானெல்கள் அடிக்கடி என் இரண்டாவது மகன் அஷ்வத் மாற்றிக்கொண்டிருந்த போது ஏதோ ஒரு சேனலில் " நிழல் நிஜமாகிறது " ஒரு காட்சி . 1978ல் வந்த படம் . கமல் ஹாசன் ஒரு காட்சியில் சரத் பாபுவிடம் சொல்கிறார் .

"பெங்கால்ல பார்த்தியா .. சி .பி .எம் வந்திடுச்சி "

தொடர்ந்து எவ்வளவு காலமாக அங்கே மார்க்சிஸ்ட்களின் ஆட்சி !

வெற்றிகொண்டான்

2009-12-08T18:29:00.009+05:30

“LIVE IN SECLUSION. SHOW NO INTEREST IN POLITICS AND THE COMMUNITY.”

- EPICURUS

திருநாவுக்கரசரின் குற்ற உணர்வு இன்னும் தீர்ந்து தெளிந்த பாடில்லை . தவிக்கிறார்...தத்தளிக்கிறார் ..தக்காளி விக்கிறார்... அவருடைய குலதெய்வம் எம்ஜியார் ஆதியில் இருந்த கட்சி காங்கிரஸ் என்று கண்டுபிடித்து,அதில் இணைந்ததில் மிகவும் சந்தோசப் படுவதாக,பெருமைப்படுவதாக சொல்லிவிட்டார்.

1940களில்எம்ஜியார் கதர் உடுத்தி காங்கிரஸ்காரராக, ருத்ராட்ச மாலை, நெற்றியில் திருமண் என்று இருந்தவர் தான் .
ஆனால் அவருக்கு பெரிதாய் அரசியல் ஆர்வம் ,ஈடுபாடு,நோக்கம் ஏதும் கிடையாது என எம் .ஆர் .ராதா சொல்வார் . அவருக்கு சினிமாவில் எப்படியாவது முன்னுக்கு வர ஆர்வம் இருந்தது .உடம்பை மிகவும் கவனமாக பேணுவதில் அக்கறை இருந்தது . மது,சிகரட் கிடையாது .அப்போது மராட்டிய சிவாஜியாக எம்ஜியாரை நாடகத்தில் நடிக்க வைக்க வேண்டி பெரியார் விரும்பி சொல்லி விட்டாராம் . எம்ஜியாருக்கு அரசியல் சாயம் பூசிக்கொள்ள விருப்பமில்லாததால் மறுத்து விட்டார் . பின்னர் ஈ.வி . கே சம்பத் தான் சிவாஜியாக நாடகத்தில் நடித்தாராம்.அதன் பின்னர் வி .சி .கணேசன் அந்த நாடகத்தில் சிவாஜியாக நடித்து பெரியார் வாயால் சிவாஜி கணேசன் என அழைக்கப்பட்டு பிரபலமாகி திரையுலகிலும் சிவாஜி கணேசன் ஆனார்.
எம்ஜியார் முதல் முறையாக முதல்வர் ஆனபோது நடந்த விஷயம் நினைவிற்கு வந்தது. எம்ஜியார் தன் அரசியல் பிரக்ஞை ரொம்ப பழைமையானது என வலியுறுத்த வேண்டி ' அன்றைய தினம் வெள்ளையனே வெளியேறு இயக்கத்தின் போது, மகாத்மா காந்தி அவர்கள் உண்ணாவிரதம் இருந்த போது, நானும் உண்ணாவிரதம் இருந்தேன் ' என என்னத்தையோ உளறினார். உடனே வெற்றிகொண்டான் இதை தன் பாணி தாக்குதலுக்கு பயன்படுத்திக்கொண்டது இப்படி !
" குல்லாக்காரப்பய வாயத்தொறந்தாலே புழுகித்தள்ளுறான்! காந்தியும் நானும் ஒண்ணா ஒரே மேடையிலே உண்ணாவிரதம் இருந்தேன்னு சொல்லுறாய்யா! இவன் பொய்யுக்கு அளவே இல்லாம போயிடிச்சே! நான் கூட நம்ம கோடம்பாக்கம் காந்தி கிட்டே " ஏலே ! நீயாடா? உன்னோட குல்லாக்காரன் சேர்ந்து ஏதும் உண்ணாவிரதம் இருந்தானாடா?"ன்னு கேட்கிறேன் .அவன் பதறிப் போய் " சத்தியமா நான் இல்லே அண்ணே ..." ன்னு புலம்புறான் . குல்லாக்காரப்பய மகாத்மா காந்தியாத்தான்யா சொல்றான் !"

(காந்தியார் உண்ணாவிரதம் இருக்கிறபோதெல்லாம் நாடெங்கும் பலரும் அப்போது உண்ணாவிரதம் இருப்பார்கள் தான்.)

குல்லாக்காரப்பய.... குல்லாக்காரப்பய என்று எம்ஜியாரை கோமாளியாக சித்தரித்து வெற்றி கொண்டான் அப்போது கூட்டத்தை சிரிக்கவைத்து பலருக்கு வயிறே புண்ணாகி விடும் .

எம்ஜியார் திடீரென்று " நான் மன்றாடியார் பரம்பரை " என்றார் .கருணாநிதி தன் பதிலாக " ஆம் . டெல்லியில் மன்றாடிய பரம்பரை !"என்றார் .
அப்போது திமுக மேடைகளில் வெற்றி கொண்டான் செய்த கலாட்டா -" நான் பக்தவத்சலத்தை பார்க்கப் போயிருந்தேன். அவர் அழுது கொண்டே சொன்னார் .
" இந்த குல்லாக்காரப்பய என்ன நிம்மதியா சாக விடமாட்டான் போல இருக்குப்பா.''
" ஏன்யா இப்படி கவலைப்படுகிறீர்கள் ?" என்று நான் கேட்டேன் .
பெரியவர் பக்தவத்சலம் விம்மிக்கொண்டே சொன்னார் " திடீர்னு குல்லாக்காரன் 'நான் முதலியார் . பக்தவத்சலம் தான் எங்க அப்பா' ன்னு சொல்லிட்டா என்ன செய்யறது ?"
தமிழக முதல்வர் ஆக இருந்த காலத்தில் பத்திரிகைகளில் கார்ட்டூனில் பக்தவத்சலத்தை குரங்கு போலவே வரைவார்கள் .ஜெயந்தி நடராஜனின் தாத்தா.

மோகன் குமாரமங்கலம் விமான விபத்தில் மறைந்த மறு நாள் மதுரை ஆரப்பாளயத்தில் நடந்த திமுக கூட்டத்தில் வெற்றி கொண்டான் பேசியது :
கடவுள் மோகன் குமாரமங்கலத்திடம் கேட்டார் " மோகன்! நீ கலைஞரை ரொம்ப திட்டுற .
மோகன் குமாரமங்கலம் பதில் : ஆமா கடவுளே . அது தான என் வேலை . திமுக வை எம்ஜியாரை வைத்து உடைத்ததே என் வேலை தான் . இந்திராகாந்தி இந்த மாதிரி வேலை செய்யறதுக்காகவே என்ன மத்திய மந்திரியாக்கி வச்சிருக்கு கடவுளே !
கடவுள் : மோகன் !நீ இந்த மாதிரி வேலையை நிறுத்து . கலைஞரை திட்டாதே .

மோகன் : முடியாது கடவுளே !

கடவுள் : அப்ப நீ கலைஞரை திட்டுவே ?

மோகன் : ஆமா கடவுளே !

கடவுள் : திட்டுவ நீ ?

மோகன் : ஆமா திட்டுவேன் .

கடவுள் : சரி நீ ஏறு ப்ளேன்னுலே !!

எம்ஜியார் ஆட்சியில் முதல் முறையாக கருணாநிதி கைது செய்யப்பட்ட நிகழ்வைப் பற்றி வெற்றி கொண்டான் : மாஜிஸ்ட்ரேட் சொன்னார் ' கருணாநிதியை கைது செய்ய உத்தரவிடுகிறேன் '. அப்படி சொன்னது தான் தாமதம் . அந்த கோர்ட்டுக்கு எதிரே ஒரு ஓட்டல் .நல்ல பெரிய ஓட்டல் . நீங்க ஓட்டல்காரன் கிட்டே இப்ப கேளுங்க . இன்னைக்குப் போயி கேளுங்களேன் . அவன் சொல்வான் ." இந்த இடத்திலே தான் என் ஓட்டல் இருந்துச்சி " ஓட்டல் இருந்த இடத்த கை நீட்டி காட்டி இன்னைக்கும் சொல்றான் ." இந்த இடத்திலே தான் என் ஓட்டல் இருந்துச்சி "

( கருணாநிதி கைது உத்தரவைக் கேட்டவுடன் கொதித்துப்போய் ஆவேசத்தில், உடனே ,உடனே உடன் பிறப்புகள் ஓட்டலை அடித்து நொறுக்கி விட்டார்களாம்..இப்போ வெறும் பொட்டல் தான்.ஓட்டல் கட்டிடம் தூள் தூளாகி விட்டது என்று அர்த்தம் !)

நாவலர் நெடுஞ்செழியன் பற்றி வெற்றி கொண்டான் : அது ஒன்னு இருந்துச்சுய்யா எங்க கிட்டே . நல்லா நெடு ,நெடுன்னு , கொழு ,கொழுன்னு .. அடிச்சி பிரியாணி பண்ணியிருந்தா அம்பது பேர் சாப்பிட்டிருக்கலாம் .

திருச்சி திமுக கூட்டமொன்றில் சில வருடங்களுக்கு முன் ஜெயலலிதாவின் வீடு பற்றி வெற்றி கொண்டான் : டே! உன் தலைவி ஜெயலலிதா போயஸ் கார்டன் வீட்டுக்கு வேதா நிலையம்னு பேர் எப்படி வந்துச்சி தெரியுமா . வேதாசலம் முதலியார்னு மதுராந்தகத்துலே ஒர்த்தன் . அவன் தான் ஜெயலலிதா அம்மா சந்தியாவை கொஞ்ச நாள் அந்த காலத்திலே ஓட்டிக்கிட்டு இருந்தான் . அவன் கிட்ட இருந்து புடுங்குன வீடு தான் இப்ப உன் தலைவி இருக்குற ' வேதா நிலையம் '!

ஐயப்ப மாலை போட்ட கல்யாண் குமார்

2009-12-05T18:46:00.003+05:30

டிசெம்பர் மாதம்! நிறைய பேர் ஐயப்பனுக்கு மாலை போட்டு விரதம் இருக்கிறார்கள்.

'நெஞ்சில் ஓர் ஆலயம் ' கல்யாண் குமார் தான் அய்யப்பனுக்கு மாலை போட்ட அனுபவம் பற்றி என்னிடம் சொன்னார்.

எங்கும் சுற்றி ரங்கனைச் சேர் என ஒரு பழமொழி உண்டு. ஆனால் கல்யாண்குமார் எப்போதுமே ஸ்ரீரங்கம் கோவில் பக்தர். இதில் அதிசயம் ஒன்றும் இல்லை. ஏனென்றால் அவர் கன்னட ஐயங்கார். இவருக்கு ஐயப்பனுக்கு மாலை போட வேண்டும் என்ற எண்ணம் நம்பியார் சுவாமி மூலம் ஏற்பட்டிருக்கிறது . முப்பத்தைந்து வருடங்களுக்கு முன் இவர் மாலை போட்டு ஐயப்பன் கோவிலுக்கு போக ஆயத்தமாகிவிட்டார் . 41 நாட்கள் விரதம் முடிகிற நேரம் . மறுநாள் காலை மலைக்கு கிளம்பும் குழுவுடன் கிளம்ப வேண்டும் . கையில் பைசா காசு இல்லை. சொத்துக்களை இழந்து அசதியாகி விட்ட காலம் அது .ஐநூறு ரூபாய் தேவைப் பட்டதாம் . சரி தான். நாளை ஐயப்ப தரிசனம் இல்லை தான் போல என சோர்ந்து விட்டாராம் . இரவு தூக்கம் இல்லாமல் புரண்டிருக்கிறார் . அசந்து தூங்கிய நேரம் இரவு இரண்டு மணிக்கு மேல் வீட்டுக் கதவை யாரோ தட்டியிருக்கிறார்கள் . கதவை திறந்தால் இவருடன் நாடகங்களில் கதாநாயகியாய் நடிக்கும் நடிகை . கலைந்த தலையுடன் அவரும் சோர்வாகத்தான் இருந்திருக்கிறார் . 'என்னம்மா ?'
நடிகை சொன்னாராம் ." அண்ணே இன்னைக்கு விடிஞ்சா நீங்க ஐயப்பன் கோவிலுக்கு கிளம்பனும் . உங்களிடம் காசும் இல்லை . எனக்கு தெரியும்ணே.அதுக்காக நான் ஒரு காரியம் செஞ்சேன் . " ஒரு வி வி ஐ பி பெயரை அந்த நடிகை சொல்லி " அவருட்ட போய் படுத்து எந்திரிச்சி அவர் கொடுத்த காசை வாங்கிக்கிட்டு வந்திருக்கேன் அண்ணே . இந்தாங்கண்ணே . கோவில் காரியத்திற்கு வச்சிக்கங்க . மலைக்கு போயிட்டு வாங்க . "

கல்யாண்குமார் திகைத்துப் போய் நின்றிருக்கிறார்.

"யோசிக்காதீங்க.. நாய் வித்த காசு குரைக்காது. தைரியமா போயிட்டு ஐயப்பனை சேவிச்சிட்டு வாங்க . வாங்கிக்கங்க அண்ணே "

கல்யாண் குமார் என்னிடம் சொன்னார் ." அவ அந்த வி வி ஐ பி யோட பஜனை பண்ணி வாங்கிட்டு வந்த காசிலே அன்னைக்கு மலைக்கு போயிட்டு வந்தேன் . ஆனா தரிசனத்தின் போது ஐயப்பன் ஜோதி யாய் என்னிடம் '' எங்கடா வந்தே ! எப்படி வந்தே ?" என்று என்னைப் பார்த்து கேட்டதாக எனக்கு ஒரு பிரமை .
" சத்தியமா இனி உன்னைப் பார்க்க நான் வரவே மாட்டேன் . என்னை மன்னிச்சிக்க " என்று சொன்னவன் அதன் பிறகு ஐயப்பனுக்கு மாலை போடவேயில்லை. "

கல்யாண் குமார் மேலும் சொன்னார் . "சில சாமி சிலருக்கு Vibrateஆகும். சில தெய்வங்கள் அதே சிலருக்கு Vibrate ஆகாது. எனக்கு ரங்கநாதன் தான். ஐயப்பன் ஒத்து வரலே."

ஸ்ரீரங்கம் கோவில் பெருமாளுக்கும் திருப்பதி பெருமாளுக்கும் உள்ள விஷேச குண நலன் பற்றி கல்யாண் குமார் சொன்ன சுவாரசியமான விஷயம் - ஸ்ரீரங்கப் பெருமான் பக்தர்கள் சொல்லும் கஷ்ட நஷ்டங்களுக்கு காது கொடுத்து கேட்பார் . ' சரி . அதனாலே என்ன . கஷ்டப்படத்தானே மனுஷப்பிறப்பு.சொல்லிட்டே .போயிட்டு வா ' என்பாராம் . திருப்பதி சாமி கொஞ்சம் வித்தியாசமானவர் . பக்தன் தன் துயரத்தை சொல்லி அழுதவுடன் ' அப்படியா . இந்த கஷ்டம் சிரமாயிருக்கோ . சரி இனி இந்த வழி உனக்கு ' என்று ஒரு திருப்பத்தை ஏற்படுத்தி விடுவார் . பழைய கஷ்டம் போய்விடும் . புதிய திருப்பு முனையில் புதிய பிரச்னை, சிரமம் காத்திருக்கும்! '

What a piece of work is a Man!

2009-12-01T19:30:00.012+05:30

R.P.ராஜநாயஹம் யார் ?

இலக்கிய உலகில் திணிக்கப்பட்ட அடையாளங்கள்

தி.ஜானகிராமனின் பரம ரசிகன்.

அசோகமித்திரனின் சீடன் .

Shakespearean scholar!

மணிக்கொடி சிட்டி ராஜநாயஹத்திற்கு கொடுத்த பட்டம் - கலியுக கர்ணன்

கோணங்கி கொடுத்த பட்டம் - வசீகர கோமாளி

கல்லூரி கால நண்பர்களுக்கு - GABIE. இன்றைக்கும் பால்ய நண்பர்கள் எல்லோரும் 'கேபி ' என்றே அழைக்கிறார்கள்.

உறவினர்கள் அனைவருக்கும் -துரை ( R.P.ராஜநாயஹம் என்ற என் பெயர் சொந்தக்காரர்கள் அனைவருக்கும் மிகவும் அந்நியமானது . எங்கள் குடும்பங்களில் பலருடைய பெயரில் ராஜநாயஹம் உண்டு . தாத்தா பெயர் என்பதால் பல ராஜநாயஹம்! அதனால் துரை என்றால் மட்டும் தான் நான் என்பது அவர்களுக்கு புரியும். )

ஜெயமோகன் எனக்கு கொடுத்த பட்டம் - காலச்சுவடின் ஒற்றன்

காலச்சுவடு கொடுத்த விருது - ஊட்டி வரை உறவு !

சாரு நிவேதிதா கொடுத்த பட்டம் -
லியர் மன்னன் ராஜநாயஹம்!

பாரதி மணி கொடுத்த பட்டம் -
'அண்டி உறைப்பு 'ராஜநாயஹம்!

சில உண்மைகளையும், தன் மனதில் இருப்பதை வர்ணம் பூசாது, வெளியே சொல்லவும், ஒரு தைரியம் வேண்டும்.அந்த நெஞ்சுரம், ‘தில்’, மலையாளத்தில் ‘அண்டி உறைப்பு'

Carnal Thoughts -26

2009-11-24T19:42:00.003+05:30

மோகவாதையில் கண்கள்

கலவியின் உச்சம் காணும்போது கண்கள் நிலை ? சொருகி மூடிய கண்கள்!

கு.ப.ராவின் " ராஜபிக்ஷினி '' சிறுகதையில்

"சுக சிகரத்தில் ராஜ்ய ஸ்ரீ
அரசன் கிருகவர்மன் ஓர் இளம் காதலனின் நித்யவேட்கையிலேயே இருந்து கொண்டு , அவள் காதுகளில் ஈரச் சொற்களை இரகசியமாக நிரப்பி, இடைவிடாது ஏகாந்தத்தில் அவளைப் புல்லரிக்கச் செய்தான். சதா கண்மூடி மௌனமாகும் காதல் நிலையை அளித்தான்."

பாரதி தன் பங்குக்கு
அந்த மின்னற்சுவையனுபவ வினாடிகளில்,
மோகவாதையில் கண்கள் நிலை பற்றி குயில் பாட்டில் சொல்கிறார் !

"ஆவிக்கலப்பின் அமுத சுகந்தனிலே

மேவியாங்கு மூடியிருந்த விழி நான்கு "

மோகப்பெருமயக்கு நிலையில்

விழியில் மிதந்த கவிதையெல்லாம் சொல்லில் அகப்படுமா?

எம் ஆர் ராதா வாழ்வில் பிராமணர்கள் .

2009-11-23T17:15:00.004+05:30

சங்கரதாஸ் சுவாமிகளை " நாடக உலகத்தந்தை " என எல்லோரும் சொல்வதை
எம்.ஆர் .ராதா ஏற்றவரல்ல.' நாடக உலகின் தந்தை ஜெகந்நாதய்யர் தான் 'என எப்போதும் உறுதியாக ராதா சொல்வார்.

" மதுரை ஸ்ரீ பால மீன ரஞ்சனி சபா." முதலாளி ஜெகந்நாத அய்யர்.

ஜகன்னாத அய்யர் நூறு வருடங்களுக்கு முன் தன் நாடகக் கம்பெனியில் நடிகர்களிடம் ' சம பந்தி போஜனம் ' கொண்டு வந்து புரட்சி செய்தவர் .

கிட்டப்பா இந்த நாடக கம்பெனியில் சேர தன் அண்ணன் தம்பிகள் ஐந்து பேரோடு வந்தார் ." கிட்டப்பா ஒருத்தனுக்காக இத்தனை பேரை வெச்சி என்னாலே சமாளிக்க முடியாது ''ன்னு சொல்லி ஜகன்னாத அய்யர் திருப்பி அனுப்பி விட்டார்.

ஜகன்னாத அய்யர் கம்பெனியிலிருந்து என் . எஸ் . கே சொல்லாமல் கொள்ளாமல் கிளம்பி கொல்லம் போய் டி .கே .எஸ் . கம்பெனியில் சேர்ந்து விட்டார். ஜகன்னாத அய்யர் உடனே போலீசில் ' கம்பெனி நகையை திருடி விட்டான் ' என்று என் .எஸ் .கே மீது புகார் கொடுத்து விட்டார் . போலிஸ்
என் .எஸ் . கே யை விலங்கிட்டு அவரை ஜகன்னாதய்யரிடம் அழைத்து வந்தார்களாம் . மீண்டும் கம்பெனியில் சேர்ந்தார் என் .எஸ் .கே .

எம் . ஆர் .ராதாவின் நடிப்பு வாழ்க்கைக்கு அஸ்திவாரம் பலமாகப் போட்டவர் ஜகன்னாத அய்யர் தான் . இவர் மீது ராதாவுக்கு மிகுந்த மரியாதை.

ராதா தன் வாழ்க்கையில் ரொம்ப உயர்ந்த இடத்தில் வைத்து தொழுகையே நடத்திய உத்தமர் ஒருவர் உண்டு . அவர் ஜட்ஜ் கணேசய்யர் ."கண் கண்ட தெய்வம் கணேசய்யர் " என்று நெகிழ்ந்து குறிப்பிடுகிறார்.
"விமலா அல்லது விதவையின் கண்ணீர் " என்ற நாடகத்திற்கு நாகையில் சனாதனிகள் தடை செய்யவேண்டும் என்று கோர்ட்டில் வழக்கு தொடர்ந்த போது அந்த நாடகத்தை ஜட்ஜ் கணேசய்யர் பார்த்து விட்டு ராதாவை வானளாவ புகழ்ந்து நாடகம் நடப்பதற்கு தடையேதும் இல்லை என தீர்ப்பு வழங்கினார் .

தான் காதலித்த ஒரு பெண்ணை சக நடிகர் சைட் அடித்தார் என்பதற்காக ராதா கோபமாகி அந்த நடிகர் மீது திராவகத்தை ஊற்றிய போதும் கணேசய்யர் அந்த கேசில் இருந்து காப்பாற்றினார்.

இந்த திராவகம் வீசப்பட்ட நடிகர் பின்னாளில் ராதா எம்ஜியாரை சுட்ட கேசில் ஒரு சாட்சியாக சேர்க்கப்பட்டார் .ஆனால் அவர் ராதாவுக்கு எதிராக சாட்சி சொல்ல மறுத்துவிட்டார் . ஏனென்றால் அந்த நடிகர் அந்த நேரத்தில் ராதாவின் நண்பர் ஆகியிருந்தார் . நண்பரானது எப்படி என்பது புரியாத புதிர் என்கிறார் ராதா .

திராவிட கழக மாநாடு ஒன்றில் கொடி பிடித்து குதிரையில் ராதா வந்த போது அந்த குதிரையை ஒரு காங்கிரஸ் காரர் சீண்டி அதன் பின்னங்கால்களால் உதை வாங்கி இறந்து போனார் . அவரை எச்சரித்தும் அந்த ஆள் மீண்டும் குதிரையை சீண்டியதை தொடர்ந்ததால், ராதா தான் டெக்னிக் ஆக குதிரை கடிவாளத்தை பிடித்து உதைக்கும்படி செய்திருக்கிறார் . அந்த கேசில் இவருக்கு தூக்கு கூட கிடைத்திருக்க வேண்டியது. அப்போதும் ராதாவுக்கு ஆபத் பாந்தவராக கணேசய்யர் தான் காப்பாற்றியிருக்கிறார் .

இந்த தன் குற்றங்களை சொல்லும்போது ராதா இந்த விஷயங்கள் பத்திரிகையில் வெளிவரும்போது ஜட்ஜ் கணேசய்யர் கெளரவம் பாதிக்கப்படக்கூடாதே என்ற பதற்றத்தையும் வெளிப்படுத்துகிறார் .

இரண்டாம் உலக யுத்த காலத்தில் பிரிட்டீசாருக்காக யுத்த எதிர்ப்பு நாடகங்கள் நடத்துவதற்கு ராதாவுக்கு மிகப்பெரிய தொகையை ஏற்பாடு செய்து கணேசய்யர் உதவி செய்தார். அவர் வாழ்வில் மகத்தான திருப்பம் இந்த உதவி . அப்போது
எம்.ஆர்.ராதா தளுதளுத்து கண்ணில் நீர் பொங்க கணேசய்யரை கையெடுத்து கும்பிட்டு சொன்னார் " தெய்வம் வெளியே இல்லே. நமக்குள்ளே தான் இருக்குன்னு பெரியவங்க சொல்லக் கேட்டிருக்கிறேன் . இன்னிக்குத் தான் அந்த தெய்வத்தை நேருக்கு நேராப் பார்க்கிறேன். "

ராதா வாழ்விலிருந்து முழுவதுமாக வறுமையை அகற்றியவர் ஜட்ஜ் கணேசய்யர் தான். புகழ், பணம், செல்வாக்கு எல்லாமே அப்புறம் ராதாவைத்தேடி ஓடி வந்து குவிந்தது .

ராதா மதித்த இன்னொரு பிராமணர் திருவாரூர் சர் ஆர் . எஸ் . சர்மா. அவரைப் பற்றி ராதா பூரிப்புடன் சொன்னது " அவர் ஆரியர்களுக்கு கொடுத்ததை விட திராவிடர்களுக்குக் கொடுத்தது தான் அதிகம்."

பரத நாட்டிய கலைக்கு பிராமணர்களால் தான் உன்னதப் பெருமை கிடைத்தது என ராதா அழுத்தமாக நம்பினார்." ஒரு காலத்தில் தாசிகளுக்கே உரிய கலையாயிருந்த பரதக்கலை பிராமணர்களால் புனிதமான கலையாயிடிச்சி. அந்தக் கலைக்காக பிராமணர்கள் தங்கள் வீட்டுப் பெண்களை அர்ப்பணம் செய்றாங்களே!" பரவசமாக சொல்கிறார் .

'சிறைச்சாலை சிந்தனைகள் ' என்ற நூல் ராதா அப்போது எம்ஜியார் கேசில் சிறையிலிருந்து வெளி வந்தவுடன் விந்தன் அவரை பேட்டியாக எடுத்தது.
ராதாவின் ஒவ்வொரு அமர்க்களமான,அடாவடியான கருத்துகளுக்கும்
( அவருடைய அபிப்பராயங்கள் பல பாமரத்தனமானவை ) விந்தன் comments தான் நூலில் ஒரு செயற்கையான குறை. ஏனென்றால் ப்ளாகில் வருகின்ற பல அபத்த பின்னூட்டங்கள் போலவே இருக்கின்றன விந்தன் தன் பேட்டியில் எம் ஆர் ராதாவின் பேச்சில் பிரமித்து ஏதேதோ சொல்வது .

கதிரில் வெளிவந்த தொடரை முழுவதும் பைண்ட் செய்து ஒரு நண்பர் வைத்திருந்ததை 25வருடங்களுக்கு முன் படித்திருக்கிறேன் . ஆனால் இப்போது வெளி வந்துள்ள நூலில் பல விஷயங்கள் எடிட் செய்யப்பட்டுள்ளன என தெரிகிறது .

அவர் காலத்து மற்ற நடிகர்களைப் போலவே ராதா நிறைய..நிறைய்ய பலவீனங்கள் கொண்ட மனிதர். ஆனால் அவரிடம் ஏனைய நடிகர்களிடம் இருந்த hypocrisy கிடையாது என்பது தான் அவரின் குண விஷேசம். தான் செய்த மோசமான தவறுகளைக்களைக்கூட வெளிப்படையாக பேசிய ஒரே தமிழ் நடிகர் ராதா மட்டுமே.
ராதா அவருடைய அபூர்வமான தனித்துவமான நடிப்புக்காக மிகுந்த கவனத்துக்குரியவர்.

ரசிகர்கள்- தொண்டர்கள் பரவசம்

2009-11-21T16:25:00.010+05:30

இப்போது Personality Cult பரவசம் என்பது சம்பந்தப்பட்ட பெருந்தலையை தாண்டி அந்த பெருந்தலையின் தாய்தந்தையர், சகோதரர், மன்றத்தலைவர்கள் ஆகியோருக்கும் தொண்டர்கள், ரசிகர்கள் தீவிர பரவச ராஜ மரியாதை காட்டத்துவங்கி விட்டார்கள் .

கொஞ்ச வருடங்களுக்கு முன் திருப்பூரில் ரஜினி ரசிகர்கள் அவர்களின் தலைமை ரசிகர் மன்ற தலைவர் சத்தியநாராயணா அவர்களுக்கு அவர் கலந்து கொள்ளும் திருமண வைபவங்களில் எல்லாம் ரஜினிக்கு கட் அவுட், பேனர் வைக்கின்ற போதெல்லாம் தங்கள் இதய தெய்வம் ரஜினிக்கு வைப்பது போலவே சத்திய நாராயனாவுக்கும் கணக்கில்லாமல் வழி நெடுக பேனர்கள் கட் அவுட் வைக்கின்ற வழக்கம் மேற்கொண்டார்கள் . ஒரு ரஜினி ரசிகரிடம் இது பற்றி அப்போது கேட்ட போது ,எந்த ஊருக்கு சத்திய நாராயணா போனாலும் இப்படித்தான் அவருக்கு மரியாதை செய்யப்படுகிறது என புல்லரித்து ,செடியரித்து , மரமரித்து பயபக்தியோடு சொன்னார் . பல ரசிகர் மன்ற உறுப்பினர்கள் தங்கள் விசிட்டிங் கார்டில் ரஜினி படத்தோடு சத்தியநாராயணா படத்தையும் சேர்த்து அச்சிட்டிருக்கிறார்கள்.

அந்த காலத்தில் அகில உலக எம்.ஜி .ஆர் . ரசிகமன்ற தலைவராயிருந்த திருச்சி சௌந்தர் ராஜன், முசிறிப் புத்தன் இந்த மாதிரி ராஜ மரியாதை , கட் அவுட் , பேனர்கள் எல்லாம் பார்த்ததே இல்லை.அகில உலக சிவாஜி ரசிகர் மன்றங்களின் தலைவராயிருந்த சின்ன அண்ணாமலை,தளபதி சண்முகம்,ராஜசேகரன் போன்றவர்கள் கூட இந்த கட் அவுட், பேனர் மரியாதையெல்லாம் அனுபவித்ததேயில்லை.

நேற்று இங்கே ரஜினியின் சொந்த சகோதரர் சத்தியநாராயண ராவ் ஒரு திருமண வைபவத்திற்கு வந்த போது திருப்பூர் நகரம் தாராபுரம் ரோடு , காங்கேயம் ரோடுமுழுக்க பேனர்கள் . அவினாசி ரோடு , பெருமாநல்லூர் ரோடு , முனிசிபாலிடி ரோடு கூட இப்படித்தான் இருந்திருக்கும் . நான் அந்தப் பக்கம் என் ஸ்கூட்டரில் நேற்று போகவில்லை. எனவே இங்கே அந்த ரோடுகளை சேர்க்கவில்லை.

" மன்னனின் அண்ணனே "

"எங்கள் தெய்வத்தின் தொப்புள்கொடி உறவே "

" எங்கள் தலைவனின் ரத்தத்தின் ரத்தமே ''

' ' அவதாரத்துடன் பிறந்த பலராமனே " ( இது என் சரக்கு. ரஜினி ரசிகர் யாருக்காவது இதை தெரியப்படுத்தினால் அடுத்து எந்த ஊரிலாவது சத்திய நாராயண ராவ் அவர்களுக்கு இந்த ' அவதாரத்துடன் பிறந்த பலராமனே ' வாழ்த்துடன் கட் அவுட் இடம் பெறப் போவது சர்வ நிச்சயம்! )

இங்கே இன்னொரு கல்யாண மண்டபத்திற்கு இளைய தளபதி விஜய் யின் தகப்பனார் எஸ் .ஏ . சந்திரசேகர் வந்திருந்தாராம் . அவருக்கு விஜய் ரசிகர்கள் பரவச பேனர் வாழ்த்து '' எங்கள் தந்தையே !" இரண்டு கைகளாலும் தலையில் அடித்துக்கொள்ளலாம்.

காந்தியாரின் பெற்றோருக்கு , குஜராத்திலோ , பிற இந்திய மாநிலங்களிலோ சிலைகள் நிறுவி மகிழ்ந்திருக்கிறார்களா? ஒரு தகவலுக்காக கேட்டேன் . ஏனென்றால் தமிழகத்தில் திருநெல்வேலி ராதாபுரத்தில் முத்து வேலர் - அஞ்சுகத்தம்மா இருவருக்கும் சிலைகள் திறக்கப்பட்டுள்ளன.

திமுக இரண்டாம் மட்ட, மூன்றாம் மட்டமான தலைவர்களிலிருந்து , அடி மட்ட தொண்டர்கள் வரை இனி திருநெல்வேலி போனால் ராதாபுரம் அவர்களுக்கு ஜெருசலேம் , மெக்கா மதினா தான். பழனி ,திருப்பதி , குருவாயூர் போல புண்ணிய தலம் ! அவனவன் சூடத்தை கொளுத்தி... தேங்காயை ஒடைச்சி, துண்டப் போட்டு தாண்டி .....

அண்ணா திமுக இரண்டாம் மட்ட, மூன்றாம் மட்டமான தலைவர்கள் ஆவேசத்தில் இருக்கிறார்களாம். அம்மா ஆட்சி மீண்டும் வரும்போது (அண்ணாத்துரை சிலை மாடலில்) ' ஆள் காட்டி விரல் மட்டும் காட்டி நிற்கும் சந்தியா ' சிலைகள் தமிழக முக்கிய நகரங்களில் நிறுவி பழிக்கு பழி வாங்க கறுவிக் கொண்டிருக்கிறார்கள் என கேள்வி!

பெண்ணியமும் குசும்பனும்

2009-11-20T16:16:00.015+05:30

Carnal Thoughts -22 ல் வந்த குசும்பன் என்னைப் பார்க்க வந்தான். வரும்போதே " பெண்ணே உன் கதி இது தானா ? உன் பெண்மை ஆண்மைக்கு பலி தானா ?" என்று உருக்கமாக சிதம்பரம் ஜெயராமன் பாடலை பாடிக்கொண்டே வந்தான். " பெண்ணியவாதியாக மாற முடிவு செய்து விட்டேன். " என்றான் .
" நீ சும்பன் மனைவி ஒத்தப்பட்டி தமன்னா பற்றி ரொம்ப பேசியவனாச்சே.நிசும்பன் கூட என்னிடம் சொன்னானே " - நான்.

"இனி எதையுமே ஒற்றைப் பரிமாணத்தில் பார்க்கவே மாட்டேன்.
இப்போ ஒத்தப்பட்டி தமன்னா வாழ்க்கையை வேறு கண்ணோட்டத்தில், பல பரிமாணங்களில் அலசிப் பார்க்கிறேன். என் வாழ்வில், என் அறிவில், சிந்தனையில் ,பார்வையில், கண்ணோட்டத்தில் பெரிய transformation நடந்த விஷயம் உனக்கு தெரியாதா ? நிறைய படிக்கிறேன் .நான் பெண்ணியவாதிகளின் ஆதரவாளன் " முகம் சிவக்க சொன்னான் குசும்பன்.

ஆண்கள் பாதுகாப்பு சங்கம் பற்றி கடும் அதிருப்தியையும் வெளியிட்டான்.

பெண்ணியவாதிகளுக்கு எதிரான சுன்னியவாதிகளை ஒரு கை பார்க்க சபதம் ஏற்றிருப்பதாக குசும்பன் சொன்னான்.

'இன்று இலக்கியக் கூட்டம் ஒன்றில் பெண்ணியம் சார்பான கருத்துக்கள் பேசப் போகிறேன்.பெண்ணியம் பற்றி பேச சில க்ளூ கொடுக்கமுடியுமா?' என்றான்.

' பெண்ணியம் மீது உனக்கு ஆர்வம் எப்படி ஏற்பட்டது '

' பெண்ணியம் பேசினால் படிக்காத /படித்த பெண் படைப்பாளிகள் நட்பு கிடைக்குமாமே.என் நட்பு வட்டாரம் வண்ண மயமாகுமே! ' -குசும்பன்.

தொடர்ந்து சொன்னான். 'பெண்கள் எப்படியெல்லாம் நசுக்கப்பட்டார்கள். அடிமைகளாய் கொடுமைப் பட்டார்கள் என்பதற்கு சரித்திரத்தில் இருந்து சில விஷயம் நீ சொன்னால் நான் இன்று இலக்கியக் கூட்டத்தில் பிச்சி உதறி விடுவேன். ராஜாக்கள் அந்தகாலத்தில் எப்படி பெண்களை போகப் பொருள்களாக பயன்படுத்தினார்கள். ஒரு ரெண்டு சரித்திர ஆதாரம் சொல்லு .. சொல்லு .. சொல்லு.. '

நான் தொண்டையை செருமிக் கொண்டு யோசித்தேன் .

'எனக்கு வழி விட்டுப் பிசகி நிற்கிற பல விஷயங்களைத் தெரிந்து கொள்ளவேண்டும் என்கிற ஆசையுண்டு' என்று சொல்லும் க.நா. சு. என் நினைவுக்கு வந்தார். என்ன அழகாக எழுத்தாளனின் urge பற்றி சொல்லிவிட்டார்! க நா சு ' வாழ்ந்தவர்கள் கெட்டால் ' நாவலில் சொல்கிற விஷயத்தை அவனுக்கு எடுத்துக் காட்டினேன்."தஞ்சாவூர் மன்னர்களில் கடைசியாக ஆண்டு பிரிட்டிஷார் கையில் நகரையும் ,ராஜ்ஜியத்தையும் ஒப்படைத்து விட்டுப்போன சிவாஜி ராஜாவுக்கு ' மனைவிகள் நூற்றி நாற்பத்தி எட்டுப் பேர்! ஆனால் ஒரு குழந்தையும் பிறக்கவில்லை ! ராஜகுடும்பத்துக்கு முற்றுப் புள்ளி வைத்த ஓர் உண்மை !''

குசும்பன் முகம் சிவந்து விட்டது . ' அயோக்கியன்! பெண்களை வாழ விடுங்கள்டா டே " ஆணினத்தையே மானசீகமாக கண் முன் நிறுத்தி உணர்ச்சி வசப்பட்டு கத்தினான். அடுத்த நிமிடமே அவன் முகம் பிரகாசமானது !" பிரமாதம்! இன்னொன்று சொல் போதும் "

இந்திரா பார்த்தசாரதி சொன்ன ஒரு விஷயத்தை அவனுக்கு கவனப் படுத்தினேன்.

"டைப்பீரியஸ் என்ற ரோம மன்னனுக்கு ஒரு விசித்திர ஆசை ஏற்பட்டது . இளஞ்சிறுமிகள் கழுத்து நெரிக்கப் பட்டுக் கொல்லப்படுவதை பார்க்கவேண்டும் என்று விருப்பம். ஆனால் அந்தோ! ரோமானிய மதச்சட்டம் கன்னிப்பெண்கள் கொலை செய்யப் படுவதற்கு தடை விதித்து இருந்தது . ரோம மன்னனோ ஆழ்ந்த மத நம்பிக்கை கொண்ட பரிசேயன். யோசித்து மன்னன் ஒரு தீர்வு கண்டான். ' இளஞ்சிறுமிகள் கழுத்து நெரிக்கப்பட்டு கொல்லப் படுவதற்கு முன்னாலே, கற்பழிக்கப் படவேண்டும் என்று கட்டளையிட்டானாம். "

குசும்பன் இன்றைக்கு பெண்ணியம் பேச இரண்டு விஷயம் கிடைத்து விட்டது என்ற குஷியில் ஜாலியாக குதித்து " பெண்ணே ! உன் கதி இது தானா! உன் பெண்மை ஆண்மைக்கு பலி தானா" என ரொம்ப உற்சாகமாக பாடிக்கொண்டே ஓடியே போய் விட்டான்!

எனக்கு ஒரு நன்றி கூட சொல்லவில்லை போங்கள்.

திருநாவுக்கரசர் ஞானோதயம்

2009-11-19T18:13:00.011+05:30

உங்க ஊர் எதுங்க என்று சமீபத்தில் ஒருவரை கேட்க நேர்ந்தது . அவர் " 'பு 'நால ஆரம்பிச்சு 'டை ' யன்னாலே முடியுற ஊர் தான் என் ஊருங்க " என்றார் . "முதல் எழுத்து ' பு ' .கடைசி எழுத்து 'டை ' " என்று மீண்டும் சொன்னார் .
நான் அதீத ஆரோக்கிய பிரக்ஞை யுடன் இதை அலசி ஆராய்ந்து, இந்த மனிதர் தத்துவார்த்தமாக சித்தர் பாணியில் பேசுகிறார் போலும் என யோசித்தேன்.இவர் கொஞ்சம் வித்தியாசமான கணியன் பூங்குன்றனார்.எல்லோருக்கும் நேடிவ் ப்ளேஸ் பெண்ணின் பிறப்புறுப்பு தானே என பரந்த மனசோடு சொல்கிறாரோ என்னவோ! அவர்' யாதும் ஊரே'என்றார் . இவர்' எல்லோருக்குமே ஒரே.. ஒரே ஒரு ஊர் தான்' என இயம்புகிறாரோ?..

அவரே சஸ்பென்சை உடைத்து சொன்னார் ." புதுக்கோட்டை "
எல்லாரிடமும், எந்த ஊர் என்று யார் கேட்டாலும் எப்போதும் அப்படித்தான் சொல்வாராம்! வெடி சிரிப்பு சிரித்தார்.

புதுக்கோட்டை என்றதும் பக்கத்து ஊர் ஞாபகம் வருது . அறந்தாங்கி . அறந்தாங்கி என்றதும் அந்த ஊர்க்காரர் பால்குடி மறவா திருநாவுக்கரசர் யாருக்கும் நினைவில் வந்து விடுவார் . உண்மையில் நம் அரசியல் தலைவர்கள் எவ்வளவு அப்பாவிகள் !வெள்ளந்திகள் ! திருநாவுக்கரசர் பலவருடங்கள் பி ஜே பி யில் இருந்து பதவி சுகங்கள் அனுபவித்த பின் தான் அவருக்கு ஒரு பெரிய உண்மை தெரியவருகிறது . அய்யய்யோ .. பி.ஜே .பி. என்பது முஸ்லிம்களுக்கும் ,கிறிஸ்தவர்களுக்கும் எதிரான கட்சி! உடனே பதறிப் போய் உடனடியாக காங்கிரசில் சேர்ந்து விடுகிறார்!
விரல் சூப்பிக்கொண்டு ப.சிதம்பரத்திடம் " உங்கா ..உங்கா '' என்றாராம்.
உங்கா = தாய்ப் பால்

ஆமாங்க!

"பொய்யைத் தொழுதடிமை செய்வார்க்குச் செல்வங்களுண்டு " - பாரதி

D.R.அசோக் ப்ளாகில்

2009-11-19T17:34:00.001+05:30

http://ashokpakkangal.blogspot.com/2009/10/blog-post_25.html

நான் மிகவும் இரசித்து படிக்கும் தளங்களில் மிக முக்கியமானவர் R.P.ராஜாநாயகம். ரத்தினசுருக்கம் இவரது எழுத்து. வியக்கவைக்கும் நியாபக சக்தி. அதன் இரகசியம் அறிய ஆசை.
http://www.rprajanayahem.blogspot.com/

விஷய ஞானம் உள்ளவர். பார்த்து அனுகுங்கள். படித்து மகிழுங்கள்.

கிருஷ்ணமூர்த்தி ப்ளாகில்

2009-11-19T16:43:00.004+05:30

http://consenttobenothing.blogspot.com/2009/11/blog-post_18.html

முதலாவதாக, நாலு வரியோ, நாற்பது வரியோ, சொல்ல வரும் விஷயத்தை நச்சென்று சொல்லக் கூடிய திறமை உள்ள ஒரே பதிவர் என்னைப்பொருத்த வரை தமிழில்

R P ராஜநாயகம் தான் ! பெயருக்குத் தகுந்தாற்போல, அவர் ராஜநாயகம் தான்!

சாம்பிளுக்கு இங்கே மற்றும் இங்கே!
பச்சையாக எழுதுகிறார் என்று சிலபேர் நினைக்கக் கூடும். வெண்டைக்காய் மாதிரி என்ன சொல்ல வருகிறோம் என்பதையே சொல்லாமல் வழவழவென்று எழுதிக் கொண்டிருப்பவர்களை விட, நேருக்கு நேரான வார்த்தைகளில் உயிரோட்டத்தைச் சொல்ல முடிந்த ஒரே எழுத்தாளர் ராஜநாயகம் மட்டும் தான் என்பது என்னுடையகருத்து.

ஜூன் முப்பதன்று வால்பையன் என்னிடம் சாட்டிங்கில் வருத்தப்பட்டுச் சொன்னது-"இன்றைக்குப் புதுமைப்பித்தனுடைய பிறந்தநாள்! அவரைப் பின் பற்றித்தான் எழுதவே வந்தோம் என்று சொல்லிக் கொள்கிற எவருக்கும் புதுமைப் பித்தனைப் பற்றி நினைக்கக் கூட நேரமில்லை!” - இப்போது எதற்காக இதைச் சொல்கிறேன் என்று கேட்கிறீர்களா?

இன்றைக்கு தி . ஜானகி ராமனுடைய பிறந்த நாள்!

நினைவு வைத்துக் கொண்டு எழுதிய ஒரே பதிவர் ராஜநாயகம்! தான் வாசித்ததில் ஆழ்ந்த ஈடுபாட்டுடன் லயித்துப் போய், அதில் இருந்து தெறிக்கும் சின்னச் சின்ன எண்ணச் சிதறல்களை அப்படியே பதிவுகளில் வார்க்கும் வித்தை தெரிந்த ஒரே வலைப்பதிவரும் ராஜநாயகம் தான்!

நிகழ்காலத்தில்... said...November 18, 2009 8:32 PM
ராஜநாயகம் அவர்களின் எழுத்தைப் படித்து பலமுறையும் ஆச்சரியப்பட்டிருக்கிறேன். என்னை மறந்து சிரித்து இருக்கிறேன்.சங்கீதம் பற்றி எனக்கு ஒன்றும் தெரியாவிட்டாலும் அவர் குறிப்பிடுகிற நபர்கள், நுணுக்கங்கள் சபாஷ் போட வைக்கும்.அரசியல், திரைத்துறை என அவரின் வீச்சு பட்டிக்காட்டான மிட்டாய்கடையைப் பார்ப்பது போல் என்னைப் பார்க்க வைக்கும்

"என்னுள்ளே " ஷங்கி ப்ளாகில்

2009-11-18T16:20:00.004+05:30

கலிபோர்னியாவிலிருந்து

"என்னுள்ளே " ஷங்கி ப்ளாகில்2009 ,ஜூலை 3 ம்தேதி

http://wimpystar.blogspot.com/2009/07/3.html

பச்சயாப் பேசுறதுன்னா உங்க அகராதியில என்ன அர்த்தம்? காமத்தத் தூண்டற மாதிரி ஆபாசமாப் பேசறதா? என்னப் பொறுத்த வரைக்கும் பச்சயாப் பேசறதுன்னா இயற்கையா,இயல்பாப் பேசறது. பச்சை, இயற்கையின் நிறம் இல்லையா?! இன்னும் விளக்கமாச் சொல்லணும்னா நாகரீகப் போர்வைக்குள்ள ஒளிஞ்சுக்காம மனசுல தோணுறத அப்படியே சொல்லுறது. ரொம்பக் கொஞ்சம் பேரு தான் இதைச் செய்வாங்க,ஏன்னா நிறையப் பேருக்கு இது பிடிக்காது. இல்லையா?! இந்த மாதிரிப் பேசறது பொளேர்னு பொடனில அறைஞ்ச மாதிரி இருக்கும்.கி.ரா. வோட கரிசக்காட்டுக் கதைகள் இந்த மாதிரி இருக்கும்னு நினைக்கிறேன். நம்ம பதிவுலகில திரு R.P. Rajanayahem, இப்படி எழுதுவாரு, படிச்சிருக்கீங்களா

முசிறியும் புதுமைப்பித்தனும்

2009-11-18T10:36:00.004+05:30

புதுமைப் பித்தனின் நகைச்சுவை பற்றி பிரமிள் அது WITஅல்ல POWERஎன்பார்.

பொய்க்குதிரை என்ற சிறுகதையில் அந்த POWERபாருங்கள் .

நவராத்திரி கொலுவில் கிராம போன் சங்கீதம் ஒலித்துக்கொண்டிருக்கிறது .அந்த முசிறி சுப்பிரமணி அய்யர் பாட்டை கேட்காமல் லட்சுமியும் ,தோழிகளும் சிரித்துப் பேசிக் கொண்டிருப்பது பற்றி புதுமைப் பித்தன் SARCASTICஆக எழுதுகிறார் -

" கிராம போனில் , முசிறி இவர்களுடைய மனத்தை கவர முயற்சித்தும் முடியவில்லை . ஆனால் வெறுப்பு தோன்றாமல் பாட அவர் கிராமபோன் பிளேட்டாக மாறினால் தான் முடியும் . அது அங்கு நடந்து கொண்டிருக்கிறது."

முசிறி சுப்பிரமணி அய்யர் முகாரி பாடுவதில் விஷேச வல்லமை பெற்றவர் .

" என்றைக்கு சிவகிருபை வருமோ ?" முசிறி குரலில் மந்திரமாய் ஒலிக்கும் .உருக்கம் என்கிற பாவத்தை முசிறி அதி அற்புதமாய் குரலில் வெளிப்படுத்துவார் .

ஹிந்துஸ்தானி இசை பற்றி தி.ஜா

2009-11-18T10:20:00.003+05:30

மராத்தி பாடகனின் ஹிந்துஸ்தானி இசை பற்றி தி.ஜானகி ராமன் மோகமுள்ளில் :

"இது என்னடா சாரீரம் ! அதள பாதாளங்கள் எல்லாம் போறது! மேலே போனா சத்யலோகம் எல்லாம் போறது ! த்ரிவிக்ரமாவதாரத்திலே , பகவானோட தலை எங்கிருக்கின்னு தெரிஞ்சிக்க முடியலியாம் சிவப் பிரம்மாதிகளாலே. இவன் போய்எட்டிப் பிடுவான் போலிருக்கே !

அமிர்தத்தாலே காது , உடம்பு , மனசு , ஆத்மா எல்லாத்தையும் நனைச்சுப் பிடறான்."

இன்று நவம்பர்18 ம்தேதி தி.ஜானகிராமன் நினைவு தினம். தி.ஜா இறந்து 27 வருடம் ஓடிவிட்டது.

மதுகோடா

2009-11-17T16:06:00.007+05:30

இந்தியாவில் ஒன்பது பெரிய நகரங்களில் டெல்லியையும் ,மும்பை ,கொல்கொத்தா சேர்த்து,மொத்தம் எழுபது இடங்களில் இன்கம் டாக்ஸ் சோதனை நடத்தப்பட்டிருக்கிறது . இதற்கே அந்த மது கோடாவுக்குகின்னஸ் சாதனைப்புத்தகத்தில் இடம் இன்னொரு முறை தரவேண்டும் ! ஏனென்றால் அவர் ஏற்கனவே கின்னஸ் புத்தகத்தில் சாதனையாளராக இடம் பிடித்து விட்டவர் . சுயேச்சை எம் .எல் .ஏ ஆக இருந்து ஜார்கண்ட் முதல்வர் ஆனதற்காக கின்னசில் மது கோடா இடம் பெற்றவர் .இப்போது இரண்டாயிரம் கோடி ... இதை எழுத தயக்கமாய் இருக்கிறது .. இன்னும் ஆயிரம் கோடிங்க ... என நீங்க சொன்னா .. நான் நம்பத்தான் வேண்டும் .ஹவாலா மோசடி..!

மதுகோடா சூடத்தை கொளுத்தி சத்தியம் தான் செய்கிறார் ." நான் ரொம்ப நல்லவன் .. என் பேரை இவனுங்க சதி செய்து கெடுக்கரானுங்க.. என்னை கொல்ல திட்டம் போட்டுட்டானுங்க .."

அயோக்கியனுங்க ஏசு நாதரையே கொன்னவனுங்கய்யா .. காந்தியவே சுட்ட படுபாவிங்க ... மதுகோடா கதியை நினைச்சா நெஞ்சே பதறுதே! என்ன பாடு படுத்தப் போறானுங்களோ.. தெரியலேயே .. மதுகோடாவ சிலுவையிலே அறைஞ்சிடுவான்களோ .. இல்ல ..துப்பாக்கியால சுட்டுக்கொன்னு போடுவாங்களோ .. தெய்வமே ... இந்த அநியாயத்தை கேக்க ஆளே இல்லையா ..தெய்வமே ...தெய்வத்துக்குத் தான் கண்ணே இல்லையே..

சின்னப்பா பாகவதர் கச்சேரி

2009-11-16T17:29:00.006+05:30

ஒரு முழுமையான கச்சேரி பார்த்த திருப்தி 'ஜகதலப் பிரதாபன்' படத்தில் பி.யு. சின்னப்பா மூலம் கிடைக்கும் . " தாயைப் பணிவேன் அன்புடனே தாயை பணிவேன். ஒரு தாயை பணிவேன் " இந்த பாடலில் விஷேசம் என்னவென்றால் மொத்தம் ஐந்து சின்னப்பாக்கள் இந்த பாடலில் ! பாடகர் சின்னப்பா .வயலின் வாசிப்பவரும் சின்னப்பா தான். மிருதங்க வித்வானும் சின்னப்பா.இன்னொரு சின்னப்பா கஞ்சிரா வாசிப்பார் . மற்றொரு சின்னப்பா கொன்னக்கோல் பாகவதர் !அமர்க்களம் தான். 65வருடங்களுக்கு முன் இப்படி புதுமை.

பின்னால் 'திருவிளையாடல் 'படத்தில் 'பாட்டும் நானே பாவமும் நானே' பாட்டு சிவாஜிக்கு இதே போல அமைத்தார்கள் .

1944 ல் வெளி வந்த படம் ஜகதலப் பிரதாபன். அப்போது சின்னப்பாவுக்கு இருபத்தெட்டு வயது தான்.35வயதில் சின்னப்பா மறைந்து விட்டார் . எம்ஜியாரை விட ஒரு வயது தான் மூத்தவர் சின்னப்பா. எம்ஜியார் பிறந்த ஜாதகத்தை வித்வான் வே.லட்சுமணன் 1911ல் வைத்து கணித்து குறித்தார். ( ஏனென்றால் ஜாதகம் குறிக்க உண்மையான பிறந்த நேரம் ,தேதி ,வருடம் தேவையாயிற்றே !)அதன்படி பார்த்தால் எம்ஜியாரைவிட சின்னப்பா ஐந்து வயது இளையவர் .

ஆனால் காலம்

எம்.கே .டி - பி .யு .சின்னப்பா ,

எம்ஜியார் -சிவாஜி ,

கமல் -ரஜினி

என திரைப்பட சகாப்தங்களை பிரித்தது !

எம் கே டி படங்களில் அவர் உட்கார்ந்தால் பாட்டு .. எழுந்தால் பாட்டு ...நடக்கும்போது கூட ஒரு பாட்டு பாடுவார் . ஆள் ரொம்ப அழகானவர் . அவருடைய காலத்தில் பி யு சின்னப்பா அவருக்கு ஈடான நட்சத்திர நடிகர் . குஸ்தி போடுவார்.சொந்தக்குரலில் தான் பாடுவார் .எம்.கே.டியை விட திறமையான நல்ல நடிகர் .

எம்.கே .டி பாடல்கள் ஜனரஞ்சகமானவை .ஆனால் பி .யு. சின்னப்பா பாடல்களை எல்லோரும் பாடிவிட முடியாது . சின்னப்பா தாளஞானம் மிகுந்தவர் என்பதால் அற்புதமாக ஸ்வரம் பாடுவார் .

சமீபத்தில் 'குமுதம்' வார இதழ் ஒன்றில் சின்னப்பாவின் மனைவி நடிகை கண்ணாம்பாஎன்று 'சுனிலிடம் கேளுங்கள் ' பகுதியில் தவறுதலாக ,அபத்தமாக குறிப்பிட்டிருந்தார்கள் . கண்ணாம்பா 'கண்ணகி ' திரைப்படத்தில் சின்னப்பாவின் ஜோடியாக நடித்தவர் தான் . ஆனால் அவருடைய கணவர் நாகபூசனம் என்பவர் . இந்த நாகபூசனம் -கண்ணாம்பா தம்பதி பின்னால் எம்ஜியாரை வைத்து 'தாலி பாக்கியம் ' என்ற படம் தயாரித்து மிகுந்த அவஸ்தைக்கு உள்ளானார்கள் . கண்ணாம்பா வின் கணீரென்ற 'மனோகரா ' வசனம் யாராலும் மறக்கமுடியாதது .

WriterCSK பட்டியல்

2009-11-07T11:16:00.005+05:30

இரண்டு நாட்களுக்கு முன் தான் இந்த பட்டியல் என் கவனத்துக்கு வந்தது . சி.சரவண கார்த்திகேயனின் பட்டியல் .2009,ஆகஸ்ட் மாதம் 17 தேதியில் வெளியான பட்டியல்!
WriterCSK

சரவணகார்த்திகேயன் சி.BANGALORE, mailto:Ic.saravanakarthikeyan@gmail.com

தமிழ் : சிறந்த 10 வலைப்பதிவுகள்

R P ராஜநாயஹம் [http://rprajanayahem.blogspot.com/]
திணை இசை சமிக்ஞை [http://nagarjunan.blogspot.com/]
தீராத பக்கங்கள் [http://mathavaraj.blogspot.com/]
பிச்சைப்பாத்திரம் [http://pitchaipathiram.blogspot.com/]
அர்த்தமண்டபம் [http://sudesamithiran.blogspot.com/]
மொழி விளையாட்டு [http://jyovramsundar.blogspot.com/]
மொழியும் நிலமும் [http://jamalantamil.blogspot.com/]
வீணாப்போனவன் [http://veenaapponavan.blogspot.com/]
சிதைவுகள் [http://naayakan.blogspot.com/]
ராஜா சந்திரசேகர் கவிதைகள் [http://raajaachandrasekar.blogspot.com/]

விளாத்திகுளம் சுவாமிகள்

2009-11-06T18:01:00.003+05:30

விளாத்திகுளம் சுவாமிகள் என்றதும் ஒரு காவி கட்டிய உருவம் என நினைத்துவிடாதீர்கள் . விளாத்திகுளம் சுவாமிகள் காவி உடுத்தியது கிடையாது.இவர் காடல்குடி ஜமின்தார். மேலும் இவருக்கு மூன்று மனைவிகள். கம்பள நாயக்கர் இனம். கர்நாடக சங்கீதத்தில் மிகப்பெரும் ஞானி. நல்ல பாடகர் . ஆனால் கச்சேரி செய்பவர் கிடையாது . நல்ல சதஸில் இயல்பாக ஆலாபனை செய்ய ஆரம்பித்தால் ஒரு குறிப்பிட்ட ராகத்தில் பல நாட்கள் தொடர்ந்து பாடுவார் .கீர்த்தனையாக பாடுவது என்று கிடையாது . எந்த ராகம் என்றாலும் ஆலாபனையாக பல நாட்கள் பாடுவார் .தன் ரசிகர்களுக்காக பாடியவர் . ஒரு ரசிகர் இருக்கிறார் . அவருக்காக ஒரு கூட்டத்திற்கே பாடுவார் .குறிப்பிட்ட அந்த ரசிகர் காணாமல் போகிறார் என்றால் தாயைப் பிரிந்த குழந்தை போல தவித்து விடுவார் . தாள ஞானம் இவருக்கு கிடையாது . ஸ்வர ஞானம் உண்டு . ஆனால் ஸ்வரம் பாடத்தெரியாது .
கரிசல் இலக்கிய மன்னர் கி.ரா அவர்கள் விளாத்திகுளம் சுவாமிகள் பற்றி சொல்லக் கேட்பது சுகம் ! கு . அழகிரி சாமி இவரைப் பார்த்தவுடன் கி.ராவிடம் சொன்னாராம் " கம்பர் இப்படித்தான் இருந்திருப்பார் !" இதே போல கு . அழகிரி சாமி ரசிகமணி டி கே சி யைப் பார்த்தவுடன் சொன்னாராம் "அடையா நெடுங்கதவு வீடுகொண்ட சடையப்ப வள்ளல் இப்படித்தான் இருந்திருப்பார் !"
விளாத்திகுளம் சுவாமிகள் நல்ல கருப்பு நிறத்தில் ரொம்ப கம்பீர அழகு கொண்டவர் . பெரிய மீசை உண்டு . ஆனால் சுவாமிகளுக்கு தாடி கிடையாது .
இசை பயிலும் ஆர்வத்தில் கிராவும், அழகிரிசாமியும் அந்த காலத்தில் நாகஸ்வர மேதை காருக்குரிச்சியின் சகளைபாடியான பொன்னுசாமி அவர்களை ஒரு வீடு அமர்த்தி அவரிடம் கர்நாடக இசை பயின்றார்கள் . அப்போது அங்கு விளாத்திகுளம் சுவாமிகள் வருகை தரும்போது பொன்னுசாமி ஆர்மோனியம் வாசிக்க ஆரம்பிக்கும் போது, மெதுவாக ஆலாபனையை ஆரம்பிப்பார் .
விளாத்திகுளம் சுவாமிகள் பாட ஆரம்பிப்பது பற்றி கி ரா சுவாரசியாமாக சொல்வார் : சாமியாடுறவனுக்கு மேளம் அடிச்சவுடன் சாமி வருவது போல காருக்குரிச்சியின் ஷட்டகர் பொன்னுசாமி ஆர்மோனியம் வாசிக்க வாசிக்க விளாத்திகுளம் சுவாமிகள் பாடத்தொடங்குவார் . நினைத்துப் பார்க்கவே சந்தோசமாயிருக்கிறது . ஒரே ராகம் - ஆலாபனை - பல நாட்களுக்கு தொடர்ந்து !
சங்கீத கலாசாலை ஒன்று துவங்கும் முயற்சியின் போது ஹரிஜன் களையும் சேர்க்க வேண்டும் என கிராவும் கு அழகிரிசாமியும் வற்புறுத்தியபோது அதனை விளாத்திகுளம் சுவாமிகள் விரும்பவில்லை . சுவாமிகளின் இன்னொரு முகத்தைப் பார்த்த கிராவும் , கு அழகிரிசாமியும் அதனால் சங்கீத கலாசாலை பற்றிய அவரது முயற்சியிலிருந்து ஒதுங்கிக்கொண்டார்கள் .

கர்நாடக சங்கீதம் இப்போது ( இப்போது என்றால் கடந்த எண்பது வருடங்களாக) 'அரியக்குடி பார்முலா' மேடைக் கச்சேரி என்ற சிறைக்குள் , ஆம் சிறை என்று தான் சொல்லவேண்டும். ஒரு இருபத்தைந்து கீர்த்தனைகளை கற்றுக்கொண்டு வர்ணத்தில் ஆரம்பித்து தில்லானாவுக்குப் பின் மங்களம் என திரும்ப திரும்ப அதனையே பாடிக்கொண்டு வெளிநாட்டில் எட்டு மாதம் ,டிசெம்பர் சீசனை ஒட்டி ஒரு மூணு நாலு மாதம் உள்நாட்டில் வித்வான்கள் வியாபாரம் செய்வது என்று மாறிவிட்டது. இது குறித்த அதிருப்தியை திஜா மோகமுள்ளில் சொல்லியிருக்கிறார் .
ராகங்களை தரிசனம் செய்வது இனி சாத்தியமில்லை . அதாவது தியாகய்யர் தேவகாந்தாரியை ஏழு நாள் பாடியது , தோடி சீத்தாராமய்யர் தோடி ராகத்தை எட்டு நாட்கள் பாடியது போல , பட்ணம் சுப்ரமணிய அய்யர் பேகடா மூன்று நாட்கள் பாடியது போல இனி நடக்குமா ? நடத்திக்காட்ட முயற்சிகள் , இதற்கெனவே பிரத்யேகமான இசை விழாக்கள் நடத்தப்படவேண்டும் . கிராவும் இப்படி ஏங்கிசொல்வார் .
சங்கீதகலாசாரம் மாறுவது மிகவும் அவசியம் .ஒரு ராகம் பல நாட்கள் பாடப்படும்போது எப்படியெல்லாம் விஷ்வரூபம் எடுக்கும் !

'மிருதங்கம் ஒரு ஊமை வாத்யம் . கற்றுக்கொள்வதற்கு ஒரு கர்ப்ப வாசகாலம்
( அதாவது பத்து மாதம் ) போதும் தான் . ஆனால் என்ன வாசிக்கக் கூடாது என்பதை தெரிந்துகொள்வதற்குள் ஆயுசு தீர்ந்து விடும் . ' என்று பாலக்காடு மணி அய்யர் சொல்வார் .
ஒரு ஊமை வாத்தியத்தின் உன்னதத்தன்மையே இத்தகையது என்றால் கந்தர்வ வேதம் எனப்படும் சாஸ்த்திரீய சங்கீதத்தை எப்படி பேணப் போகிறோம் ?

Poramboke

2009-11-02T09:45:00.012+05:30

Catamaran மாதிரி Poramboke என்கிற வார்த்தையும் ஆங்கில அகராதியில் இடம்பெற நேரலாம். கட்டுமரம் - Catamaran. புறம்போக்கு - Poramboke .
நம் தனித்தமிழ் coffeeயை கொட்டை வடிநீர் என்றே பிடிவாதமாய் சொல்லியும் தனித்தமிழ் புலவரே 'காப்பி' என்று தான் சொல்லும்படியாகி விட்டது!
'ஹிந்து 'பத்திரிகையில் புறம்போக்கு நிலம் பற்றி Poramboke என்றே தான் குறிப்பிடுகிறார்கள்.

இந்த உயர்ந்த நீதிபதி பி டி தினகரன் கதை ஈரோடு அடாவடிமுன்னாள் தமிழக அமைச்சர் ராஜாவை மிஞ்சும்படியாயிருக்கிறது . இந்த
land grabbing (197acres in Kaverirajapuram,Tiruvallur Dt.)கதையில் ,கலெக்டர் ,மேஜிஸ்ட்ரேட் துவங்கி வி.ஏ.ஒ வரை தினகரனின் அசகாயசூரத்தனம் பற்றி சொல்லி விட்டார்கள். காவேரிராஜபுரம் கிராமத்தார் பெரும்பான்மையோருக்கு அவர்கள் வீடு உள்ள இடத்திற்கே இன்னும் பட்டா கிடைக்கவில்லை!
இந்த பி.டி.தினகரனை நான் சிலவருடங்களுக்கு முன் பார்க்க வாய்ப்பு கிடைத்தது .
நான் பணி புரியும் நிறுவன முதலாளி மீது அபாண்டமான ஒரு கிரிமினல் கேஸ் போடப்பட்டது . அதை எதிர்த்து சேலத்தில் stay வாங்கியது துவங்கி உயர்நீதிமன்றத்தில் அந்த கேசை நடத்துவது வரை என் பொறுப்பில் இருந்தது . அப்போது மக்கள் தீர்ப்பாயம் (Lok Adalat) முன் உயர் நீதிமன்றத்தில்
08-07-2006 அன்று என் எம் .டி சார்பில் ஆஜர் ஆக நான் போயிருந்தேன் . அங்கே பாஷா, ரவி ராஜ் பாண்டியன் ஆகிய நீதிபதிகளோடு வழக்குகளை பைசல் செய்ய தினகரனும் இருந்தார். எங்கள் எம் டி மீது கேஸ் போட்டவர் பத்து லட்சத்திற்கு ஐந்து லட்சம் கொடுத்தாலே போதும் என்றும் நான்கு வருடங்களுக்கு வட்டியும் வேண்டாம் என்றும் சொன்னார் . கேஸ் அபாண்டமான பொய் கேஸ்! இதில் அந்த கேஸ் போட்ட சேட்டு தாராள மனசைக்காட்டினார் . தினகரன் என்னிடம் " இது லாட்டரி சீட்டுக்கு பரிசு விழுந்தமாதிரி உங்கள் அதிர்ஷ்டம் . பத்து லட்சத்திற்கு ஐந்து லட்சம் போதும் என்கிறார் . அதோடு நான்கு வருடத்திற்கு வட்டியும் வேண்டாம் என்கிறார் . ஒத்துக்கொள்ளுங்கள் " என்று கறாராக வற்புறுத்தினார் . அங்கு வந்திருந்த ஜுனியர் அட்வகேட்டும் என்னிடம் " பெரிய நீதிபதிகளை மறுக்க வேண்டாம் .'' என்று கேனத்தனமாக மிரண்டு போய் சொன்னார் . நான் பிறகு சீனியர் அட்வகேட் அவர்களையும் ,எங்கள் ஜி.எம் அவர்களையும் கன்சல்ட் செய்து விட்டு அவரிடம் அதற்கு மறுப்பு தெரிவித்து 'கோர்ட் பென்ச்சில் பார்த்துக்கொள்கிறோம் . தவறு செய்யாத போது ஏன் இதற்கு ஒத்துக்கொள்ளவேண்டும் ' என உறுதியாக சொல்லி விட்டேன் . மக்கள் தீர்ப்பாயம் என்றாலே கட்டப்பஞ்சாயத்து போலத்தான் என்று அன்று தெரிய வந்தது . வக்கீல் சம்பந்தப் படாமல் மூன்றுஉயர் நீதிமன்ற நீதிபதிகள் முன் நானே வாதாடியது எனக்கு ரொம்ப த்ரில்லான அனுபவம் .
அன்று இரவு சன் செய்திகள் வால்டாக்ஸ் ரோடு லாட்ஜில் நான் பார்த்தபோது தினகரன் தமிழக முதல்வர் அவர்களை சந்திப்பதை காட்டினார்கள் !
அடுத்த மாதமே (19.08.2006 ) அந்த கேசை இப்போது மறைந்த நீதிபதி எஸ் .அசோக் குமார் (கருணாநிதி நள்ளிரவு கைதில் போலீசை கிண்டியெடுத்த நீதிபதி தான் )அவர்கள் தள்ளுபடி செய்து தீர்ப்பு செய்தார்கள்.

குழந்தையும் காலமும்

2009-10-31T09:58:00.007+05:30

புதுமைப் பித்தன் கதையொன்றில் ஆற்று நீரில் தன் கால்களை விட்டு விளையாடும் குழந்தை ஒன்று . வானில் சூரியன் தவிப்பான் . குழந்தையின் பாததரிசனம் வேண்டி. குழந்தையின் பாதங்கள் எப்போது நீரில் இருந்து வெளிவரும் என ஏங்கும் சூரியன். அவ்வளவு சுலபமாய் கிடைத்து விடுமா குழந்தையின் பாத தரிசனம் என புதுமைப்பித்தன் கேட்பார்.வெங்கட் சுவாமிநாதன் துவங்கி பலரும் இந்த 'புதுமைப் பித்தன் பன்ச் ' பற்றி மிகவும் சிலாகித்து எழுதியிருக்கிறார்கள்.

காலச்சக்கரம் சுற்றியது.காலம் நகர்கிறது , காலம் போய்க்கொண்டிருக்கிறது. காலம் ஓடியது. காலம் ஓடிவிட்டது. காலம் ஓடிக்கொண்டிருக்கிறது என்ற காலம் Cliché கள் நாம் வாசித்து ,கேட்டு சலித்தவை தான்.

சமீபத்தில் முகுந்த் நாகராஜனின் கவிதை பரவசம் தந்தது

"தயங்கித் தயங்கி

அம்மாவின் கைப்பிடித்து

மெதுவாகப் படி இறங்குகிறது

குழந்தை

சீராகப் போய் கொண்டிருந்த

காலம்

சற்று தயங்கித் தயங்கி

முன்னகர்கிறது "

.....................

பெரியவர்கள் உலகில் உழைக்க உகுக்கப்படும் சிறுவர் சிறுமிகளின் labour பற்றி பிரச்சார சத்தமில்லாத கவிதை ஒன்று -

"தீப்பெட்டியைத் திறந்து

பார்த்தேன்

அத்தனையும் பிஞ்சுக்கரங்கள் "

மறைந்த கந்தர்வன் கவிதை ????

சுஜாதா கூட குழந்தைத்தொழிலாளி பற்றி ஒரு கவிதை முன்னர் எழுதியிருக்கிறார் .

அதில் ஒரு வரி இன்னும் மறக்க முடியவில்லை . ஏனென்றால் வெளியூர் போக நேரும்போது அடிக்கடி ஹோட்டல்களில் சாப்பிட வேண்டியிருப்பதால் .

" ஹோட்டலில் சாப்டவுடன் இலை எடுப்பாய் "

உலகத்தின் தன்மை

2009-10-30T10:08:00.010+05:30

சில நாட்களுக்கு முன் அருந்ததி ராய் சொல்லியிருக்கிறார் : “In a way, what the muslims were to the BJP, the Maoists are to the Congress.”

பாரதி பாஞ்சாலி சபதத்தில் :" ஊரை ஆளும் முறைமை- உலகில் ஓர் புறத்திலும் இல்லை.''

Arundhati Roy has alleged that because of 'economic interests' in mineral – rich States, the government and establishment actually needs a war. It needs an enemy. And so in a way what the Muslims were to the BJP, the Maoists are to the Congress.

செம்மைதீர் அரசியல் அநீதி!

புதுமைப் பித்தன் தன்னுடைய " சாப விமோசனம் " கதையில் : "உலகத்தின் தன்மை என்ன,இப்படி விபரீதமாக முறுக்கேறி உறுத்துகிறது. "

ந.பிச்சமூர்த்தி "காவல் " சிறுகதையில் :"கண்ணில் விழுந்த தூசி போல் சதா வாழ்வு உறுத்திக்கொண்டே இருக்கிறது."

....

ஈரோட்டில் அடாவடித்தனம் பண்ணிய ராஜாவை மாவட்டச்செயலாளர் பதவியில் இருந்து நீக்கி அவருடைய அப்பா பெரியசாமியிடம் பொறுப்பை ஒப்படைத்து விட்டார் முதல்வர். என்னே நீதி பரிபாலனம்!

....

நோபல் பரிசு பெற்ற தமிழர் வெங்கட்ராமன் ராமகிருஷ்ணன் கர்நாடக சங்கீத ரசிகர் .U.S., அல்லது U.K. என எங்கே இருந்தாலும் சரி, விஞ்ஞான விரிவுரைக்காக மட்டுமே அல்லாமல் கர்நாடக சங்கீதம் கேட்பதற்காகவே இந்தியாவுக்கு வந்து கொண்டிருந்திருக்கிறார்.

நல்ல செய்தியும் பத்திரிகைகளில் பார்க்க கிடைக்கின்றன.

எந்தரோ மகானுபாவலு! அந்தரிக்கி வந்தனமு!

ஒரு சுவாரசியமான சங்கீத செய்தி வெங்கட்ராமன் ராமகிருஷ்ணனுக்கு தெரிந்திருக்கும்!

' சந்ததம் பாஹிமாம் சங்கீத சாமளே ' என்கிற முத்துச்சாமி தீக்ஷிதர் கீர்த்தனையை பிரிட்டிஷ் தேசிய கீதத்தின் மெட்டிலே தீக்ஷிதர் அமைத்திருக்கிறார்!

...........

டோனி பிளேர் அடுத்த ரவுண்டு செய்திகளில் அடி பட வாய்ப்பு கிடைக்கலாம் போலிருக்கிறது .'ஐரோப்பிய ஜனாதிபதி' எனும் ஒரு புதிதாய் உருவாக்கப்படபோகும் பதவி விஷயத்தில் 'Front-runner' இவர் தானாம். அல்லது வேறு யாராவது அந்த பதவியில் அமரப் போகிறாரா?

பின்னிய மேகச்சடை

2009-10-29T12:01:00.009+05:30

திஜானகிராமன் மோகமுள் நாவலில் :" நிலவொளியில் வெண்மை பூண்ட மேகங்கள் கப்பல் கப்பலாக விம்மிக் கொண்டிருந்தன. வில்லடித்த பஞ்சுப் படலம் ஒன்றின் மீது சந்திரன் வேகமாக ஓடிக்கொண்டிருந்தது,வலையில் படாமல் ஓடுவது போல."

எம்.டி.வாசுதேவன் நாயர் அவர்கள் கவிஞர்களைப் பற்றி சிலாகித்து சொன்ன வார்த்தைகள்-
" காலக்கறையானால் அரிக்கப்படாத பூமரங்கள் கவிஞர்கள். நிழலும் நறுமணமும் நல்கும் இத்தருக்கள் தான் வறண்ட நம் சமூக வாழ்வின் அரிய செல்வங்கள்."

கவியுள்ளம் பெறுவதற்கு ' உள்ளதை உள்ளத்தில் வாங்கி உயிரூட்டும் சுக்கிரத்தவிப்பு வேண்டும். உள்ளதுக்கு அப்பால் ஆழ்ந்து எரியும் சூரியத்தகிப்பு கூட வேண்டும் ' என்பார் பிரமிள். 'புட்டிகுடியையும் குட்டி அடியையும் அவுத்து அவுத்துக் காட்டிவிட்டால் கவிதை ஆகுமா?' என ஆவேசமாக கேட்டவர் அவர் .

நிலவு.அதைச்சுற்றி மேகங்கள் .இதை இரவில் பார்க்கிறார் பிரமிள்.
"நிலவை மழித்தான் தேவ நாவிதன்
சிகையாய் முகில்கள் வானில் விரிந்தன "

இது தான் உள்ளதை உள்ளத்தில் வாங்கி உயிரூட்டும் சுக்கிரத்தவிப்பு!

எஸ் வைத்தீஸ்வரன் : 'வானம் கட்டுப்பாடற்று பெற்றுத்திரியவிட்ட
மேகங்கள், பொல்லாவாண்டுகள். நினைத்த இடத்தில்,கவலையற்று,நின்று தலையில் பெய்துவிட்டு,மூலைக்கொன்றாய் மறையுதுகள் வெள்ளை வால்கள் !'
சுக்கிரத்தவிப்பு!

சாதாரண உண்மைகளை ஒரு சரியான தலைப்பு கொடுத்துக்கூட நல்ல கவிதையாக்கிவிட முடியும் . புரட்சி என்ற தலைப்பில் ராஜசுந்தரராஜன் எழுதிய கவிதை அப்படி ஒரு கவிதையை உருவாக்கியது . அந்த 'புரட்சி ' என்ற தலைப்பு இல்லாவிட்டால் அது கவிதையே அல்ல என்றாகி விடும் .
புரட்சி
மேகத்தில் இருந்து
மழை மட்டுமல்ல
மின்னலும் பிறக்கும் .

இது உள்ளதுக்கு அப்பால் ஆழ்ந்து எரியும் சூரியத்தகிப்பு !

குருதத்

2009-10-27T10:27:00.014+05:30

தமிழ்பட தயாரிப்பு செலவுகள் மிக கடுமையாக உயரே போயிருப்பது குறித்து நடிகர்,தயாரிப்பாளர் பாலாஜி தான் இறப்பதற்கு முன் ஜெயா டி வி பேட்டியில் தார்மீக ஆவேசத்துடன் கண்டனம் தெரிவித்திருந்தார். கேரவன், கதாநாயகன் சம்பளம், ஆடம்பர படப்பிடிப்பு செலவுகள் குறித்து கடும் அதிருப்தியை தெரிவித்திருந்தார் . இதே ஜெயா டி வி யில் தான் 'திரும்பிப்பார்க்கிறேன்' நிகழ்ச்சியில் பங்கேற்கும் போது பஞ்சு அருணாச்சலமும் இந்த அதிருப்தியை வெளியிட்டார்.

குருதத் பற்றி ஒரு செய்தி நம் Princely,luxuriousகதாநாயக நடிகர்கள் தெரிந்து கொள்ளவேண்டும். 'பியாசா' கதாநாயகன் குருதத்.

ஒருமுறை ஒரு ஷூட்டிங் செட்யூல் நடக்கும்போது குருதத் அதற்கு செல்லமுடியவில்லை. ஏனென்றால் அவரிடம் இரண்டே இரண்டு பேன்ட் தான் இருந்த நிலை. அதில் ஒன்று மிகவும் அழுக்காக இருந்தது. இன்னொன்று லாண்டரியில் இருந்தது.

குரு தத் பற்றி எழுத ஆசை தான். ஆனால் அபத்தப் பின்னூட்டங்கள் பற்றிய பயம் காரணமாக இத்துடன் நிறுத்துகிறேன் . ஏனென்றால் ஒரு எல்லாம் தெரிஞ்ச ஏகாம்பரத்திடம் " குருதத் கதாநாயகனாக நடித்த பல படங்களின் இயக்குனரும் அவரே தான் " என்றேன் . உடனே அவர் " நம்ம ஊரு பாக்யராஜ் , பாண்டிய ராஜன் மாதிரி தானே!" என பதிலடி கொடுத்து விட்டார் .
இந்த எல்லாம் தெரிஞ்ச ஏகாம்பரர்கள் பனங்கொட்டையை கரடி முட்டை என்பார்கள்.

.......

குருதத்துடன் 'பியாசா ' , 'காகஸ் கே பூல்' , ஆகிய படங்களில் நடித்த ஹிந்தி நடிகை வகிதா ரஹ்மான் தமிழ் படங்களில் கூட அதற்கு முன் நடித்திருக்கிறார் . எம்ஜியார்,பானுமதி,பி.எஸ். வீரப்பா நடித்த ' அலிபாபாவும் நாற்பது திருடர்களும் ' படத்தில் ஒரு பாடலுக்கு நடனம் ஆடியிருக்கிறார் .

ஜெமினி கணேஷ், அஞ்சலி தேவி, எஸ்.வி. சுப்பையா நடித்த ' காலம் மாறிப்போச்சு ' படத்தில் " ஏரு பூட்டி போவாயே ! அண்ணே சின்னண்ணே !" என்ற பாட்டுக்கு நடனம் ஆடி அப்போது பிரபலமாய் ஆனவர் வகிதா ரஹ்மான். இவர் செங்கல்பட்டு ,தமிழ்நாட்டில் பிறந்த பெண் . ஆனால் இவர் ஹைதராபாத்தை சேர்ந்தவர்,ராஜமுந்திரியை சேர்ந்தவர் என்றே பலரும் எண்ணிக்கொண்டிருக்கிறார்கள். நானும் அப்படி குழம்பித்தான் தவறுதலாக எண்ணிக்கொண்டு இருந்திருக்கிறேன்.

பாரதி மணி said...
இது சுயதம்பட்டமல்ல.

குருதத் எனும் மாமேதையுடன் பழகியிருக்கிறேன் என்பதில் எனக்குப்பெருமை.

அறுபதுகளில் தில்லிக்குவரும் குருதத்தை போய் பார்ப்பேன். என் ஆபீஸ் தொலைபேசி எண் அவரது டைரியில் இருந்தது.

ஒருதடவை, அவர் யமுனை நதியில் மீன் பிடிக்க ஆசைப்பட்டார். தெரிந்த நண்பர்கள் மூலமாக விலையுயர்ந்த தூண்டில், மண்புழு சகிதம் அதிகாலையில் ஓக்லாவுக்கு போனோம். தான் பிடித்த மீனை ஹோட்டலுக்கு கொண்டுவந்து, அசோகா ஹோட்டல் பெங்காலி Chef-இடம் அவைகளை எப்படி சமைக்கவேண்டுமென்று சொல்லிக்கொடுத்தார். அவர் மட்டுமே அவைகளை சாப்பிட்டார். ஏனெனில் நான் ஒரு Pure Vegetarian! Not even an 'Egg'itarian!!

தன் ஸ்டேட்டஸுக்கு குறைந்த நண்பர்களிடம் எப்படி பழகவேண்டுமென்பதை மறைந்த தமிழ்நாட்டு நடிகர்கள் அவரிடம் கற்றுக்கொண்டிருக்கவேண்டும்!
Tuesday, 27 October, 2009

ஷண்முகப்ரியன்

2009-10-26T16:49:00.006+05:30

R.P.ராஜநாயஹம் பதிவுகள் பற்றி

ஷண்முகப்ரியன் said... எங்கெங்கோ சுற்றிக் கடைசியில் உங்கள் பக்கத்தில் வந்து நிலைத்து விட்டேன்,சார்.என்னைத் தூண்டிய,எனக்குள் எந்த ஆர்வத்தினையும் தூண்டாத இரண்டு எதிர் முனைகளிலும் உங்களது எழுத்தின் பாணி என்னை ஆட்கொண்டது. ஆழமில்லாத இடம் எனக் காலை வைத்தால் ஆளையே விழுங்கிவிடும் ஆழத்தோடு ஓடும் நதி போல உங்களை நம்பிப் படிக்க முடியவில்லை!பரவசமான நன்றிகள்,நண்பரே. Friday, 23 October, 2009

ஷண்முகப்ரியன்-நான் ஒரு திரைப்பட எழுத்தாளன்! இயக்குனர்! வெற்றிவிழா, சின்னத்தம்பி பெரிய தம்பி, பிரம்மா போன்று 30 படங்களை எழுதியதும், ஒருவர் வாழும் ஆலயம் போன்று நான்கு படங்களை எழுதி இயக்கியதும் எனது அனுபவங்கள்.=================================கரையிலிருக்கும் கடவுளைப் பற்றி கவலைப்படாமல் எனது நெஞ்சக் கோவிலின் புனிதநதி எந்த நேரமும் ஓடிக் கொண்டே இருக்கிறது.... என் வாழ்க்கையைப் போலவே.....

நாமக்கல் சேஷையங்கார்

2009-10-22T17:19:00.003+05:30

நாமக்கல் நரசிம்ம ஐயங்காரின் பிரதான சிஷ்யன் சேஷையங்கார். இவர் திருக்குருங்குடியை சேர்ந்தவர் . ராமநாதபுரம்,கோயம்புத்தூர் ,சென்னை போன்ற ஊர்களில் சேஷையங்கார் வாழ்ந்தார். அவர் குருநாதர் ஊர் இவர் பெயருடன் சேர்ந்து நாமக்கல் சேஷையங்கார் என்றே அறியப்பட்டார் . வாத்தியார்களுக்கேல்லாம் வாத்தியார் என அந்தக்கால வித்வான்கள் நாமக்கல் சேஷையங்கார் பற்றி குறிப்பிடுவார்கள். இவர் மச்சினியும் வளர்ப்பு மகளுமாகிய எம் .எஸ் சௌந்தரம் பெற்ற மூத்த மகள் சியாமளா பாலகிருஷ்ணன் . பத்மாசுப்ரமணியத்தின் மூத்த அண்ணா தான் பாலகிருஷ்ணன்.

நாமக்கல் சேஷையங்காரின் சிஷ்யர்களில் பிரதானமானவர் சித்தூர் வி நாகய்யா.
நாகய்யா பற்றி ... எம். எஸ் . சுப்புலக்ஷ்மிக்கு ஜோடியாக ' மீரா ' படத்தில் நடித்தவர். புஷ்பவல்லிக்கும் ஒரு படத்தில்(கோரகும்பர் ) ஜோடியாக நடித்தவர் . அந்த புஷ்பவல்லி -நாகய்யா படத்தில் ஒரு சின்ன ரோல் ஜெமினி கணேசன் செய்திருக்கிறார். பின்னால் 1960களிலும் 1970களின் ஆரம்பத்திலும் அப்பா ரோல்,மாமனார் ரோல்களிலும் சாமியார் ரோல்களிலும் தமிழ் படங்களில் வந்து இடைவேளைக்கு முன் அல்லது படம் முடியுமுன் பெரும்பாலும் செத்துப்போவார் பாவம் . ஒரு பெரியவர் சொன்னார் . ஒரு படம் செகண்ட் ஷோ போயிருக்கிறார் . அந்த படத்தில் நாகய்யா இடைவேளையின் போதோ , அதன் பின்னரோ , என்ன எழவோ நாகய்யா இருமி அழுது கண்ணீர் விட்டு,நடுங்கும் குரலில் உருக்கமாக பேசிவிட்டு வழக்கம்போல செத்துப்போயிருக்கிறார் . படம் முடிந்து வீட்டுக்கு வந்து இரண்டரை மணி போல இந்த பெரியவர் தூங்கிவிட்டு காலை ஏழு மணிக்கு எழுந்து தினசரியைப் பிரித்தால் மூன்றாம் பக்கம் சின்ன புகைப்படத்துடன் " பத்மஸ்ரீ வி நாகய்யா மரணம் " என்று செய்தி சின்ன அளவில். செய்தி படித்த பெரியவருக்கு அதிர்ச்சி கிஞ்சித்தும் இல்லை . வருத்தமும் கொஞ்சம் கூட இல்லை . ஒரு ஐம்பது படத்திலாவது நாகய்யாவின் மரணத்தைப் பார்த்து சலித்திருந்த தமிழ் திரையுலக ரசிகர்களுக்கு யாருக்குமே இது செய்தியாக அப்போது சலனமேதும் ஏற்படுத்தவே இல்லை . ஆனால் நாகய்யா பன்முக ஆற்றல் நிறைந்தவர் . திரை இசைப் பாடல்களில் கூட இவர் சொந்தக்குரலில் பாடிய " திருமுருகா என ஒரு தரம் சொன்னால் உருகுது நெஞ்சம் " இன்றும் கேட்கக்கிடைக்கும். இப்போது தி நகர் பனகல் பார்க்கில் சிலையாக இன்று நிற்கிறார்!

நாமக்கல் சேஷையங்காரிடம் வைஜயந்தி மாலாவின் அம்மா வசுந்தரா இசை பயின்றிருக்கிறார் . டைகர் வரதாச்சாரியாரின் சிஷ்யன் பிரபல நடிகர் ரஞ்சன் கூட நாமக்கல் சேஷையங்காரிடம் பாடம் பயின்றவர் தான். அரியக்குடி ராமானுஜ அய்யங்கார் இவரிடம் வந்து பல கீர்த்தனைகளை பாடம் கேட்டிருக்கிறார் .
நாமக்கல் சேஷையங்கார் அவர்களின் குருநாதர் நரசிம்ம ஐயங்கார் வீட்டுக்கு உஸ்தாத் அப்துல் கரீம்கான் கூட வந்து சங்கீத சர்ச்சைகளில் ஈடுபட்டிருக்கிறார் .

1955 ல் ஒரு நாள் வெளியே சென்று விட்டு வீட்டுக்கு வந்து மாலை நேரம் சந்தியாவந்தனம் , காயத்திரி, ராம ஜெபம் செய்து விட்டு கண் மூடிய நிலையில் பிரார்த்தித்த நிலையில் நாமக்கல் சேஷையங்கார் அமர்ந்திருக்கும்போது ,கோதுமைக்கஞ்சி இவருக்காக இவர் வீட்டு மாமி ( எம் .எஸ் . சௌந்தரத்தின் மூத்த சகோதரி ) எடுத்து வந்தபோது இவர் உயிர் பிரிந்தது .

நேர்மையான வாழ்க்கை சேஷையங்காரிடம் இருந்தது . ரொம்ப ஆச்சாரமான வாழ்வு வாழ்ந்திருக்கிறார் .

இடைவெளி சம்பத்

2009-10-21T16:53:00.004+05:30

இடைவெளி நாவல் எழுதிய எஸ்.சம்பத் நாராயணன் 42வயதில் மூளை ரத்தநாளச்சேதத்துக்கு ஆளாகி 1984 ல் மறைந்து விட்டார் . தன் எழுத்துக்களில் முதன் முதலாக புத்தகவடிவம் பெற்ற ' இடைவெளி ' நாவலை முழு புத்தகமாய்ப் பார்ப்பதற்கு முன்னர் மறைந்து விட்டார் .
தன் திறமைகளுக்குரிய கவனிப்பு தனக்கு கிடைக்கவில்லை என்ற வருத்தம் இவருக்கும் இருந்தது . 'அம்மாவுக்கு ' நாவல் சமர்ப்பிக்கப்பட்டிருந்தது .

ஆதவனும் சம்பத்தும் கல்லூரியில் இந்திராபார்த்தசாரதியின் மாணவர்கள் . இந்திரா பார்த்தசாரதி பள்ளியில் படிக்கும்போது தி.ஜானகிராமனின் மாணவர்.
சம்பத் மறைந்து மூன்றே வருடத்தில் 45வயதில் 1987ல் ஆதவன் மறைந்தார் . தி.ஜாவுக்கும் 1982 ல் 62வயது தான். சாகிற வயசா ?

இடைவெளி - சாவு பற்றிய சம்பத்தின் ஆழ்ந்த தவம். ' சாவு என்னை ஈர்த்தவிதம் -' கடைசியாக எல்லாம் போய்விடுகிறது . இதற்கு என்ன செய்வது ? தற்கொலைத்தனமான இந்த எண்ணம் எனக்கு ஒரு மகத்தான உண்மையை உணர்த்தி விட்டது . இடைவெளி நாவல் - ஒரு ஆன்மாவின் கைதேர்ந்த அறிவின் சத்திய சோதனை . விவரிக்கமுடியாத சிக்கல்களைக் கொண்ட பிரபஞ்சம் , ஏதோ ஒரு கனிவில் , மனிதனிடம் காட்டும் ஞானப் பிச்சை '

சம்பத் அவரே சொல்வது போல அடிப்படை விஷயங்களில் உழல்பவர் .

சாவு என்பது இடைவெளி . வெற்றி எல்லை தெரியாமல் ஓடும் குதிரை .
எதிராளி தோற்றுப்போனால் சொல்லிக்கொடுக்க வேண்டும் . ஆனால் சாவிடம் மட்டும் ஏன் இந்த வெறி போகவேஇல்லை . இது நாள் வரை தன்னுடைய தன்மையை மரணம் உணர்த்திக்கொல்லாமலே இருந்திருக்கிறது . குறைந்த பட்சம் அதற்கு ' போர் ' அடிக்கவில்லை . எப்போதுமே ஜெயிப்பது விடலைத்தனமான காரியம் இல்லையா ?

காந்தி முழத்துண்டுடன் நின்று குண்டுகளை வெறும் மார்பில் வாங்கிக் கொண்டார் . காந்தி வெறும் உடம்புடன் நின்றது தான் அவருடைய அத்தனை கால தற்காப்புக்கும் காரணம். வெறும் உடம்பில் சுடுவது என்பது அவ்வளவு ஈசியான காரியமா ? வெறும் உடம்போடு எதிர்ப்பும் தெரிவிக்க மாட்டேன் என்ற மனிதனை !

கம்யுனிஸ்ட் கடவுளை நம்பினா அவன் சமுதாயத்துக்கே பயங்கரமானவன் .

இப்படி இடைவெளி நாவலில் படித்த விஷயங்கள் இன்றும்
மறக்கமுடியவில்லை .

டெல்லியிலேயே வளர்ந்த சம்பத் சென்னைக்கு வந்த பின் மவுண்ட் ரோடு குறித்து சில வார்த்தை சொல்கிறார் :' மவுண்ட் ரோடு - மதராசின் கனாட் ப்ளேஸ்.இதுவும் இதனுடைய மூஞ்சிகளும் ! எப்படி ,எங்கு வேண்டுமானாலும் பிறக்கலாம் . வளர்ந்த நிலையில் இங்கு இருக்கக்கூடாது .

இந்த நாவல் பற்றி சொல்ல சம்பத் நாவலில் ஒரு இடத்தில் எழுதும் வார்த்தைகளையே சுட்ட வேண்டியுள்ளது ." எண்ண ஓட்டங்களுக்கு, பெரிய எண்ண ஓட்டங்களுக்கு ஒரு பூ மணப்பின் குணம் உண்டு . அதை யாருமே அசட்டை செய்து விட முடியாது ."

பூமியில் விளைவது எல்லாமே மனிதனுக்கு சொந்தம், எல்லாமே எல்லோருக்கும் சொந்தம் என்ற காலம் வராதா என பகல் கனவு கண்ட சம்பத்.

சம்பத் தின் இடைவெளி நாவல் நூறு பக்கங்கள் தான் . நாவலில் வாமன அவதாரம்! க்ரியா வெளியிட்ட இந்த நாவல் (August,1984) அதன் பிறகு இன்னும் மறுபிரசுரம் செய்யப்படவே இல்லை.

அந்த காலத்தில் டெல்லியில் சம்பத் ஆயிரம் பக்கங்களுக்கு ஒரு நாவல் எழுதி கையெழுத்துப் பிரதியாக இ . பா.விடம் படிக்க கொடுத்திருக்கிறார் . சில நாளில் இ .பா படித்தவுடன் அவர் வீட்டிற்கு போகிறார் . இ .பா நாவல் பற்றி " Rambling ஆ இருக்குடா . நல்லா எடிட் பண்ணனும் ." என்று வெராண்டாவில் சொல்லிவிட்டு வீட்டினுள்ளே போயிருக்கிறார் . சம்பத் ஆயிரம் பக்க நாவலின் கையெழுத்துப் பிரதியை நெருப்பு வைத்துக்கொளுத்தி விட்டார்!" டே டே .. ஏண்டா " இபா பதறிப் போய்க்கேட்டிருக்கிறார். " குருநாதருக்கு பிடிக்காத நாவல் இனி எதற்கு ?" என்று சாவகாசமாக சம்பத் சொன்னாராம்.

இன்று சம்பத் எழுதி வாசகர்களுக்கு இந்த இடைவெளி நாவல் தான் மிஞ்சியிருக்கிறது. கணையாழியில் அருமையான இரண்டு குறுநாவல்கள் எழுதினார். '' சாமியார் ஜூவிற்கு போகிறார் '' அடுத்து " பணம் பத்தும் செய்யும் " என்ற குறுநாவல் .
கசடதபற வில் 'கோடுகள் ' என்ற சிறுகதை . ' இடைவெளி ' என்ற தலைப்பிலேயே கூட ஒரு சிறுகதை எழுதியிருக்கிறார் . அவர் சிறுகதையொன்றில் திஜாவின் மூத்த மகன் சாகேத ராமன் ஒரு பாத்திரமாக வந்திருக்கிறார் .

ஜி . நாகராஜனின் படைப்புக்கள் தொகுக்கப்பட்டது போல சம்பத்தின் படைப்புகளும் தொகுக்கப்பட்டால் நல்லது .ரொம்ப சொற்பமாகத்தான் எழுதினார் . அவர் மொத்தப்படைப்புகளும் கூட ஒரு சிறு நூல் அளவுக்குத்தான் வரும் .

கவிதைக் கனி பிழிந்த சாற்றினிலே

2009-10-20T11:00:00.009+05:30

புதுமைப்பித்தனின் "கடவுளும் கந்தசாமியும் " சிறுகதையில் கந்தசாமியிடம் கடவுள் எச்சரிக்கையுணர்வுடன் சொல்வார் :" உங்களிடமெல்லாம் எட்டி நின்று வரம் கொடுக்கலாம், உடன் இருந்து வாழ முடியாது "

கந்தசாமி இதற்கு கடவுள் முகத்தில் அடித்தாற்போல பதில் சொல்வார் ." உங்கள் வர்க்கமே அதற்குத்தான் லாயக்கு."

பிரபலமான தேவதேவன் கவிதை ஒன்று

"காட்சியளிப்பதே தன் கடமையென உணர்ந்தவராய்

எழுந்தார்

துயர் குழப்பமிக்க இவ்வுலகில்

தன் கடமை என்னவென்ற வெகு

யோசனைக்குப் பின் கடவுள் "

என்ன தான் எச்சரிக்கையாகவும் கௌரவ பிரக்ஞையுடனும் கடவுள் இருந்தாலும் அவரை டென்சன் ஆக்காமல் மானிட ஜன்மங்கள் இருப்பதில்லை . சமீபத்திய ஆனந்தவிகடன் ஒன்றில் 'யூத்து கூத்து' பகுதியில் ஒரு ஜோக் .

" கடவுள் எப்போ டென்சன் ஆவாரு "

" கல்யாணம் ஆகாத பொண்ணு கர்ப்பமாகி வயிறு ஊதிபோய் நிற்கும்போது அவங்க வீட்டிலே " ஐயோ கடவுளே ! இப்படி பண்ணிட்டியே !" ன்னு புலம்புறப்ப தான் "

....

ஊருக்கு சொல்லுமாம் பல்லி!கழனியில் விழுமாம் துள்ளி ! - இது சொலவடை .

பல்லி விழும் பலன் என்று சோதிட சாஸ்திரத்தில் ஒரு பகுதி உண்டு . " பல்லி தலையில் விழுந்தால் மரணம் " - இப்படி பீதி கிளப்பும் பலன்கள் !

வாலிழந்த பல்லியைப் பார்த்து பிரமிள் எது கவிதை எனக்கேட்டு எழுதிய கவிதை .

"கவிதை -

இறக்கத்துடிக்கும் வாலா?

உயிரோடு மீண்ட உடலா ?"

சுவரில் நிற்கும் பல்லி ஏன் அசையாமல் நிற்கிறது . சுவற்றையே தான் தான் தாங்கி சுமந்துகொண்டிருப்பதாய் பல்லி நினைக்குமாம் . தான் அசைந்தால் சுவர் விழுந்து வீட்டில் உள்ள மனிதர்கள் செத்து விடக்கூடாதே என்று ஆடாமல் அசையாமல் நிற்குமாம்!செருக்கு!நினைப்புக்கார பல்லி!

சுவற்றில் உள்ள பல்லியை பாப்லோ நெருடோ தன் கவிதையில் கூறுகிறார் :
“ A Drop of Crocodile on the wall”

மாம்பழத்தைப் பிழிந்தால் துளித்துளியாக மாம்பழச்சாறு தான் வரும் . திராட்சையைப் பிழிந்தால் துளித்துளியாக திராட்சைச்சாறு கிடைக்கும். ஆனால் கவிதைக்கனி பிழிகையில் வெளிவரும் சாறு அப்படியல்ல . -பல்லி A Drop of Crocodile ஆகிப் போகிறது.